برياني الدجاج مع سلطة الرايتا ملكة رمضان

13 4٬473
 

برياني الدجاج مع سلطة الرايتا ملكة رمضان

برياني الدجاج مع سلطة الرايتا #ملكة_رمضان

برياني الدجاج مع سلطة الرايتا ملكة رمضان

برياني الدجاج مع سلطة الرايتا ملكة رمضان , معكم صديقة زاكي الشيف الموهوبة ,

المقادير

  • ملعقتين كبار زبدة
  • ملعقتين زيت نباتي
  • حبتين كبار بصلة مقطعة لشرائح
  • خمس سنان تومة مهروسة
  • قرنين فلفل حار مفروم
  • ملعقة كبيرة زنجبيل مبشور
  • مكعب مرق الدجاج
  • رشة كزبرة خضرة مفرومة ناعم
  • أربع حبات بندورة مفرومة ناعم
  • تلات ملاعق كبيرة صلصة البندورة
  • كاسة لبن زبادي بدرجة حرارة الغرفة مع ربع كاسة مية
  • دجاجة منظفة و مقطعة
  • ملعقتين كبار ماء ورد مع رشة زعفران
  • البهارات الحب:
  • حبة يانسون نجمي
  • أربع حبات هيل
  • عود قرفة
  • حبتين كبش القرنفل
  • رشة كمون حب و كزبرة
  • البهارات المطحونة:
  • رشة فلفل اسود
  • كمون
  • كزبرة
  • قرفة
  • هيل
  • جرمامسالا
  • كركم
  • ملعقة كبيرة كاري
  • للرز:
  • أربع كاسات رز طويل الحبة منقوع وعليه ملعقة خل أبيض و مغسول لسلقه ورقة غار، عود صغير قرفة، حبتين هيل، حبة يانسون نجمي
  • لسلطة الرايتا يخلط:
  • كاسة لبن
  • ملعقتين كبار لبنة
  • بصلة صغيرة مفرومة ناعم
  • رشة بذور الكمون
  • رشة كزبرة خضرة مفرومة ناعم
  • قرن فلفل حار
  • حبتين بندورة مفرومة ناعم
  • سن توم مهروس

الخطوات

بطنجرة بتحطي ملعقتين كبار زبدة و ملعقة زيت نباتي بتحطي البهارات الحب بتقلبيهم لتفوح ريحتهم بتنزلي عليهم بصل مقطع لشرائح ليذبل تومة مهروسة و فلفل حار و زنجبيل المبشور، بتضيفي عليهم ملعقة كبيرة كاري، رشة ملح و فلفل اسود وكمون، كزبرة، زنجبيل، قرفة، هيل و كركم و جرامامسالا  ومكعب مرق الدجاج وبتقلبيهم بتضيفي أربع حبات  متوسطة الحجم بندورة مفرومة ناعم وتلات ملاعق كبيرة صلصة البندورة وتقلب لتذبل يضاف قطع الدجاج وتقلب

بشوكة بتخلطي  كاسة لبن زبادي مع شوية  مية ويضاف و يترك ليغلي ويستوي الدجاج و تنشف المية واخر شي رشة كزبرة خضرة مفرومة ناعم

أربع كاسات رز طويل الحبة منقوع وعليه ملعقة خل أبيض ومغسول ، لسلق الرز بطنجرة بتحطي مية مغلية مع رشة ملح، ورقة غار، عود صغير قرفة، حبتين هيل، حبة يانسون نجمي، لحتى يقرب الرز يستوي بتصفيه

بطنجرة بتحطي ملعقة زيت نباتي وبتعملي طبقات من الرز و الصلصة الدجاج ممكن تحطيه بالفرن يتحمر او مع الرز،( بين الطبقات فيك تحطي رشة كزبرة خضرة مفرومة ناعم أو نعنع و بصل مقلي حسب الرغبة)

يترك على نار هادية لتتجانس النكهات ويكمل الرز سواه

اخر شي يضاف ملعقة كبيرة زبدة ورشة زعفران مذوب ب ملعقتين كبار مية ورد وبتطفي عليه

بالهنا والشفا يارب

عرض التعليقات (13)