تارت فراولة ملكة المطبخ

18 1٬747
 

تارت فراولة ملكة المطبخ

تارت فراولة ملكة المطبخ

تارت فراولة ملكة المطبخ

تارت فراولة ملكة المطبخ , معكم صديقة زاكي الشيف الموهوبة ,

المقادير

  • للعحينة:
  • كاستين طحين منخل
  • رشة ملح
  • كاسة زبدة المراعي متلجة
  • نص كاسة مية متلجة
  • ملعقتين كبار ممسوحة سكر باودر منخل
  • للحشوة:
  • تلات كاسات حليب سائل
  • تلات ملاعق كبيرة سكر
  • تلات ملاعق كبيرة نشا
  • تلاتة صفار بيض
  • ملعقة فانيلا سائلة
  • ٣٠ غم زبدة
  • ممكن اضافة برش ليمون
  • رشة ملح

الخطوات

يفرك الطحين بالزبدة ليصير متل الرمل يضاف السكر و رشة الملح

تضاف المية بالتدريج مع العجن بأطراف الأصابع لتلم معك العجينة بتكون عجينة طرية ومتماسكة

كترة العجن بتخربها

بتلفيها بنايلون وبتدخليها التلاجة لنص ساعة

تفرد على ورق زبدة او نايلون بعدها بتحطيها على قالب وبتدخليها التلاجة لمدة نص ساعة

قبل الخبز بتعملي فيها ثقوب بالشوكة وبتحطي ورقة زبدة عليها حبوب تقيلة الوزن

تخبز بفرن حامي من قبل درجة ١٨٠ من الوسط ١٥ دقيقة تقريباً حتى توخد الأطراف لون ذهبي بعدها بتشيلي ورقة الزبدة و بترجعيها على الفرن تقريباً عشر دقائق حتى تستوي القاعدة

بس تبرد بتحشيها

للحشوة

بتسخني الحليب مع ملعقة ونص سكر على نار هادية

بتخلطي صفار البيض مع السكر و النشا و الفانيلا ورشة ملح

بتضيفي ١٠ ملاعق كبيرة من الحليب على صفار البيض بالتدريج مع التحريك بعدها بتضيفيهم على الحليب بالتدريج مع التحريك المستمر لتغلي و تتكاثف اخر شي بتضيفي الزبدة و بتتركيها لتبرد

بتخلطيها وبتحشيه

توبينج الفراولة

فراولة مقطعة من النص بتحطيها مع سكر وشوية مية على نار هادية وكل شوي بتحركيها لتغلي

بتضيفي عصرة ليمون وشوية نشا مذوبة بشوية مية بتضيفيها مع التحريك المستمر لتوصل للكثافة اللي بتحبيها

بالهنا والشفا يارب

18 تعليقات
  1. 🌸 ام سليمووو 🌸 :

    يمي يمي صحة وعافية يارب تتهني حبيبتي ما شاء الله عليكي منظر خراااااافي 😍 😍 😍

  2. لبنى :

    ما ازكاها

  3. 😍😍😍 و اخيرا وصفة فرح في المسابقة انتظرت مشاركتك من بدايتها بالتوفيق إن شاء الله ❤😘

  4. ام همام :

    يا ويل قلبي ما احلى المنظر 🤤🤤🤤🤤🤤🤤
    يسلم ايديكي عالابداع 😍😍😍

  5. 🍒أم محمّد🍒 :

    ما شاء الله روووعه يسلم دياتك يا رب

  6. ريحانة🌿 :

    ما شاء الله .. تحفة

  7. ام علاء ابو يحيى :

    يسلموووو الايادي تحفه فنيه

  8. 🌷 أم نبيل 🌷 :

    رووووووعه ما شاء الله عنك ابدعتي يعطيكي ألف عافية ويسلمو هالايدين

  9. رزان :

    نا شاء لله عليكي صحه وهنا

  10. رزان :

    بنات كيف بدي اعمل تسجيل دخول بدي اعمل ملف متلكم عشان انزل وصفات

    1. 💖نور💖أحمد💖 :

      هلا حبيبتي
      بتنورينا😘
      بدك تعملي حساب وتدخلي الايميل تبعك
      عالمنشور الأول المثبت بزاكي فيكي تسألي الأدمن أي شي كمان اذا صعب عليكي الموضوع🌺

  11. أم صبحي :

    ماشاء الله على هالمنظر الجذاب.. يسلموا إيديك حبيبتي على هالوصفة اللي بتشهي
    صحة وهنا 🥀🥀

  12. 💖نور💖أحمد💖 :

    روعةةحبيبتي فروحة ماشاء الله عنك
    شكلها تحفة 😍

  13. بلبله :

    صحتين والف عافيه
    بتشهي

  14. ماشاءالله
    جميل

  15. فوفو 🌹 :

    صحه وعافيه

    ليش مابتشاركينا ع وصفاتنا فرح/!!؟؟

  16. خواطر💙 :

    صحتين وهنا بالعافيه عليكم 🤗

  17. إم مصطفي 😉 :

    صححه وألف عوافي يا رب 😍😘

اترك رد

لن يتم نشر عنوان بريدك الإلكتروني.