منسف اردني ملكة رمضان

57 1٬999
 

منسف اردني ملكة رمضان

منسف اردني ملكة رمضان

منسف اردني ملكة رمضان

منسف اردني ملكة رمضان, معكم صديقة زاكي الشيف الموهوبة ,

المقادير

  • 3 كيلو لحمه خروف
  • كيلو ارز حبه قصيره
  • جميد
  • لبن رايب او شنينه
  • خبز شراك
  • هيل حب
  • ورق غار
  • ورق لورا
  • معلقه صغيره بهارات المنسف
  • راس بصل
  • معلقة صغيره كركم
  • ملح حسب الرغبه
  • معلقه زغيره فلفل اسود والافضل فلفل ابيض
  • للزينه:
  • لوز
  • بقدونس

الخطوات

يسعد اوقاتكم

السلام عليكم

كيفكم ياوردات تقبل الله طاعاتتكم

اليوم اكلتنا المنسف الاردني مع اني نزلته عدة مرات لكن حبيت انزله في هذا الشهر الفضيل لانه من الاكلات الشعبيه المعروفه والمشهوره في الاردن ولا يمل منه ابدا نزلته بالجميد لوحده وهذ هو الاصل ونزلته بالشنينه والرايب والمره هذه بالجميد والشنينه بزبط على كل الحالات وكل واحدحسب حالته لانه في ناس معها ضغط ما بتقدر تاكل الجميد لانه مالح واحتمال يرفع الصغط

تعالو نشوف الطريقه مع انها مالوفه ومعروفه لدى الجميع لكن كل واحد اله طريقته بالطبخ

اول شي بتغسلي اللحمه مزبوط عدة مرات وبنصعها بالطنحره مع ماء بارد هيك طريقة اصحاب المطاعم ليش حتى يخرج كل الدم المتبقى فيها واذا حطيتي المي السخنه بتقفل المسامات وبتحشر الدم بالداخل

ولما تغلي بنبدأ بشيل الرغوه او الزفر المتجمع على الوجه ونسقط البصل المفروم خشن والهيل وورق الغار ورشة كركم ولما يقرب يستوي بضيف الملح والفلفل الاسود وبهارات المنسف وبكون ناقعه الجميدالمكسر لقطع زغيره قبل ساعتين او اكثروبتاكد انه صار لين جدا وبضعه بالخلاط لازم يكون طري والا بحرق الخلاط وبخلطه وبضيفه بطنجره وبضفله الشنينه حدود 2كيلو مع معلقتين نشا وبخلطهم على البارد وبولع عليهم النارمع التحريك المستمر حتى ما يفرط وبضيفهم للحمه واذا كانت شوربتها زياده بشيل منها قبل ما اضيف اللبن وبتركهم يغلو لمدةربع ساعه وبطفي عليهم الغاز اذا شعرت انه اللحمه استوت

طبعا الرز الكل بعرف طريقة تجهيزه

وبنحضر السدر بالحجم المناسب وبنضيف خبز الشراك وبعدها الرز وبنصف اللحمه بطريقه مرتبه وبنزينها باللوز والبقدونس حسب الرغبه يقدم مع شوربة اللبن الساخنه الف صحه وهنا

استودعتكم لله الذي لا تضيع ودائعه

57 تعليقات
  1. 🌷❤ غزل ❤🌷 :

    يسلمو ايديكي حبيبتي عشقي المنسف😋

    1. ام علاء ابو يحيى :

      تسلمي حبيبتي معك حق لا يعلى على المنسف هو الاصل

  2. Om AMR :

    ربي يسلم هالديات ما شاء الله عنك ابدعتي

    1. ام علاء ابو يحيى :

      الله يكرمك ويسلم عمرك حبيبتي ام عمار

  3. أية🌹 :

    ما شاء الله منظر بياخود العئل

    1. ام علاء ابو يحيى :

      تسلمي حبيبتي اكرمك الله كلك زوق

  4. ام محمد wwww :

    فتحتي نفسي الف صحه وهنا😋😋🤤

    1. ام علاء ابو يحيى :

      على قلبك حبيبتي تسلمي

  5. أريج :

    ماشاءالله بشههي 😋 يسلم ايديكي 👍🏻 👍🏻

    1. ام علاء ابو يحيى :

      تسلمي حبيبتي اريج الله يكرمك

  6. ام ملك......... :

    ما شاء الله عليكي
    يسلمو ايديكي يا قلبي 💖
    الشكل لحالو بجنن
    ابدعتي

    1. ام علاء ابو يحيى :

      الله يسلم قلبك ويسعدك حبيبتي ام ملك ويحفظلك ملك بنت ابني اسمها ملك…عاشت الاسامي

    2. ام ملك......... :

      حبيبتي ربي يحميها
      بحب كل وحدة اسمها ملك ❤️🥰

  7. ⭐⭐ياسميين⭐⭐ :

    عليكم السلام ورحمة الله وبركاته

    الحمدالله بخير ياغالية كيفك إنتِ شو أخبارك…تقبل الله منا ومنك
    يا عيني منسف من الأخر من تحت دياتك يا حنونة…لو بتنزليه مية مرة ما بينشبع من شوفت أكلاتك يلي بتشهي…صحه وعوافي على قلوبكم

    1. ام علاء ابو يحيى :

      الله يعافي قلبك حيبي وتسلمي على كلامك الطيب والمزوء زيك يا ورده والله اشتقتلك يا ياسمينتناالغاليه طمنيني عنك

    2. ⭐⭐ياسميين⭐⭐ :

      وأنا إشتقتلك إم علاء يا عمري😘

  8. ربداوية 💞💞 :

    يميييي فش بعد المنسف بالنسبه الي بحبه كتيير
    وطالع معك منظره بشهي وبفتح النفس ❤

    1. ام علاء ابو يحيى :

      يسعد قلبك حبيبتي معك حق قد ما نلف وندور بنرحع للاصل وما بنستغني عنه ابدا

  9. Gharam :

    بسم الله تباااارك الله الصور بتحكي والله تسلم ايدك ياااارب ❤❤❤❤

    1. ام علاء ابو يحيى :

      الله يسلم قلبك غرام حبيبتي ويكرمك

  10. بصحتكم و راحتكم كيشهي 😍😍

    1. ام علاء ابو يحيى :

      تسلمي حبيبتي ربنا يكرمك احبيبه

  11. القدس عربية :

    أم نبيل
    ما شاء الله منسف رووووعه
    يعيشوا هالايدين يا رب ويعطيكي الصحه والعافيه
    🌹 🥀 🌹 🥀 🌹 🥀

    1. ام علاء ابو يحيى :

      الله يعافي قلبك حبيبتيزام نبيل ويكرمك

  12. أم حسنين :

    ماشاءالله ابداع لاحدود له اللهم يبارك بيك حبيبتي

    1. ام علاء ابو يحيى :

      يسعدها ام حسنين نورتي يا ورده ربنا يكرمك ويسعدك

  13. إم مصطفي 😉 :

    وعليكم السلام ورحمة الله وبركاته 🌹

    ربي يسلم ديادك ويبارك فيهم ويعطيكي الصحه والعافيه يا غاليه لو تعملي بيض مقلي بيطلع من تحت ديادك رووووعه لأنك أنتي روووعه صحه وألف عوافي يا رب 😍😘❤

    1. ام علاء ابو يحيى :

      تسلميلي يا ام مصطفى والله انتي يلي اروع من الروعه بزوقك وكلامك الطيب ربي يكرمك بكل شيء بتتمنيه
      ويرزقك احلى ذريه ويكونوا صالحين وبارين انتي والحبيبه نور وجارتي وكل الصبايا

    2. إم مصطفي 😉 :

      يا غاليه ربي ما يحرمني منك يا رب
      إن شاء الله ربنا كريم وما بينسا حدا ربي يكرم كل محروم ويفرج هم كل مهموم 😙😍

  14. فوفو 🌹 :

    ليش الكلام… مافي بعد المنسف😋😋
    وكيف لوكان من تحت ايدين البركه😍
    تسلمي ع دعواتك الي.. 🌹

    1. ام علاء ابو يحيى :

      يسلم قلبها ام علي والله انا الي حاسه انه وجودك احلى بركه بهلقروب ربي يسعدك سعادة الدارين ويحققلك امنياتك يا ورده

    2. فوفو 🌹 :

      آمين واياكِ، ❤️🤔

  15. 🍒أم محمّد🍒 :

    يا سلااام ما في بعد المنسف بشههههي
    يسلم دياتك يا رب رووووعه

    1. ام علاء ابو يحيى :

      الله يسلم قلبك حبيبتي والله معك حق المنسف ما في بعده

  16. ام أحمد ❤❤ :

    الف صحة وهنا يا قلبي ما في بعد المنسف عنجد لزييييز

    1. ام علاء ابو يحيى :

      تسلمي حبيبي نورتي ام احمد🌹🌹

  17. 🌸 ام سليمووو 🌸 :

    يمي يمي صحة وعافية يارب تتهني حبيبتي ما شاء الله عليكي

    1. ام علاء ابو يحيى :

      الله يعافي قلبك ويسعدك حبيبتي ام سليم نورتي🌹🌹

  18. 🌸جمانة🌸 :

    ما شاء الله شهي المنظر كيف لما يكون من تحت ايديكي ام علاء حبيبتي بطلع خرافي يسلمو حبيبتي……وصحة و هنا على قلوبكم……

    1. ام علاء ابو يحيى :

      حبيبتي ربي يكرمك جمانه نورتي يا ورده🌹🌹🌹

  19. 💓EMAN💓 :

    منسف رااائع وبشهههي
    الله يسلم اديك وعنيك يا ام علاء
    ياوردة
    الف صحة وهنا عقلوبكم حبيبتي
    🌷🌷

    1. ام علاء ابو يحيى :

      الله يكرمك ويعافي قلبك حبيبتي ايمان نورتي يا احلى ورده🌹🌹🌹

  20. Om kady :

    ي عيني ماشاءالله عليك مبدعه دائمًا
    واطباقك كلهاااا لذاذه وتشششهي

    ربي يمتعك ب صحتك وعااافيتك
    ❤️

    1. ام علاء ابو يحيى :

      يسعد قلبك ام كادي ويعافي عمرك ويمتعنا جميعا بالصحه والعافية والثبات على الطاعات

  21. 💖نور💖أحمد💖 :

    وعليكم السلام ورحمة الله وبركاته 😍
    ماشاء الله اللهم بارك اللهم بارك
    شي فوق الروعة وفول اللذاذة
    شي بشهي وبجوووووع وبيعمل عمايل ههههه
    حرام انا والله المغرب لسا مطول😭
    ممكن اعزم حالي لعندك😁
    عنجد تسلم ايديكي ياغالية لو بتنزليه ألف مرة بكل مرة رح حس انها الاولى😘

    1. ام علاء ابو يحيى :

      يسعد قلبك يا نور شومزوقه يا ريت يوم المنى عمل منسف لنور النواره رح اتوصى فيكي واعملك احلى منسف لعيونك لسا هذا زغير بعملك واحد اكبر وبالنص راس عشان واجبك يا قمر

    2. 💖نور💖أحمد💖 :

      هههههه ياعمري انتي والله بدون من أجمل أيام حياتي يوم اللي بشوفك
      فكيف اذا في منسف من تحت ايديكي 😍
      ربي يسعدك ويكرمك كرم مالت حدود ياأصيلة ويجمعني فيكي بالدنيا وبجنات الخلد ان شاء الله 😘

  22. dina :

    منسف لا يعلى عليه تسلم ايدك ام علاء👍❤💗

    1. ام علاء ابو يحيى :

      هلا حبيبتي ام برهوم نورتي ربنا يكرمك يا ورده

  23. ام عمر :

    يسلموا ايديكي خالتوا ام علاء وصحة وعافية
    على مفضلة ما شاء الله عنك
    مبارك فوزك وللي كل مشاركات حتى يلي مافازوا وكل صبايا كمان يلي علقوا على وصفات الشيفات لولاهم ما كان حدا فاز شكرا الهم كلياتكم

    1. ام علاء ابو يحيى :

      هلا حبيبتي ام عمر ربي يكرمك وكلك زوق يا ورده بس انا زمان ما شاركت بالمسابقات والصبايا الي فازو حبيباتنا كلهم ربنا يباركلهم ان شاء الله بفوزو في هذا الشهر الفضيل بالعتق من النيران وفوزهم فوز النا جميعا

  24. بلبله :

    صحتين والف عافيه
    بشهي عشق لا ينتهي المنسف

    1. ام علاء ابو يحيى :

      تسلمي حبيبتي بلبله ربي يسعد قلبك

  25. رشا رشا :

    ماشاء الله اللهم بااارك يسلمو اديكي يا غاليه
    تعيشي وتعملي اطيب الاكلات
    الله يباركلك بعيلتك يا رب
    صحتين وهنا 😘❤❤

    1. ام علاء ابو يحيى :

      يسعد قلبك حبيبتي ام احمد تسلمي يا غاليه كلك زوق🌹🌹🌹

  26. ام طه :

    والله يسلموا ويسعدهم ربهم الاردنين

    1. ام علاء ابو يحيى :

      ربي يسعد قلبك حبيبتي

اترك رد

لن يتم نشر عنوان بريدك الإلكتروني.