لبن رايب بحليب البودره حملة لا للجاهز دوره طبخ

73 7٬455
 

لبن رايب بحليب البودره حملة لا للجاهز دوره طبخ

لبن رايب بحليب البودره ... لا للجاهز ... دوره طبخ

لبن رايب بحليب البودره حملة لا للجاهز دوره طبخ

لبن رايب بحليب البودره حملة لا للجاهز دوره طبخ , معكم صديقة زاكي الشيف الموهوبة , السلام عليكم صديقاتي كيفكم كلكم عساكم بخير نظرا لعدم توفر المواد الاساسيه الفتره هاي ونحنا نشميات ما في اشي بوقفنا وخلص من عندي اللبن الرايب وما عندي حليب طازج اعملت لبن بحليب النيدو او اي حليب بودره متوفر وهلا تعو نشوف المقادير والطريقه

المقادير

  • ٢ ليتر ماء او ١٠ كاسات
  • ٢ كاس حليب باودر اي نوع متوفر
  • ٤ ملاعق طعام لبن رايب او علبه زبادي صغيره ( روبه )

الخطوات

اول شي بضيف الحليب الباودر للماء وبحركه مزبوط ليتجانس ويذوب الحليب تماما

بعد هيك بغلي الحليب عنار هاديه مشان ما يشيط الحليب وتتغير نكهته

بعد ما يغلي الحليب بطفي تحته وبتركه يبرد شوي

هلا الحراره المناسبه للحليب لازم تكون بس تحطي اصبعك تتحملي الحراره وتستني عشر ثواني

المهم بهالخطوه هو حراره الحليب يعني لا فاتر ولا سخن كثير

بعدين بضيف اللبن الزبادي او الرايب للحليب وبحركه منيح ليختلط

بتغطي الحليب وبتكمريه بحرام هاي كمان خطوه ضروريه لازم يضل دافي اكبر قدر ممكن

بده من ٥ الى ٦ ساعات وبتفقديه رح يكون قالب واحد

&& يفضل هون تنقليه بالثلاجه بدون ما تحركيه او تشيلي منه اشي ولا معلقه مشان يجمد بزياده بالثلاجه ويضل قالب واحد

بده بالثلاجه ساعتين ليجمد منيح اقل شي وبعد هيك بتاكلوه بالصحه والعافيه .

***** حل لمشاكل ممكن تواجهك ونصائح مفيده****

** لبن الغنم الاسود او الماعز ما بجمد كثير الا يضل رخو هو هيك طبيعته

** لبن البقر ولبن الغنم البيضاء بجمد وبصير قالب واحد اذا اتبعتي الخطوات فوق

** اذا روبتي اللبن وبعد ٦ ساعات ما جمد ارجعي سخني مي بطنجره لدرجه الغليان وقعدي دلو الحليب فيها وضيفي معلقتين روبه وتحريكه خفيفه فقط وارجعي اكمريه

** اذا كانت الروبه حامضه من قبل رح يطلع اللبن كمان شبه حامض

*** نقل اللبن ع الثلاجه مباشره بعد ما يجمد بمنع يحمض اللبن لانه كل ما طول بالكمر كل ما زادت حموضته .

بتمنى تجربو هالطريقه وتدعولي بالخير

بحببببببكم كللللللكم ♥️

73 تعليقات
  1. فوفو 🌹 :

    شرح وافي كافي بلبله… ممتازه

    لبن النعاج كمان بطلع زاااكي كثير لما نحطه عليه😋😋😋😋

    يعطيش العافيه خيه

    1. بلبله :

      ربي يعافي قلبك ام علي
      طبعا بطلع بشهي بس هلا مش متوفر 😥

  2. غزل :

    يسلمو ايديكي ماشاء الله عليكي ممتاز👍

    1. بلبله :

      ودياتك غزوله

  3. ام محمد :

    ماشاء الله عليكي بلبله
    الله يقويكي يارب ابدعتي👍

    1. بلبله :

      حبيبتي ام محمد

  4. ام علاء ابو يحيى :

    روووووعه كفيتي ووفيتي تسلم ايدك حبيبتي هذه الطريقه الصحيحه لعمل اللبن سواء كان مجفف او حليب عادي الله يعطيك العافيه

    1. بلبله :

      يسلملي قلبك ام علاء 🌺

  5. تبارك الله عليك تقريبا مثل الرايب عندنا نحضره في رمضان للسحور 😋 بصحتكم

    1. بلبله :

      ربي يبارك بعمرك ماما عايده

  6. ام عبدالله :

    معلومات قيمه من زمان بدنا زي هيك شرح يسلمو حبيبتي

    1. بلبله :

      حبيبتي ام عبدالله
      بالخدمه

  7. ربداوية😍😍 :

    ماشالله عليكي يا عسل مبدعه يختي وشطوره اسم الله عليكي الله يحفظك لعيلتك يارب
    هيني جربت وصفتك ⁦❤️⁩⁦❤️⁩⁦❤️⁩⁦❤️⁩

    1. بلبله :

      تجربيها بالسعاده ام يمان
      يله بانتظار النتائج 😅

  8. ♡𑁍R𑁍♡ :

    ماشاء الله عليكي حبيبتى ويسلم دياتك

    1. بلبله :

      ودياتك يا قلبي

  9. ام محمد wwww :

    يسلمو اديكي ع الوصفه كنت بدي ارن ع امي اخذ الطريقه بس شرحك كافي 😘

    1. بلبله :

      حبيبتي ام محمد
      ويحفضلك امك ان شاء الله

  10. salma🌷 :

    يسلمو اديكي حطيتها علمفضلة انشاء الله بجربها

    1. بلبله :

      تجربيها بالهنا سلمى ♥️

  11. سوزان :

    يسلمو ايدكي

    1. بلبله :

      ودياتك سوزي

  12. ام يعرب :

    يا الله الي شهور بدور على الطريقه صحتين وعافيه بس اذا كان حليب غنم كيف بينعمل ؟؟؟

    1. بلبله :

      ام يعرب لبن الغنم نفس الطريقه بس لبن الغنم السوداء( الماعز )بضل رخو هيك طبيعته
      ولبن الغنم البيضاء( النعاج) بجمد اكثر
      اذا لبن غنم سودا زيديه لبن بقر بجمد اكثر

  13. om hasn :

    يسلم ايديكي يا رب وانا عملت لبن بالبيت وطريقتي نفس طريقتك ممتازة جدآ هالطريقة ابدعتي يا عسل 😍😍😍

    1. بلبله :

      فيه الف عافيه ام حسن
      معدله ربي يحميكي

  14. om hasn :

  15. om hasn :

  16. 🍒أم محمّد🍒 :

    يعطيكي العافيه يا رب طريقه ممتازه
    وصحه وعافيه

    1. بلبله :

      ع قلبك ام محمد العسل

  17. القدس عربية :

    أم نبيل
    ما شاء الله عنك ست بيت معدلة ومزوقه وفنااانه الله يعطيكي الف عافيه ويعيشو هالايدين
    بصراحه احنا هلأ بوقت هيك وصفات نعملها بالبيت وضروري كل أم تتعلمها
    🌹💕🌹💕🌹💕🌹💕

    1. بلبله :

      حبيبتي ام نبيل ان شاء الله ما بنحتاجها الا بالسعاده والهنا للجميع

  18. um ali :

    الله يسلم هالايدين
    والله أنا جربتها أربع مرات من قبل والطريقة مرتبة وطعم اللبن مثل اللي بنشتريه ما بيفرق عنه باشي وبالعكس انظف واحسن

    1. بلبله :

      اكيد ام علي اطيب وانضف لانه عامليه بايدك
      يسلم دياتك وصحه وعافيه

  19. ام عبودددددد :

    ماشاءالله ..شكلو بشهي…الي اسبوع ماعندي لبن لحتى مبارح سمحو للشعب نجيب اغراض لقدرنا نجيب…عنجد وصفتك بوقتها يسلمو اديكي..بس بدي اسالك يعني لو عندي علبة لبن كبيرة كم احط منها لانو مافي علب صغيرة لما جبنا مبارح كله كبار..واذا بتعرفي طريقة لبن الشنينة تحكيلي عنها الله يجزيكي عنا كل خير.. ….

    1. بلبله :

      ام عبود حطي لكل كيلو حليب معلقتين لبن او ٣ حسب الجو اذا بارد بده روبه اكثر
      والشنينه يا ستي بعد ما يصير عندك لبن رايب طلعيه بالليل برا الثلاجه مشان يحمض شوي
      الشنينه طيبه حامضه
      وبتزيدي كل كيلو لبن كيلو ماء وبتخضيه بالخضاضه واذا ما عندك خضاضه اخلطيه ع المولينكس ليطلع اللبن رغوه
      بتحطي بالخلاط مكعبين ثلاث ثلج رح يبلش يجمع معك زبده ع الوجه من دسم اللبن بتجميعها بايدك وعصريها
      بس اذا الرايب معمول بحليب بودره ما رح يطلع زبده لانه ما في دسم
      وان شاء الله تستفيدي ٠♥️♥️♥️

  20. Sana :

    احسنتي مثل طريقتي الله يوفقك

    1. بلبله :

      حبيبتي سناء واياكم يا رب

  21. ام علي :

    يسلمو طريقه جميله وسهلا انا ما كنت اغلي الحليب بس كنت اسخنو

    1. بلبله :

      لا طبعا ام علي لازم تغليه مشان تقتلي المايكروبات والفايروسات والبكتيريا فيهم
      هيك صحي اكثر

  22. 💝نونو 💝 :

    يعطيك العافية شرح وافي ما شاء الله عليك 👍👍

    1. بلبله :

      يعافي قلبك ايوش 🥰🥰🥰

  23. ام البنات :

    سلمت يمينك….ريت فيها الهنا والعافيه

    1. بلبله :

      ودياتك ام البنات🌺

  24. أم حسنين :

    ماشاءالله تحفة والشكل اكثر من رائع

    1. بلبله :

      انتي الاروع ام حسنين

  25. ام يعرب :

    يسلمو حبيبتي انا بسأل عن المقادير اذا كان حليب غنم

    1. بلبله :

      ام يعرب اذا اللبن غنم عادي حطي معلقتين روبه لكل كيلو حليب
      بس الغنم السوداء لبنها بضل رخو افهمتي علي

  26. ام حمزه :

    يسلمو اديكي حبيبتي الله يعطيكي العافيه

    1. بلبله :

      ربي يعافيكي ام حمزه الغاليه

  27. ****** :

    يسلم اديكي يا رب والله يجزيكي كل خير احنا فعلا بحاجة لهيك وصفات

    1. بلبله :

      قلبي ام عمر انا بالخدمه ♥️♥️♥️

  28. إم مصطفي 😉 :

    لك يسعددددددها العسسسل ربي يسلم ديادك ويبارك فيهم يارب😍

    نفس طريقتي وكتير ناجحه وزاكيه طالعه معدله إلي صح😅

    صحه وألف عوافي ع قلوبكم حبيبتي 🌷

    1. بلبله :

      الي الشرف تطلع معدله مثلك ام مصطفى
      حبيبه قلبي ♥️♥️♥️

    2. إم مصطفي 😉 :

      يا عمري ربي يسسسعدك أنتي الأصل خيتا😘🌷

  29. 🌾أم عمر محمد🌾 :

    ماشاءالله تبارك الله
    أبدعتي وفصلتي
    الله يعطيك العافيه ست بيت مميزه
    تقريبا نفس طريقتك أسوي .

    1. بلبله :

      ربي يعافيكي ام عمر

  30. خواطر :

    يا عمي معدله يسلموووو الأيادي يا قلبي صحتين وهنا

    1. بلبله :

      ع قلبك خطوره 😍😍

  31. رائع تسلم ايدك ويعطيكي الف عافية يا رب

    1. بلبله :

      ع قلبك ام لمى ربي يسعدك

  32. ام سليم 🌸 :

    تسلم ايديكي تؤمي الله يبارك بعمرك يارب ويعطيكي العافيه نفس طريقتي 😍😍😍

    1. بلبله :

      ربي يعافيكي ويشافيمي يا احلى توئم بالكون كله
      ويسلم دياتك يا معدله انتي 🥰

  33. أم جود :

    يسلم اديكي وعينيكي حبيبتي😘

    1. بلبله :

      ودياتك ام جود الغاليه

  34. 💖نور💖أحمد💖 :

    ماشاء الله عنك يا معدلة
    تسلم ايديكي والله يهني اهل بيتك فيكي وبحرصك انك ماتحرميهم من شي 😘

    1. بلبله :

      حبيبتي نواره ربي يحفظك ويسلمك

  35. ام امير :

    يسلم اديكي وعينيكي حبيبتي😘

    1. بلبله :

      حبيبتي ام امير يسلملي قلبك 🥰

  36. 😋 :

    يعطيكي العافيه ازا ماكان عنا لبن روبه في بديل

    1. بلبله :

      للاسف ما في بديل للروبه
      اما رايب او زبادي

  37. ام محمد wwww :

    يسلمواديكي معلش اسالك اعملتها نفس مقاديرك وطلع البن خفيف شوي شو السبب

    1. بلبله :

      ممكن بده وقت شوي ليروب او نوع الحليب مش جيد
      لانه جربته بنفس الطريقه ع انواع من الحليب البودره غير نيدو وحليبنا ما راب منيح بضل رخو شوي
      افضل حليب باودر للرايب حليبنا والنيدو

اترك رد

لن يتم نشر عنوان بريدك الإلكتروني.