الرئيسة / حلويات / بسبوسه ملوكيه بتشهيييي من تحت ديات أختي الحبيبه(إم عدي )

بسبوسه ملوكيه بتشهيييي من تحت ديات أختي الحبيبه(إم عدي )

/
/
/
1825 مشاهدات
 

بسبوسه ملوكيه بتشهيييي من تحت ديات أختي الحبيبه(إم عدي )

بسبوسه ملوكيه بتشهيييي من تحت ديات أختي الحبيبه(إم عدي )

بسبوسه ملوكيه بتشهيييي من تحت ديات أختي الحبيبه(إم عدي )

بسبوسه ملوكيه بتشهيييي من تحت ديات أختي الحبيبه(إم عدي ), معكم صديقة زاكي الشيف الموهوبة ,

المقادير

  • للقطر:
  • كوب ونص ماء
  • كوب سكر
  • م.ك عصير ليمون
  • نص م.ص فانيلا
  • لطبقه البسبوسه:
  • بيضه
  • م.ص فانيلا
  • كوب إلا ربع سكر
  • كوب إلا ربع زيت نباتي
  • كوب لبن زبادي
  • كوب سميد أي نوع
  • نصف كوب جوز هند مبروش
  • م.ك بيكنج بودر
  • لطبقه المهلبيه:
  • ٢ كوب حليب سائل
  • ٤ م.ك نشا
  • ٣ م.ك سكر أو حسب الرغبه
  • علبه قشطه
  • زينه حسب الرغبه

الخطوات

بسم الله نبدأ

بالبدايه بنجهز القطر بنحط الميه والسكر مع بعض على الغاز لما يبلش يغلى بنضيف عصير الليمون وبنحسبله عشر دقائق بعدين بنضيف الفانيلا وبنطفى

للبسبوسه بنخفق البيضه مع الفانيلا والسكر بعدها بنضيف باقي المكونات وبنخلطها كويس بنصب الخليط بصينيه مدهونه بزيت ورشه طحين بنحطها بفرن مشغل من قبل على درجه حراره متوسطه لما تصير الأطراف دهبي بنحمر الوجه بعدها بنسقيها بالقطر البارد وهيا بتكون سخنه بنتركها لتبرد

بنجهز المهليبه بنحط كل المكونات مع بعض على الغاز ما عدا الفانيلا والقشطه مع التحريك المستمر لما يشتد القوام بنطفى عليها وبنضيف الفانيلا والقشطه بنصب الخليط على البسبوسه وبنتركها لتبرد بدرجه حراره المطبخ بعدين بنحطها بالثلاجه لتتماسك لمده ساعتين أو أكثر تزين وووتقدم

بتمنا هالوصفه البسيطه تعجبكم وتدعولي بالخير والعافيه أنا وأختي

♡وصحه وعافيه بحبكم أنا ♡

58 تعليقاً

  1. يسلمو دياتك وايدين ام عدي المبدعه ماشاء الله عن وصفاتها دمار شامل 👌…سلميلنا عليها وقوليلها ليش وقفت تنزيل وصفات بانتظار اخر ابداعاتها

    • وديادك يا قلبي ربي يسعدك ويبارك فيكي نورتيني يا عسسسل 😍

      والله زاكي محذوف من عندها ما بتقدر ترجعه فش ذاكره أنا بنزل عنها

      أصلا مو فاضيه عندها ولاد يا دوبها شغل البيت الله يعين الجميع يااارب 😘

  2. الله يسعدك ويسعد مساكي تسلم ايديكي وايدين اختك الانيقه ….هيني عملتها وبدل اللبن حطيت حليب بسبب حظر التجول ما بقدر اجيب لبن …ا لمهم طلعت مرقه شوي ورح احكيلك النتيجه بعد ما تستوي …

    • لك يسسسسسعدها حبيبتي إلي بتجرب أغلب وصفاتي ربي يجزيكي كل خير يا قلبي وما يحرمني منك يا رب😙😍

      ربي يفرجها عليكو وإن شاء الله بترجع الحياه زي أول وأحسن 🌷

  3. ماشاءالله تبارك الله
    شكله مغري جداً
    وطبقة القشطة رووووووووعة اللهم بارك
    الله يسلم يدك ويد أختك المبدعة الله يحفظكن تربية أصيله الله يرحم الوالده دنيا وآخره ويجزيها خير على هذه التربيه الحسنه .

  4. ما شاء الله…مبدعات..الله يعطيكم الصحة والعافية..ويسلم دياتكم…فعلآ ملوكية..
    حبيبتي ام مصطفى الله يطعمك الذرية الصالحة يا قلبي

  5. قمة الإبدااااااع والزوق واللذاذة ياعمري😍
    ربي يسلم ايديكي وايدين أم عدي المبدعة
    شي بشهييييي والله
    شكلو الإبداع عندكم بالوراثة اللهم بارك ههههه
    خبيتيلي قطعتي ولا أكلتيها متل العادة😁

    • وديادك يا قلبي ربي يسعدك ويبارك فيكي نورتيني يا عسسسل 😘😍

      ههههههه وراثه قال يقطع شرك إيه أكيد 😁

      عمري يا ناس ولو كل القالب إلك كم نور عنا إحنا أه ❤

اترك تعليقاً

لن يتم نشر عنوان بريدك الإلكتروني.