img
الرئيسة / أطباق رئيسية / ورق دوالي وكوسا بالدجاج وزيت الزيتون الصحي دوره طبخ

ورق دوالي وكوسا بالدجاج وزيت الزيتون الصحي دوره طبخ

/
/
/
970 مشاهدات
 

ورق دوالي وكوسا بالدجاج وزيت الزيتون الصحي دوره طبخ

ورق دوالي وكوسا بالدجاج وزيت الزيتون الصحي ... دوره طبخ

ورق دوالي وكوسا بالدجاج وزيت الزيتون الصحي دوره طبخ

ورق دوالي وكوسا بالدجاج وزيت الزيتون الصحي دوره طبخ , معكم صديقة زاكي الشيف الموهوبة , السلام عليكم حبيباتي ان شاء الله بتوصلكم هالوصفه وانتو باحسن حال ويبعد عنا وعنكم البلاء …. اليوم طبختنا ورق دوالي طبعا الكل بحبها وكل وحده فينا الها طريقه فيها وانا حبيت اقدملكم طريقتي المتواضعه وهلا تعو نشوف المقادير بس انا عيلتي صغيره الي عيلتها كبيره تضاعف المقادير

المقادير

  • نصف دجاجه مقطعه ارباع
  • كاستين ونص ارز قصير الحبه
  • ٦ حبات كوسا بلديه
  • فنجان زيت زيتون
  • فنجان زيت قلي
  • نصف صدر دجاج مقطع مربعات صغيره لحشوه الكوسا
  • ملح حسب الرغبه
  • فلفل اسود نصف معلقه
  • نصف معلقه هيل
  • عصير ليمونه
  • ورق دوالي حسب الكميه المرغوبه
  • حبه بندوره
  • راس بصل متوسط
  • مكعب ماجي

الخطوات

اول اشي بقطع الدجاج وبحطه بالطنجره الي بدي اطبخ فيها الدوالي وبقليه بفنجان زيت زيتون عنار واطيه لحتى يتغير لونه وياخذ لون ذهبي

وبهالاثناء بنقع الرز بماء ساخن نصف ساعه

وبحفر الكوسا

بنجهز خلطه الحشوه وانا بحبها بدون منكهات كثير

بس الرز مغسول ومصفى وزيت نباتي وملح ورشه هيل وفلفل اسود وبخلط معهم صدر الدجاج المقطع وبحشي فيهم الكوسا

وببلش الف ورق الدوالي مثل الصوره

وبطبق البندوره والبصل اسفل الطنجره وبعد هيك بحط الدجاج الي شبه مقلي وبرتب الكوسا فوقهم واخر اشي برتب ورق الدوالي

بحط ملح ورشه هيل وعصير ليمونه ونصف باكيت ماجي ع وجه الدوالي وبغمر الدوالي بالماء وبضيف صحن ع وجه الدوالي لحتى ما يتفتحو الحبات ويطلع الرز منه

وعنار عاليه لحتى يغلي شوي وبوطيه ع نار هاديه من ساعه ونص لساعتين

بعد ما تنشف المي وتستوي حبات الدوالي بطفي الغاز وبخلي الطنجره تتهدى ربع ساعه ع الاقل قبل التقديم او نص ساعه

**** الصور الثلاث الاخيره من طبخه ثانيه مان عندي عزومه

وبقلبها بصحن التقديم وبنفترسها ههههههه

بتمنى تجربوها ع طريقتي وتدعولي بالخير

وصحتين والف عافيه ع قلبكم

احبكم كلللللللكم ♥️♥️♥️♥️♥️

43 تعليقاً

اترك تعليقاً

لن يتم نشر عنوان بريدك الإلكتروني.