img
الرئيسة / حلويات / مقروطه بالسمسم بطريقه مختلفه ملكة رمضان

مقروطه بالسمسم بطريقه مختلفه ملكة رمضان

/
/
/
1479 مشاهدات
 

مقروطه بالسمسم بطريقه مختلفه ملكة رمضان

مقروطه بالسمسم بطريقه مختلفه ملكة رمضان

مقروطه بالسمسم بطريقه مختلفه ملكة رمضان

مقروطه بالسمسم بطريقه مختلفه ملكة رمضان, معكم صديقة زاكي الشيف الموهوبة ,

المقادير

  • 3 كاسات طحين
  • نصف كاسة سمنه
  • نصف كاسة زبده
  • ربع كاسة سكر مطحون(حسب الرغبه)
  • معلقتين حبة البركه
  • معلقتين سمسم محمص
  • نص معلقة خميره او معلقه زغيره بكنج باودر
  • تمر منزوع النوى معجون بزيت الزيتون والقرفه او الهيل معلقة بهارات كعك كاس حليب دافىء
  • قطر
  • كاسة سمسم محمص

الخطوات

بسم الله الرحمان الرحيم

كل عام والجميع بالف خير وصحه وسلامة

حبيباتي اليوم جبتلكم وصفه للمقروطه بطريقه مختلفه عن طريقة المد ومغلفه بالسمسم كثير طيبه

تعالو نشوف الطريقه :

اول شي بناخذ قليل من الحليب الدافى وبنضع فيه الخميره والحليب طبعا من الكاسه نفسها الموجوده بالمقادير وبتتركهم يتخمرو على جنب

وبنضع الطحين والسكر المطحون والحبه السودا والبهار والسمسم وبخلطهم مع بعض في وعاء عميق وبنسيح الزبده والسمنه على النار لما تغلي وبنضيفها للطحين وبنحركهم بمعلقه خشبيه مزبوط مع بعض وبنبسهم بايدنا وبنضيف الخميره اما اذا استخدمتي البكنج باودر بتكوني خلطيه مع الطحين من البدايه

وبكمل بس بالحليب حتى نحصل على عجينه طريه متماسكه ويمكن ما تاخذ معك كاسة الحليب كامله لا تحطيها دفعه وحده لانه الطحين بختلف عن بعضه وبنريحها لمدة ربع ساعه بالثلاحه وبنبلش بالعمل بنرق كميه من العجين وكميه من التمر على كيس نايلون كل وحده لحالها بسمك نصف سم وبضع التمر فوق العجينه وبنزبط الاطراف بالسكين وبنبلش نبرمهم باستخدام كيس النايلون الموجوداسفل العحين برمتين فقط حتى حتى ما تطلع خميله وبكون محضره سمسم محمص مخلوط بشوية قطر بفرده بالصينيه وبضع اسطوانة العجين فوقه بلفها من الجهتين وبضغط غليها من فوق بايدي ضروري حتى ما تكون مرتفعه ومنظرها مش لطيف وبقطعها بالسكين بالورب او بقطاعه مثل الموجوده بالسوره اذا متوفره عندك بتعطي منظر حلو من الاطراف

وبكون محميه الفرن وبخبزها مثل ما بخبو الكعك تماما وبنتبه مزبوط حتى ما ينحرق السمسم

ملاحظه اضافة القطر للسمسم بتخليه يثبت ما ينزل عن المقروطه بعد الخبز

ان شاء الله تعجبكم وتجربوها

استودعتكم لله وارجو من الله ان تكونوا جميعا بصحه وعافيه وثبات على طاعة الرحمان بعد رمضان

53 تعليقاً

  1. وعليكم السلام ورحمة الله وبركاته 🌹

    وأنتي بألف صحة وسلامة يارب وربي يسلم ديادك ويبارك فيهم ويعطيكي الصحه والعافيه يا رب بتشهييي كتير صحححه وألف عوافي يا رب 😘😍

  2. ما شاء الله يسلمو ايديك اللي بتنلف بحرير عسى ربي يوفقك ويسعدك ويشرح صدرك يارب ويحقق مرادك وامنياتك ولا يحرمك من شي يارب وكل الي تتمنينه يجيك يارب ويسر امرك ويجبر بخاطرك ويسعدك سعاده ابديه مافي اجمل منها عسى كل ايامك فرح في فرح يارب جعل دموعك ماتنزل الا دموع سعاده وفرح يارب وربي يخليك لي اهلك ولي كل الناس الي تحبينهم ويحبونك ولايحرمك منهم يارب العالمين

  3. اللهم امين….اللهم امين
    تسلمي يا اختي ولك بمثل ما دعوتي
    الله بكرمنا جميعا وبجبر بحاطرنا وخاطر جميع صبايا زاكي جبرا يتعجب منه اهل السماوات والارض
    واشكرك على دعواتك الصادره من القلب

اترك تعليقاً

لن يتم نشر عنوان بريدك الإلكتروني.