الرئيسة / منوعات / القاتل الصامت

القاتل الصامت

/
/
/
1719 مشاهدات
 

القاتل الصامت

القاتل الصامت

القاتل الصامت

القاتل الصامت, معكم صديقة زاكي الشيف الموهوبة ,

القاتل الصامت لدماغ الطفل

السوشيال ميديا والأجهزه الذكية

” أعطيه التلفون خليه يسكت بدل ما يضل يعيط ”

“افتحيله الأي باد عالألعاب أحسن ما يضل ينط و يخرب

“افتحيله اليوتيوب خليه يسكت ”

هالجمل بتسمعها الأمهات كثير من الناس الي حواليها

بمحاولة تجاهل ضجيج الطفل أو تجنب محاورته عشان الأشي الي بعيط عشانه

الفيديوهات و الألعاب عالتلفون كيف بتأثر على دماغ الطفل يا دكتوره ؟

الأطفال دماغهم بطور عن طريق التفاعل مع المحيط سواء كان عائلاتهم أو الأطفال الي من جيلهم أو الأكتشاف من خلال الألعاب خصوصا أول ٣ سنين في حياتهم (الفترة الذهبية لتطور الدماغ )

الألعاب و الفيديوهات صحيح بتشد انتبهاه الطفل بطريقه عجيبه لكن للأسف دور الطفل سلبي خلال هاي الساعات وهو ما بتفاعل مع الي بصير ، عشان هيك هذا الاشي بأثر على تطور دماغه ،ساعات بضيع من عمره كان المفروض نساعده على أن يكتسب ويعمل تشابكات عصبيه جديده بتساعد على تطور دماغه .

وشو دخل السوشيال ميديا ؟

فيه نسبه لا يستهان بها من الأطفال بعمر ال ١٠ سنين فما فوق لديهم حسابات على السوشيال ميديا بكافة أنواعها ويبحرون بهذا العالم ،الذي يسرق عقولهم بالساعات و يتم استغلالهم .

توصيات الأكاديميه الأمريكيه لطب الأطفال حول استخدام الأجهزة الذكية للأطفال

1. الأطفال أقل من سنتين لا يسمح لهم باستعمال الأجهزه الذكية سواء كان فيديوهات أو ألعاب

2. الاطفال من ٢-٥ سنوات يجب أن لا يتجاوز وقت المشاهدة أكثر من ساعه مع مراقبه الأهل لنوعية المادة التي يشاهدها .

3. عدم استعمال الأجهزة الذكية لتهدئة الطفل في نوبات الغضب و البكاء ،لأن ذلك سيؤدي إلى أن يستعمل الطفل بكائه كنقطة ضعف  لوالديه للحصول على التلفون أو الآي باد.

“يعني ما فيه اشي اسمه اعطيه التلفون خليه يسكت “.

4. ممنوع استعمال الأجهزه الذكية قبل النوم بساعة.

5. عدم وضع هذه الأجهزه في غرفة نوم الأطفال أثناء نومهم .

6. تحديد أوقات خلال اليوم ممنوع استعمال السوشيال الميديا و الآي باد لجميع أفراد العائلة مثل وقت الغداء ،وقت النوم ، وقت الدراسة .

7. الأطفال الي لديهم حسابات عالسوشيال ميديا لازم تشرحولهم أهمية المحافظة على الخصوصية واحترام الأخرين و الأبتعاد عن التنمر الألكتروني .

ابنك لما يعيط وينكد على شغله حاولي تحاوريه قد ما تقدري مع النقاش بالحلول  ،أنتي هيك بتساعديه كيف يتعامل مع المشاكل وبتعلميه الحوار بدل ما تعطيه التلفون و تكوني سكرتي على مشكلته بالتجاهل

لما أنتي بتكوني بتستعملي السوشيال ميديا و ابنك بده منك شغله ،أعطيه كل اهتمامك واتركي الي بايديك

لأنه الدراسات بتأكد على حجم التأثير السلبي على نفسية الطفل لما أهله بتجاهلوه .

حاولي تعملي نشاطات يوميه بالبيت لأطفال من خلال الألعاب الفعالة و تشاركيهم أفكارهم بالأكتشاف من خلال اللعب ،رح تنصدمي كيف دماغهم بطور و كيف بفكروا

جربي وما رح تندمي

28 تعليقاً

  1. الله يجزيكي الخير موضوع مهم الله يهدي كل المهات لبيعطو ولادهوم الموبايل أو الايباد أنا مابحب اعطي ولادي الموبايل بخاف عليهون وعلى نظرهون

  2. كنت اعاني من بنتي بهالموضوع
    ابوها يعيها التلفون مشاتدن تبطل مشاغبه وهي سنتين بس
    بس بعيدين صرت اسيطر ع الموضوع ولو قد ما تعيط مت اعطيها
    هلا صارت اخف ع التلفون بعطيها وقت معين محدود وخلص

  3. أم نبيل
    يسلمو ايديكي أم حامد والله يسعدك يارب ويبارك بعمرك وصحتك
    المقال رائع والأمهات اكييد بحاجته لانه متل اللي مكتوب قاعد بصير
    والله انا بالنسبه لأولادي بس بعطيهم التلفون يوم بالأسبوع وباقي الايام بخليهم يلعبوا بالعابهم او يلعبوا مع بعض او بالليجو
    واولادي حفضوا انه ما في تلفون الا يوم واحد وساعات محددة
    ابني الكبير صف أول والتاني عمره ٣ سنين
    الله يحفظلكم أولادكم وحبايبكم وما تشوفوا فيهم مكروه يا رب

  4. ما أحلا زمن الجيل الذهبي مكان لتليفون ولا تابلات كنا في الشارع نلعب مع اولاد الجيران ومن التعب ما نحضر للعشاء نروحو بسرعة للفرشة والى النوم😴😴😴😴😴 من كثرت التعب

اترك تعليقاً

لن يتم نشر عنوان بريدك الإلكتروني.