ستيك بالفطر والفلفل اكلة روعة وتستحق التجربة

71 2٬919
 

ستيك بالفطر والفلفل اكلة روعة وتستحق التجربة

ستيك بالفطر والفلفل اكلة روعة وتستحق التجربة

ستيك بالفطر والفلفل اكلة روعة وتستحق التجربة

ستيك بالفطر والفلفل اكلة روعة وتستحق التجربة, معكم صديقة زاكي الشيف الموهوبة ,

المقادير

  • كيلو لحمة ستيك
  • 5 حبة فلفل الوان مقطع جوانح 3 بذوبوا بالطبخة و2 بالآخر بنضيفهم بضلوا يقرشوا
  • حبة بصل كبيرة مقطعة جوانح
  • كمية اختيارية من الفطر منظف ومقطع
  • رشة ملح
  • رشة فلفل اسود
  • ملعقتين صويا صوص او البديل ملعقة واحدة دبس رمان اي كان الخيار بكون مذوب بكوب ماء
  • ارز امريكي مطبوخ عادي ومضاف اله لون اصفر او زعفران او كركم

الخطوات

السلام عليكم ورحمة الله وبركاته

كيفكم جميعاً صديقاتي واخواتي المخلصات رفيقات الدرب الصعب ربي ما يحرمني منكم ومن حنيتكم عليه وعلى ابني.

#وبحب في هذا المقام اشكر اخواتي ( ام عمر) و(نور احمد) لانهم اهتموا بصحة ابني وقدموا وصفات مخصوصة خالية من الجلوتين مع انهم مش مضطرين ابدا لهالشي بس من طيب اخلاقهم وحنية قلوبهم البيضاء جزاكم الله كل خير وجعل تعبكم معي في ميزان حسناتكم يارب.

#وصفة اليوم طبخة سخنة ودافيه وسهلة كالعادة وطعمها جدا لذيذ وبحب أنوة على شغلة انه الفلفل في المرحلة الأولى خليته يذوب تقريبا تماماً على عكس ما بحب الناس انه يضل ظاهر بس انا حبيت اخلي فواذده تندمج وتتحول لسائل مع سوائل الطبخة عسان اولادي يستفيدوا منه كونهم دائماً بعزلوه على جنب وما بوكلوه.

وضفت حبتين فلفل بالاخر لأرضاء ذوقي وذوق زوجي ما ذابوا وضلوا ظاهرين وبيقرشوا.

بتمنى الوصفة تنال اعجابكم وتجربوها.

ملااااحظة/

ممكن استبدال الستيك بالدجاج مكعبات رح يكون روعة.

ملاااااااحظة اخيرة/

الوصفة كاملة عملياً موجودة على قناتي في يوتيوب

(أشهى الأكلات وأحلى الأفكار)

أتوقع تكون نزلت مع نزول هاي الوصفة كوني لسا ما رفعت الفيديو حبيت اشارككم الطبخة قبل اليوتيوب.

وصديقاتي الجدد يلي ما اشتركتوا اتمنى تتفضلوا وتشرفوني بزيارة في القناة وتشتركوا وتفرحوني بمشاهداتكم.

دمتم بكل خير يا رب

71 تعليقات
  1. ام محمد wwww :

    مممممم هل اكله شو زاكيه يسلمو اديكي يارب

    1. 💠أم جاسم💠 :

      الله يسلمك يارب ام محمد ويسعدك نووورتيني

  2. غزل :

    يسلمو ايديكي ام جاسم اكله بتشهي👍

    1. 💠أم جاسم💠 :

      الله يسلمك يارب غزل نووورتيني

  3. ماما عايدة المغربية :

    توحشنا وصفاتك على زاكي يا أم جاسم 😘😘
    تبارك الله عليك وصفة رائعة و سريعة 😋
    و الى القناة لمشاهدة الفيديو و الاعجاب 😍 الله يوفقك يارب.

    1. 💠أم جاسم💠 :

      ربي يبارك فيكي ويسعدك ماما عايده كلك زوووق ربي مايحرمني منك ومن حنيتك يارب

  4. ام حامد :

    يسلمو ايديكي بتشهي روووعة
    وان شاء الله راح اجربها
    وع المفضلة 👍👍

    1. 💠أم جاسم💠 :

      الله يسلمك يارب ام حامد ويكرمك نوورتيني وتشرفت بمعرفتك

  5. ام سليم 🌸 :

    يسلموا ايديكي حبيبتي وصحة وعافية يارب ما شاء الله عليكي منظر خراااااافي

    1. 💠أم جاسم💠 :

      يسلمك ربي ام سليم ويسعدك يارب نووورتيني

  6. مسلمه حرة :

    صحتين والف عافيه ياارب …تسلم ايديكي على كل الوصفات الرائعة
    بتمنى منك تنزلي وصفة المندي على زاكي

    1. 💠أم جاسم💠 :

      يسلمك ربي اختي مسلمة
      غالية والطلب رخيص تكرم عينك رح انزلها هون ان شاء الله

  7. إم مصطفي 😉 :

    وعليكم السلام ورحمة الله وبركاته 🌹

    يا هلا بالأطايب تبارك الرحمن شو هالجمال يا قلبي ربي يسلم ديادك ويسعدك ويعطيكي الصحه والعافيه بشهييييي صحه وعافيه يا رب 😍😘

    1. 💠أم جاسم💠 :

      ربي يسلمك ويسعدك ويبارك فيكي ام مصطفى الغالية نووورتيني

  8. ام ابراهيم من اليمن :

    يعطيك العافيه طبخاتك روعه كلها وشهيه ومرتبه وانا مشتركه في قناتك من يوم ماطلعت القناه وبتجي لي كل الاشعارات يا غاليه

    1. 💠أم جاسم💠 :

      يعافيكي ربي ام ابراهيم اختي وصديقتي الصدوقة مشكوووورة على المتابعة والتشجيع المستمر

  9. ام علي :

    يسلمو ايديكي المنضر بشهي واكيد الطعم

    1. 💠أم جاسم💠 :

      الله يسلمك ام علي يارب نووورتيني

  10. ام اصيل :

    رووووووووووعة
    الف صحححتييين وعوووافي حبيبتي

    1. 💠أم جاسم💠 :

      انتي الأروع ام اصيييل يسعد قلبك شو بحب تعليقاتك

  11. فوفو 💐 :

    الف صحه وعافيه عليكم ام جاسم…
    الله يفتحها بوجهك… وتنكشف الغمه عن امتنا.. ويرجعو متابعينك اكثر واكثر 🌹🌹🌹

    1. 💠أم جاسم💠 :

      اللهم آمين يارب العالمين ام علي ياربي تنكشف الغمة قريب يارب

  12. ام حمزه :

    يسلمو اديكي اكلاتك بتشهي ام جاسم الف صحه وعافيه عليكم

    1. 💠أم جاسم💠 :

      يسلمك ربي ويكرمك نوورتيني

  13. ****** :

    ربي يسلم اديكي شفتها من مبارح وفعلا شكلها بشهي

    1. 💠أم جاسم💠 :

      يسلمك ربي اختي ويسعدك مشكوووورة على المتابعة والتشجيع

  14. بلبله :

    عيني عليكي بارده ام جاسم
    يسلمو هالانامل

    1. 💠أم جاسم💠 :

      يسلمك ربي بلبلة يا متابعتي المخلصة

  15. ام امير :

    زمان عن وصفاتك ام جاسم يسلمو ايديكى ياورده…

    1. 💠أم جاسم💠 :

      يسلمك ربي ام امير ويسعدك يارب ما تفقدي غالي

  16. um ameer :

    يسلم اديكي ويعطيكي العافية المنظر بجنن والله 😍

    بس ممكن سؤال قديه اخدت وقت اللحمة لستوت لاني حابة اجربها وما عمري عملت لحمة 🙄 بدي تكون اللحمة جوسي من جوا مو ناشفة وشادة شو نصيحتك الي لو سمحتي

    ومتابعتك اوب بأول ع اليوتيوب 💕

    1. 💠أم جاسم💠 :

      يسلمك ربي ام امير ويسعدك يارب
      اللحمة مدة استوائها حسب حجمها ونوعها
      الستيك من عجل صغير ما بتطول وخاصة لما تتصغر القطع يعني كل الطبخة اخدت يمكن 45 دقيقة. لو جبتي لحمة خروف صغير بتستوي بسرعة كمان.
      اهم شي باي وصفة لحمة تنزليها على زيت سخن وتقلبيها لحتى تتشمع من برا وتحبس السواذل داخلها فبتطلع طرية وجوسي ومش ناشفة.

  17. أميرة بأخلاقي :

    ألف صحه وهنا ام جاسم هاي مو متل الفاهيتا

    1. 💠أم جاسم💠 :

      علي قلبك اميرة تسلميلي يارب
      امبله فيها شبه من الفاهيتا بس ماحطيت اي بهارات معها. وبطلع معها مرقة شوي مش ناشفه مثل الفاهيتا.

  18. غير معروف :

    يسلموا ايديكي زمان عنك يا طيبة سالت عنك زمان ما نزلتي وصفاتك اشتقنا لوصفاتك الجميلة
    بدي اسالك في عندي بروكلي بتاكل بدون قلي ولا بينسلق كيف ممكن استخدموا الله يعطيكي العافية على مجهودك

    1. 💠أم جاسم💠 :

      الله يسلمك ويبارك فيكي يارب اختي تسال عنك الجنة.
      البروكولي زي الزهرة تعاملي معه بس وهو ني مش زاكي اقليه او حطيه مع المقلوبة او اسلقيه واعمليه مشاط او حتى حوس مع بصل زاكي بكل حالاته.

    2. غير معروف :

      الله يجزيكي الخير

    3. 💠أم جاسم💠 :

      واياكي يارب

  19. ♥OmSaif♥ :

    صحتين وعوافي ام جاسم

    1. 💠أم جاسم💠 :

      علي قلبك ام سيف نوووورتيني

  20. 🍒أم محمّد🍒 :

    روووعه وصفه بتشهي
    صحه وعافيه يا رب
    اشتقنا لوصفاتك بزاكي
    يسلم ديااتك

    1. 💠أم جاسم💠 :

      على قلبك يارب ام محمد تشتقلك الجنة يارب نووورتيني

  21. القدس عربية :

    أم نبيل
    ما شاء الله يسلمو ايديكي يا وردة ويعطيكي الصحه والعافيه يارب أكله رووووعه وزاااكية

    1. 💠أم جاسم💠 :

      يسلمك ربي ويبارك فيكي ام نبيل نووورتيني

  22. ام علاء ابو يحيى :

    تسلم دياتك على هالوصفه اشتقنالك واشتقنا لوصفاتك ربي يكرمك ويعطيك الف عافيه على الشرح الوافي والتصوير الواضح والاكلات الطيبه متلك

    1. 💠أم جاسم💠 :

      يسلمك ربي ام علاء يا بركتنا انتي تشتقلك مكة يارب ربي يبارك فيكي ويسعدك

  23. اولادي سعادتي ( ام آدم) :

    يمممممممممي هاي الوصفه عشق 😍😍 تسلم ايدك حبيبتي روووعه …بيعملوها بالمطاعم وبيحكولها فيلادلفيا صح بس بكون معها جبنه 😋😋😋😋😋

    لما بعملها من عند اللحام بطلب منه اللحمه وبقلو قطعها قطع بيف ستراغنوف ..اريح ما انا ابلش فيها 😂

    1. 💠أم جاسم💠 :

      يسلملي الشيف العالمي انا
      يسعد قلبك ام آدم يا وردة

  24. ام أحمد ❤❤ :

    كتير زاكية هالاكلة مبدعة دائما يا قلبي يعطيكي الف عافية

    1. 💠أم جاسم💠 :

      الله يعافيكي ام احمد ويسعدك يارب نووورتيني

  25. الآء محمد :

    تسلم ايدك و الله كل من تحت دياتك روعة و بيشهي ما شاء الله تبارك الله الله يحميكي و يحفظك ل عيلتك

    1. 💠أم جاسم💠 :

      الله يسلمك يارب آلاء ويسعدك كلك زوووق نوووورتيني

  26. 🌷 ورود الامل ⚘ :

    هالاكلة بصراحة جنااان بموت فيها بس في اختلافات بسيطة بيني وبينك ….اذا عملتها بالدجاج بقطع الدجاج بشكل رفايع قد الاصابع وبتصير كمان مكعبات زي ما حكيتي وبحط عليهم بهارات وبتركهم حوالي ٥ ساعات ولما بصير وقت الطبخ بكون مجهزة الفطر والبصل مقليتهم بعدين بنزل الدجاج والفليفلة الملونة
    والاختلاف التاني اني انا مابدوب معلقة الدبس بكاسة مي …بحطها مع الدجاج لما ببهرو
    واذا عملتها باللحمة طبعا بطبخ اللحمة لوحدها لحتى اتاكد انها استوت بصير بنزلها فوق البصل والفطر يلي مقليتهن
    وبقدم جنب هالاكلة بطاطا مقلية مع صحن سلطة
    ورح اعطيكم اقتراح بامكانكم تعملو هالوصفة اللذيذة وتلفوها بساندوش صامولي وتطلعو تاكلوها بهالاجواء الي بتججن …وعن جد كأنك عم تاكليها مع افخم مطعم
    وهيني ساعدتك بالوصفة اليوم ام جاسم ماتقولي عني اني حكيت كتير
    والله يسلم ايديكي ويعطيكي العافية

    1. 💠أم جاسم💠 :

      هههههههه ما شاء الله عنك ورود الامل واضح انك معتمديتها ضمن طبخاتك المتكررة وطريقتك بالدجاج روعة.
      حبيت اعمل معها شوية صوص واقدمها مع رز
      لأني بتجنب الخبز وبحاول ابعد عنه عشان جواد.

      بس للامانة كثير افدتيني وافدتي الصبايا الله يجزيكي كل خير يارب.

    2. 🌷 ورود الامل ⚘ :

      معك حق والله …الله يعافيلك ياه ويقر عينك فيه ويحفظلك ياه من كل مكروه …
      هو انا مجرد اقتراح للناس الي بحبو بطنن ..زي يعني …😅 بس من جد والله لما تحطيها بسندويش الصامولي وطبعا بتفرغي العجين منو وبتعبيها من هالدجاج عن جد بتسوى مية مرة اكل المطاعم ولذيذة بكل معنى الكلمة
      ومرة تانية الله يعطيكي القوة والعافية 😍😘😍

    3. 🌷 ورود الامل ⚘ :

      اه صحيح والله بامكانك تعمليها لجواد بالخبز الخاص فيه وتكبسيها بالسخانة وتعملو الكم بالخبز الصامولي ….مجرد اقتراح عزيزتي …ان شاءالله يكون بناسبو ويحبها

    4. 💠أم جاسم💠 :

      يسعد قلبك يارب وانا بقرا بوصفك بس اشهيت سندويشه منه ههههههه ان شاء الله المرة الجاي بعملها بطريقتك الحلوة وبعملها لجواد بخبزه وبككيله هالسندويشة من خالتو ورود الأمل.

  27. وردة الأردن(الجبل) :

    يسلموا ايديك يا ام جاسم وصفة زاكية وحلوة نورتي والله يوفقك يا رب

    1. 💠أم جاسم💠 :

      الله يسلمك يارب وردتنا نووورتيني

  28. 💓EMAN💓 :

    يسلم اديك أم جاسم
    وصفة رااائعة
    صحتين وعافية عقلوبكم🌹🌹

    1. 💠أم جاسم💠 :

      الله يسلمك يارب ايمان ويكرمك كلك ذوق نووورتيني

  29. سوزان :

    يسلمو ايدكي بتشهي ياقلبي مبدعه ماشاء الله

    1. 💠أم جاسم💠 :

      الله يسلمك يارب سوزان زمان عنك عساك بخير وصحة يارب

  30. ⭐⭐ياسميين⭐⭐ :

    يا هلا وبالغلا…كيف حالك إم جاسم شو أخبارك إشتقتلك يا قلبي كيف أمورك إن شاء الله تكونِ بخير يارب…
    يسلموا إيديكي حبيبتي الوصفة بتجنن وبتفتح النفس والصور والخطوات ما شاء الله واضحة …بتعرفي رأي فيكي وفي وصفاتك من زمان مش ضروري كمل هههههه …
    إن شاء الله يارب من نجاح لنجاح ومن تقدم لتقدم الله يقويكي يارب …

    1. 💠أم جاسم💠 :

      هلا فيكي صديقتي واختي الغالية الياسميين وانا اشتقتلك ولتعليقاتك ولحكياتك الحلوة ربي ما يحرمني منك.
      طمنيني عنك وعن اخبارك

  31. ⭐⭐ياسميين⭐⭐ :

    ❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤هدول كلهم إلك 😍😍😍😍😍😍😍😍😍😍😍😍😍😍😍😍😍😍😍😍

    1. 💠أم جاسم💠 :

      ههههههه تسلميلي شو زوووق
      🌺🌹🌸🌻🌷🌼💐🌺🌹🌸💐🌼🌷🌻🌸🌹🌺💐🌼🌷🇯🇴🌼💐🌹🌺💐

  32. ريحانة🌿 :

    وعليكم السلام ورحمة الله وبركاته
    ما شاء الله .. تسلم إيدك

  33. 🌾أم عمر محمد🌾 :

    ماشاءالله تبارك الله
    رووووووووعة
    وشهية جدا
    دائماً متألقه

    الله يبارك فيكي أختي ماعملت شيء واجبي والله ببالي وصفات كثير عشانه وعشان المرضى لكن الوقت ماهوه متاح والله المستعان
    أخت عزيزه وأبن أختنا يفداه كل شيء الله يشافيه ويصلحه ويقر عيونكم بصحته وعافيته
    والله يااأختي مدري أيش أحكي عن حنان الأم مع أني صرت من قريب أم ولكن مشاعري تجاه أبني تفوق كل شيء قد أعيشه في حياتي محبته لاتضاهيها محبه وكأنني لم أحب أحداً قبله وأشعر بأنني كنت لاشيء قبل مجيئه سبحان الله عاطفه يصعب وصفها
    فكم ضحت أمهاتنا من أجلنا رحمهن الله أحياء وأموات .

  34. أم جود :

    ما شاء الله…رووووعة وبتشهي…وشرحك للوصفة ولا أحلى..يسلمو جد من كل قلبي…الله يحفظك😘😘

  35. 💖نور💖أحمد💖 :

    وعليكم السلام ورحمة الله وبركاته 😍
    ياهلا وغلا بالحلا وأكلاتو اللذيذة
    اللهم بارك ما أحلى هالطبق وألوانو اللي بتفتح النفس
    تسلم ايديكي ياعمري😘

    مافي داعي للشكر ياقلبي جواد ابن أختنا وشي طبيعي نفكر فيكي وفيه ⁦♥️⁩
    وانا اصلا قلتلك قبل بوصفاتي انو انا اللي بتشكرك لأنو بسبب تفكيري بجواد وبوصفة بتناسبو كمان بكون في ناس تانيين الهم وضع صحي معين استفادو أكيد
    وانتي شجعتيني كتير اني فكر بوصفات صحية أكتر فربي يجزيكي كل خير ويفرح قلبك وقلوبنا بشفاء جواد التام ان شاء الله♥️⁩

اترك رد

لن يتم نشر عنوان بريدك الإلكتروني.