طريقة عمل قطايف ناجحة من أول مرة وبدون خميرة ملكة رمضان

88 8٬423
 

طريقة عمل قطايف ناجحة من أول مرة وبدون خميرة ملكة رمضان

طريقة عمل قطايف ناجحة من أول مرة وبدون خميرة ملكة رمضان

طريقة عمل قطايف ناجحة من أول مرة وبدون خميرة ملكة رمضان

طريقة عمل قطايف ناجحة من أول مرة وبدون خميرة ملكة رمضان, معكم صديقة زاكي الشيف الموهوبة ,

المقادير

  • كوب طحين
  • نصف كوب سميد ناعم
  • كوب ماء دافئ
  • كوب حليب سائل دافئ
  • م. ك ونصف سكر
  • رشة ملح
  • م. ص بيكينج باودر
  • ربع م. ص بيكربونات الصوديوم
  • م. ك ماء ورد أو زهر أو فانيلا
  • للتقديم:
  • قطر ثقيل أو متوسط القوام
  • الحشوة اختيارية:
  • جبنة أو جوز أو قشطة أو تمر أو فستق حلبي

الخطوات

السلام عليكم ورحمة الله وبركاته

كيفكم جميعاً يارب تكونوا بخير وكل عام وانتم بخير ومبارك عليكم الشهر حبيت أشارك بمسابقة رمضان معكم وحبيت ابدأ بوصفة القطايف يلي مطلوبة بكثافة بشهر رمضان المبارك وخاصة في ها لأوقات الصعبة مع الحظر والقعدة بالبيوت.

أتمنى الوصفة تعجبكم وتجربوها وصفة سهلة ومضمونة ومابدها تعب.

1/ بنخلط كل المواد مع بعض عدا ماء الزهر والكربونة

لمدة 4 دقائق.

2/ بنريح الخليط من ربع لنصف ساعة حتى تتفتح حبات السميد

3/ بعد الراحة بنلاحظ إنه القوام ثقل شوي بنضيف ماء الزهر و الكربونة وبنخلطهم خلطة خفيفة

4/ بنبلش بالشوي على قلاية ساخنة ومخفضه حرارتها ع الآخر بعد التسخين

5/ بنصب من خليط القطايف وننتظر حتى تتنشف وتتخرم بنرفعها فورا على قماش وبنغطيها

6/ بنحشي القطايف بالحشو المرغوبة انا حشيتها جبنة

7/ بتنقلى أو بتنشوى بالفرن ثم بنصب عليها قطر ثقيل أو متوسط السماكة حتى ما تتغرق بالقطر.
ملاحظة / أهم عامل في نجاح القطايف

حرارة المقلاية لازم تتسخن بالأول عنار عالية وبعدين بنهدي النار ع الآخر قبل مانصب القطايف عليها. إذا كانت الحرارة عالية رح تفرش القطايف وتنشف وتتثقب وتغمق وما تزبط.

ملاااااااحظة / الوصفة عملياً موجودة على قناتي في يوتيوب (أشهى الأكلات وأحلى الأفكار)

للأخوات الجدد لو ما اشتركتوا بتمنى تتفضلوا وتشتركوا وتنوروني في القناة والأخوات المشتركات أتمنى تتابعوني باستمرار فيكم بكبر وفيكم بستمر وانتم سبب نجاحي الله يجزيكم كل خير يارب 🌷

88 تعليقات
  1. ام يزيد :

    يسلم ايديكي انا كمان بعملها بنفس الطريقة وكتير بتتطلع زاكية وشغلك ما شاء الله عليه بجنن 🥰🥰🥰

    1. 💠أم جاسم💠 :

      الله يسلمك يارب ام يزيد ويحفظك يارب

  2. ام عمر :

    يسلموا ايديكي يعطيكي العافية هسا كنت بفتح ملفك وبدور على طريقة عوامة شفت طريقة قطايف غيرت راي بدي اعمل طريقة قطايف

    سوال بصير اعمل بعجينة العوامة اعمل اصابع زينب .
    شهر الخير مع ام جاسم غير كل عام وانت بخير

    1. 💠أم جاسم💠 :

      يسعد قلبك ام عمر وما يحرمني منك
      عجينة العوامة ما بتنفع إلا للعوامة
      أصابع زينب مختلفة كليا بتكون جامدة وفيها سميد أكثر من الطحين موجودة بملفي شوفيها.

  3. ماما عايدة المغربية :

    تبارك الله عليك أم جاسم 😋 منظر يشجع على التجربة ❤

    1. 💠أم جاسم💠 :

      ربي يبارك فيكي ماما عايدة ويسعدك اتمنى تجربي اطباقنا الشامية اتوقع عندكم اسمها بغرير صح

  4. بلبله :

    قيد التجربه ام جاسم
    رغم انا معتمده خلطه الفطايف بدون سميد
    بس حبيت اجربها ع طريقتك
    يسلم دياتك

    1. 💠أم جاسم💠 :

      الله يسلمك يارب بلبلة جربيها مع سميد بتجنن مارح تندمي وخبرني بالنتيجة

    2. بلبله :

      هههههههه خبرتك ع اليوتيوب 😅😅

  5. rania :

    ربي يسعدك َوالله كلمه مبدعه قليلا عليكي فعلاا بتستحقي الوسام الماسي ع كل الشكر ع تقديمك الخطوات ب الصورب شكل مرتب.. يسعد قلبك ام جاسم العسللل

    1. 💠أم جاسم💠 :

      ويسعدك ربي رانيا كلك زوووق وكلامك اسعدني ربي يجزيكي كل خير

  6. ام محمد :

    تسلم ايدك ام جاسم
    الوصفه رهييييبه جربتها بعد ماشفت الفيديو والطعم مش طبيعي روعه وبشهوا 👌👌
    لاكن عندي سؤال في حبتين منهم تشقق شو السبب مع أنه انعملت بكل تفاصيلها وشكرا

    1. 🌷 ورود الامل ⚘ :

      يمكن يا اختي مزودة الحشوة شوي لحتى شقو معك …

    2. 💠أم جاسم💠 :

      الف صحة وهنا يارب على قلوبكم
      صح ممكن تكون للحشوة زيادة أو يكونوا تعرضوا للهوا ما تغطوا منيح

  7. أم حسنين :

    عاشت ايدك ماشاءالله تحفة والشكل اكثر من رائع…نفس طريقتي بس انا بحط خميرة…

    1. 💠أم جاسم💠 :

      من بعدك ام حسنين يسعد قلبك

  8. ام جنى ♥ :

    جربتها رووووعه رووووعه وفيها قرمشه اول مره تنجح معي القطايف تسلم ايدياتك
    اليوم ان شاء الله حنجرب الجاتو يممممم

    1. 💠أم جاسم💠 :

      والله فرحتيني بحب لما ح ا يحكيلي انه هالوصفة اول مرة تزبط معي بحس بإنجاز هههههه ألف ألف صحححة وهنا على قلوبكم يا رب

  9. الاميره$ :

    حضرتها عقناتك وانا مشتركه فيها كتير مرتبه وسهله الله يسهل عليكي كل امر عسير

    1. 💠أم جاسم💠 :

      اللهم آمين يارب العالمين واياكي اختي نوورتيني وتشرفت فيك

  10. ام أحمد ❤❤ :

    مبدعة يا قلبي يعطيكي الف عافية

    1. 💠أم جاسم💠 :

      يعافي عمرك ام احمد ويسعدك

  11. القدس عربية :

    أم نبيل
    ما شاء الله عنك ابدااااع يا أم جاسم
    يعيشوا هالايدين يا رب ويعطيكي ألف عافية

    1. 💠أم جاسم💠 :

      يعافيكي ربي ام نبيل

  12. 🌷 ورود الامل ⚘ :

    روووعة الله يعطيكي الف عافية

    1. 💠أم جاسم💠 :

      انتي الأروع ورود شكرا إلك نووورتيني

  13. آية :

    تسلم ايديكي يامبدعة 😘

    1. 💠أم جاسم💠 :

      الله يسلمك يارب إيه شكرا جزيلا

  14. ام سليم 🌸 :

    تبارك الرحمن ما شاء الله عليكي مبدعه بكل معنى الكلمة يسلمو ايديكي حبيبتي ❤️ ❤️ ❤️

    1. 💠أم جاسم💠 :

      الله يسلمك يارب ام سليم كلك زوووق نوووورتيني

  15. الاء محمد :

    جربتها اليوم تسلم ايدك رووعة

    1. 💠أم جاسم💠 :

      الله يسلمك يارب 🌷 الف صحة وهنا

  16. إم مصطفي 😉 :

    وعليكم السلام ورحمة الله وبركاته 🌹

    ما شاء الله تبارك الرحمن إبدااااع ربي يسلم ديادك ويسعدك ويعطيكي الصحه والعافيه يا رب 😍😘

    1. 💠أم جاسم💠 :

      يسلمك ربي ويسعدك ويرزقك الذرية الصالحة ام مصطفى ياارب

  17. ريااااان :

    ماشاءالله مبدعه
    بعرف وصفاتك من شكلهم

    1. 💠أم جاسم💠 :

      مشكووورة رياان ربي يسعدك كلك زوووق

  18. Om kady :

    وعليكم السلام والرحمه..
    ينعاد عليك كل عام يارب وانتي بخير وعائلتك ياكريم..

    ماشاءالله عليك ابدااااع
    ربي يسسسلم يدينك ومايحرمنا من وجودك وابداعااااتك ي جميله

    1. 💠أم جاسم💠 :

      يسلمك ربي ام كادي ويحفظك ويحفظ احبابك يارب

  19. القدس عربية :

    أم نبيل
    يعطيكي الف عافية أم جاسم
    لو سمحتي بدي احكيلك انه جربت الهريسه ع طريقتك وطلعت بتجننننننن زاكيه كتيييير الله يسعدك يارب ويسلمو هالايدين
    بس سؤال انه طلع وجه الهريسه ناشف
    شو السبب

    1. 🌹أحلى من السكر🌹 :

      بس تسقيها القطر غطيها مشان تكون طرية كلها.

    2. القدس عربية :

      أم نبيل
      إن شاء الله بس أعملها مرة تانيه رح اغطيها
      بس انا فكرت انه في اشي خطأ في تطبيقي للطريقة
      بس عنجد طعمها زاااااااااكي كتيييير

    3. 💠أم جاسم💠 :

      الف الف صحححة وهنا على قلوبكم يا رب ام نبيل صحيح كلام الأخت لازم تتشرب قطر وتتغطى فوراً لتطرى وتشرب

    4. القدس عربية :

      أم نبيل
      على قلبك يا رب
      إن شاء الله ربنا يجزاكي الخير ويجعله في ميزان حسناتك يارب ويبارك بعمرك وصحتك واولادك 😘 😘 😘

  20. منى عبدالله :

    والله انك مبدعة 👍👍

    1. 💠أم جاسم💠 :

      اشكرك منى من زوووقك

  21. رنا :

    ممممم …بشهو…يسلمو ايديكي…صحه وعافيه

    1. 💠أم جاسم💠 :

      الله يسلمك يارب رنا

  22. 💓EMAN💓 :

    يعطيك العافية حبيبتي
    ابداااع وتميز👍🏻👍🏻
    يسلم هالايدين🌹

    1. 💠أم جاسم💠 :

      الله يعافيكي ايمان شكرا جزيلا 🌷

  23. رنا :

    أنا ما بتزبط العجينه شو السر…مع انو نفس المقادير

    1. 💠أم جاسم💠 :

      إذا العجينة مزبوطة وقوامه صح بكون الغلط من حرارة المقلاية لازم أول شي تسخنيها لحرارة وسط بعدين تخفيها عالاخر

  24. أم عبدالله الفارس :

    تسلم الأيادي الحلوه و بألف صحة وعافية عليكم إن شاء الله حبيبتي

    1. 💠أم جاسم💠 :

      الله يسلمك ام عبدالله المبدعة ويسعدك مبارك عليكم الشهر

  25. ام محمد ❤ :

    ام جاسم حبيبتي جربتها مرتين بس كل مرة بطلع معي قوام الخليط شبه سائل..خفيف

    المعايير بنفس الكوب؟

    1. 💠أم جاسم💠 :

      اهلا ام محمد كل العيارات بنفس الكوب آه لازم
      وإذا نفس الطحين كل مرة قللي كمية المي بكون طحينة أو سميد ما بشرب مي أو وقت الراحة مش كافي خليها ترتاح نص ساعه بلاش ربع عشان السميد يشرب المي

  26. 🌸جمانة🌸 :

    يسلمو ي فنانة مبدعة كعادتك حبيبتي ام جاسم…يا صبايا شوفوها ع اليوتيوب الطريقة ممتعة جداا…

    1. 💠أم جاسم💠 :

      يسعد قلبك جمانة شو بحب الاقي تعليقاتك بتمنى بالقوة الله يجزيكي الخير يا رب

  27. Om'ali 💐💐 :

    ام جاسم يسلمو اديكِ…

    جربت الوصفه الأولى بملفك ونجحت
    شو بتختلف هاي عنها؟؟!

    1. 💠أم جاسم💠 :

      الف صحة وهنا ام علي ما بتختلف هيه نفسها

  28. 💖نور💖أحمد💖 :

    تألق وإبدااااع مالو حدود اللهم بارك
    شغلك خرافي وبياخد العقل والله😍
    ربي يسلم اناملك المبدعة ويباركلك ياقلبي القطايف طالعة معك للفرجة ماشاء الله 😋

    1. 💠أم جاسم💠 :

      ربي يسلمك ويسعدك نوارتنا ويبارك فيكي يارب نووورتيني

  29. ماسه :

    اشكرك على كل ما تقدميه لنا من ابداع
    ما شاء الله هذه الطريقه من رمضان الماضي وانا اعملها ممتازه جدا

    1. 💠أم جاسم💠 :

      العفو اختي ماسة فخورة جدا فيكي وسعيدة بتجربتك واعتمادك لوصفاتي ألف ألف صححححة وهنا يارب

  30. ماسه :

    عملت دجاج البروستد مرتين كثير طعمه زاكي
    الله يعطيكي الصحه والعافيه

    1. 💠أم جاسم💠 :

      الله يعافيكي ويسعدك يارب ألف شكر إلك وصحة وهنا ياارب

  31. om hasn :

    ما شاء الله تبارك الله عليكي ام جاسم روووووووعة ربي يسلم ايديكي يا قلبي وريتو الف صحة وهنا عليكم يا رب 😍😍😍😍😍

    1. 💠أم جاسم💠 :

      يسلم عمرك ام حسن ويسعدك يااارب

  32. ام علاء ابو يحيى :

    تبارك الله ربي يسلم هالديات رووووعه حبيبتي ام جاسم كل شي بتعمليه فاخرمن الاخر والقطايف طالعه من تحت دياتك غير شكل الله يباىكلك ويجزيك الخير

    1. 💠أم جاسم💠 :

      ربي يبارك فيكي ام علاء ويسعدك يارب

  33. 🌾أم عمر محمد🌾 :

    ماشاءالله تبارك الله
    دائماً مبدعه
    تسلم يدك ملكتنا .

  34. اولادي سعادتي ( ام آدم) :

    روووووووووعاااااتك 😍😍 ام جاسم تبارك الله 😍 منظر رائع جدا ابدعتي 😍

  35. 🍒أم محمّد🍒 :

    ما شاء الله وصفه راائعه وسهله واكيد طيبه
    الله يسلم ديااتك يا رب
    وما يحرمنا من وصفاتك الطيبه

  36. حماه أم النواعير :

    ماشاءالله الله يعطيكي العافية

  37. خليلة 🕊️ :

    أحبــك ف الله تعالى اختي الفاضله

  38. Gharam :

    تباااارك الله عليكي اناقه وفن وابداااع تسلم ايدك يارب 💖

  39. ام امير :

    يسلمو ايديكى مبدعه جدا

  40. هناء مؤمن محمد :

    جميلة وطريقتها مختلفة تسلم ايدك

  41. غير معروف :

    السلام عليكم …بارك الله اختي ام جاسم وصفة روعة روعة ..وجربتها زبطت معي وطلعت افضل من الجاهز..الله يجزيكي الخير 😍😍

  42. اميينه :

    السلام عليكم ..لو سمحتي بدي طريقة استغل لترين حليب قبل لا يخرب في وصفه لبوظه أو مثلجات مع العلم ما عندي كريمه ولا بودينغ عندي نشاء جوز هند وحليب باودر

    1. ام مؤمن :

      السلام عليكم بما انو رمضان ورح تحتاجي قشطه اعنليهم قشطه وضبيها لتستعمليها اغلي الحليب وعند الغليان ضيفي 5 معالق خل ليفرط الحليب وصفيه وهيك قشطه لحشو قطايف

    2. اميينه :

      شكرا الك ام مؤمن الله يرزقك ويعطيك العافيه إن شاء الله بعملو قشطه

  43. 🌹أحلى من السكر🌹 :

    هي تاني وصفة بطبقها لإم جاسم وبتفشل.. مع إني بطبق الوصفة بحذافيرها..مش عارفة ليه يا إم جاسم🙄

  44. سماره :

    رووعه بارك الله فيكي

  45. ام وديع :

    انا ما بعلق بس انا جربتها وبشوف وصفاتك عنجد روعه كتير والحمدالله زبطت ميه بالميه يسلمو ايدكي وحبيت اشكرك ام جاسم على شرح مفصل لوصفاتك ومتابع معك ومشترك ع قناتك 😍😘😘

    1. 🌹أحلى من السكر🌹 :

      😏😏.

    2. ام وديع :

      😎😎🤨

    3. Doogo :

      يسلموا ايديك …رررروعة والمنظر ايشهي

  46. […] طريقة عمل قطايف ناجحة من أول مرة وبدون خميرة للشيف أم جاسم […]

اترك رد

لن يتم نشر عنوان بريدك الإلكتروني.