img
الرئيسة / معجنات / اقراص العيد الشهيه بزيت الزيتون دوره طبخ

اقراص العيد الشهيه بزيت الزيتون دوره طبخ

/
/
/
2516 مشاهدات
 

اقراص العيد الشهيه بزيت الزيتون دوره طبخ

اقراص العيد الشهيه بزيت الزيتون (دوره طبخ )

اقراص العيد الشهيه بزيت الزيتون دوره طبخ

اقراص العيد الشهيه بزيت الزيتون دوره طبخ , معكم صديقة زاكي الشيف الموهوبة , يسعد اوقاتكم حبيباتي غبت وجبت معي اقراص العيد بزيت الزيتون ع طريقتي ان شاء الله تجربوها وتعجبكم وهلا يله ع المقادير

المقادير

  • ٥ كوب طحين ابيض
  • ٢ كوب طحين اسمر ضروري وصحي
  • كوب ونص زيت زيتون
  • نص كوب حليب بودره
  • ٤ ملاعق سمسم
  • ٤ ملاعق قزحه او حبه البركه
  • معلقتين دقه كعك الي هي شومر ويانسون وكمون مطحونين
  • ملح
  • نص معلقه كركم
  • ضرف خميره مفوره بكاسه ماء دافئ مع معلقه سكر
  • للعجن اضافي:
  • ماء دافئ
  • لتدهين القراص بعد الخبز:
  • زيت زيتون

الخطوات

اولا ننخل الطحين ونضيف الملح والحليب والسمسم والقزحه والكركم ودقه الكعك بوعاء عميق

وبعد هيك بنضيف الزيت وبنفرك الطحين ليتجانسو

بتفور الخميره بكوب ماء دافئ ومعلقه سكر وبنعجن فيها الطحين ورح نحتاج ماء اضافي للعجينه لحتى تتكون عنا عجينه غير لاصقه بندهن وجه العجين زيت زيتون

وبنريح العجين ساعه بمكان دافئ لتتخمر

بنقطع العجين لكرات مناسبه للقالب الموجود وبنريحها عشر دقائق

وبنسخن الفرن ع اعلى حراره وبندهن القالب زيت وبنبلش نشكل الاقراص بالقالب

***** الي ما عندها قالب بتقدر تشكل الارغفه بكاسه الشاي لتعطي شكل حلو بعد الخبز ومثل ما هو موضح بالصوره

بنخبز القراص ع الرف الاخير ليستوي ويتحمر قاعهم

وبنحمر الوجه

بس يتحمرو بندهنهم زيت وهن سخنين وبنحطهم بوعاء عميق وبنغطيهم بفوطه نظيفه ليتشربو الزيت

وبعد هيك بناكلهم مع كاسه شاي

بنفعو فطور او عشاء او ضيافه طعمهم رائع وهش وببيض الوجه

بتمنى تجربوها وتعجبكم وادعواتكم بالخير حبيباتي

احبكم كلللللكم ♥️♥️♥️

92 تعليقاً

  1. اوووووه منظرهم رووووعة ما شاء الله..
    يسلم اديكي وعينيكي…
    حماتي ما شاء الله..بتبدع فيه القراص..وبتغرقه زيت زيتون..بشهي صراحه..
    الله يعطيكي العافية حبيبتي❤❤

    • قلبي ماما عايده هاد خبز تراثي عنا بنعمله بالاعياد ويقدم ضيافه للمعايدين
      اسمه اقراص العيد
      بتمنى تجربيه لو بنصف المقادير وتعطيني رائيك
      بلكي اعملتيلي دعايه بالمغرب 😅😅😅😅😅

  2. ماشالله تبارك الرحمن الله يسلم اديكي يارب ويباركلك يارب لانه جربتهم وكتتير زاكين صحتتين وعافيه يارب⁦❤️⁩⁦❤️⁩⁦❤️⁩ وع المفضله عشان اضل مذكره مقاديرها واضني اعملها

  3. عالمفضلة فوراً ما في شك ناوية أعملها ان شاء الله بس اجيب طحين اسمر
    يسلمو ايديكي حبيبتي روعة روعة
    صحه وعافيه يارب عليكم تتهنو حبيبتي 😘 😘

اترك تعليقاً

لن يتم نشر عنوان بريدك الإلكتروني.