img
الرئيسة / معجنات / معجنات الدجاج دورة طبخ ٤

معجنات الدجاج دورة طبخ ٤

/
/
/
1223 مشاهدات
 

معجنات الدجاج دورة طبخ ٤

معجنات الدجاج دورة طبخ ٤

معجنات الدجاج دورة طبخ ٤

معجنات الدجاج دورة طبخ ٤, معكم صديقة زاكي الشيف الموهوبة ,

المقادير

  • للعجين :
  • خمس اكواب طحين
  • كوبين حليب دافي
  • نص كوب زيت
  • معلقة كبيرة سكر
  • معلقة صغيرة ملح
  • معلقة صغيرة بكنغ باودر
  • معلقتين كبار خميرة فورية
  • معلقة كبيرة خل ابيض
  • للحشوة :
  • اربع صدور دجاج مقطع مكعبات صغيرة
  • ربع حبة فلفل حلو احمر مقطع مكعبات
  • ربع حبة فلفل اصفر مقطع مكعبات
  • ربع حبة فلفل اخضر مقطع مكعبات
  • ربع حبة فلفل برتقالي مقطع مكعبات
  • قرن فلفل حار اختياري
  • حبة بصل كبيرة مقطع مكعبات
  • باكيت مرقة دجاج ماجي
  • معلقة كبيرة بهارات تندوري
  • معلقة صغيرة ثوم باودر
  • معلقة صغيرة بصل باودر
  • معلقة صغيرة كاري انا بستخدم كاري مهران كتير زاكي وحار
  • اربع معالق زيت مازولا
  • نص معلقة صغيرة ملح
  • نص معلقة صغيرة فلفل اسود
  • جبنة شدر استخدمة علبتين كرافت

الخطوات

السلام عليكم يا غاليات كيفكم اليوم جبتلكم طريقتي بمعجنات الدجاج حاجة هيك بتشبة الفاهيتا والشاورما الإيطالي ولاكن بشكل اخر يلا نشوف مع بعض كيف

اول شي بعمل العجين بحط الحليب الدافي والسكر والملح والخميرة والبكنغ باودر والخل وبحركهم منيح وبعدين بنزل عليهم الطحين والبكنغ باودر وبعجنهم مزبوط واخر شي بحطلهم الزيت وبعجن حتى تبطل تلزق باليد وبتركها تخمر

هلا للحشوة

بحط بمقلاة على الغاز الزيت وبنزل الدجاج وبقلبو حتى تتنشف ميتو وبقلبو مزبوط وبعدين بنزل البصل والفلفل الألوان وبقلبهم وبعدين بنزل بالماجي والتوابل كلها وبقلبهم وبس يذبل الخضار شوي بطفي تحتهم وبتركهم يبردو

هلا بس خمرة العجين وجهزة الحشوة ببلش اقطع العجين كرات واغطيهم وابلش افرد العجين واحط الحشوة واحط فوقها الجبنة وبلفها لف وبسكرها مزبوط من تحت ومن الأطراف وبحطهم بصينية الفرن وبخلي الفتحة لتحت وبس اخلص بريح الخبزات ربع ساعة وبعدين بشوي على نار وسط الفرن بكون محمى مسبقآ وبس احمرهم واجهزهم بطلعهم من الفرن وبغطيهم ببشكير المطبخ النضيف حتى يطرو وبقدمهم سخنين جربوها ودعولي كتير زاكين وكتير رح يحبوها الصغار والكبار جربوها ودعولي يا غاليات

طبعآ زاد معي شوية عجين حشيتهم جبنة وعملتهم كرات رح تشوفوهم بالصور تحت

36 تعليقاً

  1. وعليكم السلام ورحمة الله وبركاته 🌹

    ما شاء الله عليكي يا عمري شكله بشهي وبيفتح النفس والله شهتينا أللهم بارك صحه وعافيه يا رب وإن شاء الله بالصحه والعافيه عليكو 😍😙

  2. يا عيني عليك يا أم حسن وعلى معجناتك اللي بتشهي.. روعاتك يا قلبي على ألوان الحياة اللي موجودة في الحشوة مع البهارات المشكلة يمييييي
    صحة وهنا يا قلبي أبدعتي 💖💖

  3. يعطيكي الف عافيه يا قلبي…. رائعة وشهية بنفس الوقت ومشكورة على شرحك المفصل والترتيب بالخطوات تسلم ايدك حبيبتي 💟💟💟

اترك تعليقاً

لن يتم نشر عنوان بريدك الإلكتروني.