دجاج مقلي بطريقة غير ولا ألذ بالشكل والطعم ملكة رمضان
دجاج مقلي بطريقة غير ولا ألذ بالشكل والطعم ملكة رمضان

دجاج مقلي بطريقة غير ولا ألذ بالشكل والطعم ملكة رمضان
استكمالا لوصفتنا الماضية (الدجاج المقلي) حبيت قدملكم هالوصفة بطريقة جديدة وبتفرح أطفالنا أكيد ورح عيد كتابة الوصفة هون مشان اذا حبيتو تتكاسلو عن الروحة للوصفة الماضية هههههه
المقادير
- كيلو صدور دجاج
- للتتبيلة منحتاج:
- نصف كوب حليب
- ثلثين كوب لبن
- البهارات:
- ربع ملعقة كبيرة فلفل أبيض
- ربع ملعقة كبيرة هيل مطحون
- ربع ملعقة كبيرة بصل بودرة
- ربع ملعقة كبيرة توم بودرة
- نص ملعقة كبيرة بابريكا مجروشة
- نص ملعقة كبيرة بابريكا مطحونة
- حوالي ملعقة ملح.. دوقو التتبيلة المفروض يكون ملحها واضح شوي
- ملعقة كبيرة شطة
- للطبقة الخارجية منحتاج:
- كوب طحين
- نفس البهارات بنفس الكمية اللي حطيناهن بنقع الجاج ماعدا الملح يكون أقل شوي
- نصف ملعقة كبيرة أوريغانو
- ظرف بيكينغ باودر
- شيبس مكسر ناعم أو ملعقتين بكصمات لو حبيناه مقرمش زيادة
- لصوص الجبنة منحتاج:
- ملعقة ك زبدة
- رشة ملح وفلفل
- نصف ملعقة طحين
- نصف كوب حليب
- نصف كوب جبن شيدر
الخطوات
“بسم الله الرحمن الرحيم”
* منخلط مكونات التتبيلة ومنتبل فيها الجاج ومننقعهم (يفضل ليلة كاملة) بيطلع الجاج بياخد العقل وطري ومستوي
* بعد النقع منصفيهم من التتبيلة الزايدة ومنضيف الشطة منخلط ومنتركهم ساعة
* بهالأثناء منجهز خليط الطحين ومنخلط كل شي سوا
* أسهل طريقة لتغليف الجاج بالطبقة الخارجية انو نحط الطحين بعلبة كبيرة أو كيس ونحط قسم من الجاج ونغطي العلبة أو نسكر الكيس ونخض الجاج مع الطحين ليتغلف منيح ومنرجع منكبس الطحين عليه بإيدينا وهيك صار جاهز للقلي
* لازم نحمي الزيت تمام وبس ننزل قطع الجاج منخليه عالي دقيقتين ومنوطي النار لحتى يتشقر ويستوي بياخد حوالي ١٠ دقايق (فيكم تطالعو قطعة تشوفوها اذا استوت)
* منقلي البطاطا أثناء قلي الجاج ورح نجهز سوس الجبن بهالأثناء
* أول شي رح نحط الملح والفلفل والزبدة عالغاز وبس تسيح الزبدة منضيف الطحين منحركو ليمتزج مع الزبدة منضيف الحليب وبس يبلش يسخن ويبقبق منحط الجبنة ومنطفي النار ومنحرك لتسييييح وقلبي يسيح
* الخطوة الأخيرة هية انو منحط البطاطا وفوقا خطوط كاتشب ومايونيز (حسب المتوفر) وفوقهم قطع الجاج وفوق الجاج سوس الجبنة
* الخطوة اللي بعدا هية الأكل ثم الاكل ثم الأكللللل وعدم التوقف لحتى تخلص الكمية
* وآخر شي بتمنى تكونو حبيتو الوصفة وتجربوها وتدعولي
فنانه
تسلميلي ياعسل😍
بصحتكم و راحتكم و انا ايضا استعمل شيپس حار لقلي الدجاج لكن طريقتك مختلفة 😋 تبارك الله عليك
وعليك ياقلبي
ربي يكرمك ويخليلنا ياكي 😍
ما شاء الله عليكي يسلمو ايديكي يا قلبي
بفتح النفس
الله يسلمك ويسعدك حبي نورتيني 😍
يسعد البك شو خفيفة دم 😘قبل ما اقرأ الوصفة ع المفضلة
ممنونتك من قلبي على لطفك وكرم أخلاقك😍
الله يسعدك ياوردة 😘
تسلم ايدك وشكرا الك ع جهودك ما شاء الله تبارك الله عنك شو مبدعة ربي يسعدك و يباركلك
ويسعدك ويسلمك ويحققلك كل شي بتتمنيه ياعسل يلي منورتيني دايما😍
تسلم ايدك بتشهييي 👍
الله يسلمك حبي😍
ربي يحميها ست الستات ما شاء الله عنك منظرهم بشهي تبارك الرحمن ربي يحفظك ويسلم دياتك يا قلبي
ويحميلي ياكي حبي
الله يسلمك ومايحرمني منك 😍
وعليكم السلام ورحمة الله وبركاته يا وردتي🌹
برضو صايمه ولي نور ممنوع تنزلي وصفات من هان لأخر رمضان حرام عليكي قلبي قرمش من هالمنظر دماااااار مو عادي ربي يسلم ديادك ويبارك فيهم ويعطيكي الصحه والعافيه يا قلبي شو بدي أحكي إبداع وتألق وتميز كالعاده موووفقه يااااارب❤😙😙
نشيطه مع الصيام… شكلها مصوره الوصفات قبل رمضان 😂😂😂
وبدها تعشمنا
ههههههه معك حق ام مصطفى
شكلها نور ناويه تعاقبنا واحنا صايمين بوصفاتها
😂😂😂 يبعتلك الهنا ام مصطفى
هيك برمضان بصير في تشوق للوصفة اكتر🤣
انه التكتيك يا اختاه هههههه
ربي يسعدك ويخليلي ياكي ياعمري من بعدك انا😘
ام علي يبعتلك الهنا اي ههههه
هو فعلا في شي قبل رمضان بكم يوم وشي برمضان
بقى عم اشتهي معكن🤣
ام محمد عقاب بعقاب والبادي أظلم 🤣
قليل شو عم تعملي فينا بوصفاتك يختي😁
هههههه الله يسعد قلبك نواره وما يحرمنا من وصفاتك الرائعه
ههههههه طلع في حدا زيي الحمد لله
خفت حدا يحكي عني إم كرش طلعنا إمات كروش 😁😄
يسسسسعدك يا غاليه😘❤
ولا يحرمنا منك حبيبتي ام محمد😍
لا تخافي ولا عبالك ام مصطفى احكي وانتي متطمنة
الحال من بعضو🤣🤣
هههههه يسسسعدك يااارب والله وزني ثابت بس ما يزيد منشان الدوالي والغضاريف😔
لا ياعمري ان شاء الله مابزيد
ليش انتي سمينة أصلا ليعمل تقل؟؟
لسا بوجعوكي☹️
يسلمو ايديكي والله بتشهي بحب هيك اكلات
صحه وعافيه حبيبتي ❤🌹
الله يسعدك ياقلبي 😍
يسلملي اللي بيعرف طعمة تمو هههههه
سؤال… نواره
في منك ع توت!!؟
في منك ع فريز؟؟!
تسلم ايدك.. الله يحيي الشام كلها لاجلك🌹🌹🌹
ههههه يسعد قلبك ام علي
ويسعدك ام محمد الغاليه 🌹🌹🌹
ليه انتي تركتي توت وفريز لحدا ياقلبي هههههه
دخيل قلبك ما ألذك😍
الله يسعدك ومايحرمني منك
عطول بترسمي الضحكة عوشي😘
الله محييكم يالنشامى😁
ماشاءالله عنك يانووور❤ من الصوره بعرف انها وصفتك يسلم ايديكي بتشهههي😋😍
مشكورة كتير ياقلبي على حسن ظنك
نورتيني والله ربي يكرمك😘♥️
فنانة يسلم دياتك حبيبتي صحتين وعافية يارب
الله يسلمك ياقلبي ويخليلي ياكي 😍
يسلم دياتك وصحه والف عافيه
عقابك حبي
الله يسلمك 😍
عقلبك*
يعطيكي الف عافية ع هالابدااااااااع💕💕
الله يعافيكي ياقلبي نورتي😍
مش طبيعي المنظر …..ما شاء الله عليكي
طبعا سحت بس شفت الجبنة بمووووووووت عليها وخصوصا بهالشكل🤤🤤😋😍
هههههههه بتعرفي طعمة تمك تمام 😂
حولي لعندي لاعملك احلى منها ان شاء الله 😍
نورتيني حبيبتي😘
يمي يمي ما هذاا المنظر يلي بوجع القلب
ما شاء الله روووعه وفكره حلوه يسلم دياتك
يا رب
سلامة قلبك ياغالية
ربي يحلي أيامك متل حلاوة روحك ومايحرمني منك 😘
يا ويلي يا نوارتنا شو هالجمال كله تسلم ايدك يارب منظر ولا اروع من هيك 💖💖💖💖
جمال عيونك حبي
ربي يسلمك ويسعدك😍
يسلمو ايديكي حبيبتي وصحة وعافية يارب 😘
عقلبك غلاتي الله يسلمك 😘
أم نبيل
ما شاء الله عنك ربي يحميكي عنجد انه رووووعه وتحفه الله يسعدك ويعطيكي ألف عافية وصحتين وهنا ع قلوبكم
ربي يكرمك ويوفقك يارب 😘 😘
وانتي أروع وأروع وأروع وكمان أروع 😍😍
الله يسلمك ومايحرمني منك ياعسل😍
ابدااااع جد ماشاءالله
ربي يحفظك وينولك كل شي تتمنيه..
❤️👍
واياكي ياوردة
فديييييتك 😍
ماشاءالله تبارك الله
هههههه خلصت المصطلحات
أحبك أختي .
🤣🤣
وجود اسمك يغنيني عن كل المصطلحات😍
أحبك الذي أحببتني فيه ياغالية
وانا بحبك أكتر وأكتر 😍
🌸🌸🌸🌸
يا هلا وغلا بحماة وأهلها الطيبين😍😍
اويل حالي انا شكلهم بفطر 🤭😅
ربي يسلمهن يا عسل وريتو الف صحة وهنا عليكم يا قلبي 💗💗💗💗
🤣🤣 يسعد قلبك ام حسن الغالية😍
يخليلي ياكي وتضلب منورتيني على طول😘
تضلي*
ما شاء الله عنك
روووعة
من بعدك حبيبتي لولو اشتقنا لهالطلة والله😍
طمنيني عنك وينك ووين وصفاتك الحلوة😘
رووووعة جربتها وطلعت جميييلة ربنا يبارك فيك زيدينا من هالوصفات
ان شاء الله هنا وعوافي أختي😍
فرحتيني كتير والله
ممنونتك على ثقتك وان شاء الله بحاول قدملكم الأفضل دايما 😘
[…] دجاج مقلي بطريقة غير ولا ألذ بالشكل والطعم للشيف نور أحمد […]