طريقة مشاط الزهره طعم مميز لوجبة الفطور أو العشا

71 2٬994
 

طريقة مشاط الزهره طعم مميز لوجبة الفطور أو العشا

طريقة مشاط الزهره طعم مميز لوجبة الفطور أو العشا

طريقة مشاط الزهره طعم مميز لوجبة الفطور أو العشا

طريقة مشاط الزهره طعم مميز لوجبة الفطور أو العشا, معكم صديقة زاكي الشيف الموهوبة ,

المقادير

  • راس زهره
  • 10 حبات بيض
  • راس بصل كبير مفروم ناعم
  • 3 كوب طحين
  • كوب وربع ماء
  • 2 معلقة ملح
  • 2 معلقة فلفل أسود
  • معلقه صغيره كركم
  • معلقة خل
  • زيت نباتي للقلي

الخطوات

السلام عليكم ويسعد أوقاتكم بالخير

بقدملكم اليوم طريقة مشاط الزهره من ازكى الوجبات عالافطار او العشا..بطريقه مختلفه وطعمها راائع

ان شاء الله بتعجبكم …

يلاااا نشوف الطريقه ….

& بنقسم الزهره لقطع وبنغسلها بالمي والملح ( انا بنقعها شوي بالمي والملح أفضل من ثم بغسلها )

بغمرها بالمي وبضيفلها رشة ملح وبضعها عالغاز لحتى تستوي بصفيها من المي بعد ما تستوي وبفرمها ناعم

& خلال ما هي الزهره عالغاز بجهز خليط المشاط

بفرم بصله كبيره فرم ناعم شوي وبفركه بالملح والفلفل ممكن بالايد او بالمعلقه لحتى يتعصر شوي البصل

ومن ثم بضيفله البيض وملح وفلفل اسود وكركم والخل وبخلطهم مزبوط ومن ثم بضيف الطحين بالتدريج لحتى يتكون عندي خليط مناسب للقلي يعني يكون قوامه لا سائل كثير ولا جامد كثير وسط وموضح بالصور كيف قوامه ( بضيف مع الطحين كوب مي بالتدريج لحتى اتوصل للقوام المناسب انا اخذت معي كوب وربع مي )

( اضافة الطحين حسب ما يحتاج الخليط ممكن اكثر وممكن اقل من 3 كوب وحسب كمية البيض المستخدمه )

& لما يجهز عندي بضيفله الزهره المفرومه ناعم وبخلطها معه وببلش بالقلي

(هو المفروض تنقلى بزيت زيتون اطيب بس انا مو متوفر عندي كميه كبيره عشان هيك استخدمت زيت نباتي وطلع الطعم طيب وما في فرق كثير بالطعم )

& القلي بزيت غزير وببلش اضع من الخليط بملعقه كبيره (يلي هي معلقة سكب الشراب الكبيره اسهل للاستخدام كل قرص باخذ معلقه وحده وموجوده بالصور ) وانا عملتهم قراص صغيره وممكن تنعمل قرص كبير بس القرص الصغير اريح للقلي وللأكل

القلي عالنار اقل من الوسط اول شي عشان اتاكد انه استوى من الداخل وبستمر بتقليبها كل شوي لحتى تاخذ لون وممكن انه نعلي النار باخر القلي اذا استوت عشان تتحمر

( انا بفضل انه اعمل فتحات بالسكينه للقرص خلال القلي عشان تستوي اسرع )

& وبطلعها من الزيت بعد ما تستوي وتتحمر وبستمر بالقلي لحتى اخلص كل الكميه ..( وبفضل كل ما يجهز عندي فوج من المشاط بشيل القلايه عن النار وبضع من خليط المشاط والزيت هادي عشان اقدر افرد العجينه وبعد ما اضعهم وافردهم برجع القلايه عالنار )

وتقدم مع كاسة شاي وليمون والطعم اكثر من رائع

وصحه وعافيه

دمتم بكل الخير

71 تعليقات
  1. ربداوية :

    يسلم اديكي يارب 😍
    من الأكلات الطيبه انا بحبها كتتير
    صحتين وعافيه يارب 😍

    1. 🍒أم محمّد🍒 :

      الله يسلمك ويسعدك بالخير يا رب

  2. 🌷❤ غزل ❤🌷 :

    يسلمو ايديكي شكلها زاكيه

    1. 🍒أم محمّد🍒 :

      الله يسلمك ويسعدك يا رب

  3. تبارك الله عليك كتشهي ماشاء الله 😍
    أنا جربتها وقت التحقت بزاكي لكن للأسف كانت وقت القلي تتفت في الزيت ما كانتش قطعة واحدة ضفت البيض و نفس المشكلة ما عرفتش السبب ؟
    في الأخير هههه حطيتها في قالب مذهون و دخلتها الفرن جات مثل الكيكة و قطعتها مذاقها لذيذ

    1. 🍒أم محمّد🍒 :

      الله يبارك فيكي ويكرمك بالخير يا رب

      اتوقع انه بتكون لسى مو متماسكه بتكون بحاجة طحين زياده او انه خلال القلي ما تماسكت اذا قلبتيها قبل ما تتماسك بتفتفت

      والصينيه بالفرن مثل ما عملتي بتطلع طيبه صحه وعافيه يا رب

    2. إن شاء الله نجرب طريقتك 😋 شكرا على الشرح المفصل و المعلومات القيمة

    3. 🍒أم محمّد🍒 :

      العفو ان شاء الله بتجربيها وبتعجبك يا رب

  4. يسلمو ايديكى حبيبتى بشهي عشقى المشاط مع كاسه شاي بنعنع… الف صحه وهنا

    1. 🍒أم محمّد🍒 :

      ااه كثير زاكي ربنا يسعدك ويسلمك يا رب

  5. 😍😍 :

    نسرين

    يمي بشهي يسلمووووو يديكي ام محمد
    زمن بدي أحدا يشرحلي يها هيك 👌👍👍👍😋

    1. 🍒أم محمّد🍒 :

      ان شاء الله بكون افدتك
      ربنا يكرمك بكل خير يا رب

  6. نانو بارافي :

    تسلم الايادي المعدلة ألف صحة

    1. 🍒أم محمّد🍒 :

      الله يسلمك ويسعدك بالخير يا رب

  7. تسلم ايدك حبيبتي روووعه منظرها ..امي كانت تعملها بس كانت تحط بقدونس …..هلا انا نفسي فيها بس ما بحب نكهه الزهرة تكون ظاهرة ..ولا بحب احس بقطع الزهرة ….عندك حل 😕

    1. 🍒أم محمّد🍒 :

      الله يسلم قلبك ويسعدك يا رب
      منوريتني ام ادم

    2. 🍒أم محمّد🍒 :

      ام ادم اذا بتنعميها بالفرم ما بتبين ولا بتكون ظاهره قرشتها بالمشاط لانه بالاساس الزهره بتكون مستويه فما بكون طعمها كثير ظاهر وبأمكانك تقللي كمية الزهره فيها ومع اضافة البقدونس بطغي عالطعم الزهره كمان ..
      اعمليها ولا تخليها بنفسك وصحه وعافيه يا رب

    3. ربي يكرمك يا ست الكل ان شاء الله رح اجربها لانها اول تجربه حتكون 😍. بدي اسالك هلا كيف بدي اعرف للبيض يعني انا بدي نص راس صغير …كيف اعرف شو احط بيض وطحين

    4. 🍒أم محمّد🍒 :

      ان شاء الله بتجربيها وبتعجبك
      ربنا يكرمك بكل خير يا رب

    5. 🍒أم محمّد🍒 :

      اضافة البيض حسب ما بدك الكميه يعني كل ما كان بدك الكميه اكبر بتزيد بيض انا عشر بيضات حطيت عالراس زهره وسط وطلع كميه كويسه

      فانتي اذا عامله نص راس بس حطي ثمنيه او سبعة بيضات بكفو عالنص راس

      والطحين هو بالعاده بنضاف هيك عالشوف بس انا هالمره قسته بالكوب عشان الوصفه
      فانتي بتضيفي الطحين بالتدريج وبتحركي لحتى توصلي لقوام مناسب
      يعني تقريبا 7 بيض بدهم من 2 كوب طحين لل2 ونص حسب نوع الطحين
      ان شاء الله اكون افدتك وتجربيها وتعجبك

      ولا تنسي تخبريني بالنتيجه 😄

  8. ام علاء ابو يحيى :

    تسلم ايدك حبيبتي ام محمد روووعه نفس طريقتي بس ما بحط اكثر من ثلث او اربع بيضات وبضيف بقدونس 😍😍😍😍🌹🌹🌹

    1. 🍒أم محمّد🍒 :

      الله يسلمك ويسعدك بكل الخير يا رب

    2. 🍒أم محمّد🍒 :

      اه ممكن يكون قليل فيها البيض بس حسب الكميه كمان والبقدونس طيب معها بس ما ضفته ما كان فيه عندي
      صحه وعافيه يا رب منوريتني ام علاء

    3. ام علاء ابو يحيى :

      ربي ينور ايام عمرك حبيبتي

  9. نهر الشرق :

    أولادي سعادتي ام آدم بتقدري تخفقي الزهرة المستوية عالخلاط او ميكستر الطعام مشان ما تظل قطع 😎

    1. 🍒أم محمّد🍒 :

      👍👍👍

  10. أم صبحي :

    ماشاء الله عليك يا أم محمد وعلى تسلسل مراحل إعدادك للطبخة.. من الآخر روووووووعة.. مأحلى منظر صحن المشاط.. مع قطع الليمون حرك المشاعر
    يسلموا إيديك حبيبتي على هالشرح الوافي
    صحة وهنا 💞💓💞

    1. 🍒أم محمّد🍒 :

      الله يسلم قلبك ويسعدك بكل خير يا رب
      دائما منوره الوصفه بتعليقك

  11. فوفو 🌹 :

    حتى ابسط الاكلات بتطلع معك طيبه ومرتبه وانيقه🌷🌷🌷

    1. 🍒أم محمّد🍒 :

      الله يسعد قلبك ويسلمك يا رب
      منوريتني ام علي

  12. إم مصطفي 😉 :

    وعليكم السلام ورحمة الله وبركاته🌷

    بسم الله ما شاء الله عليكي يا عمري مبدعه أللهم بارك صحه وألف عوافي يا رب 😍😙

    1. 🍒أم محمّد🍒 :

      الله يبارك فيكي ويسعدك ويجبر بخاطرك يا طيبه ..منوريتني

  13. 🌸 ام سليمووو 🌸 :

    يمي يمي بحبها كتييير

    يسلمو ايديكي يا عسل 😘 😘 😘

    1. 🍒أم محمّد🍒 :

      الله يسلمك ويكرمك بكل خير يا رب

  14. ام بسام 🍓 :

    عنجد اكله طيبه ويعطيك العافيه جوعتينا

    1. 🍒أم محمّد🍒 :

      الله يعافي قلبك ويسعدك ام بسام منوريتني

  15. 🌷 أم نبيل 🌷 :

    ما شاء الله بشششششههييي وبيفتح النفس.
    يعطيكي الف عافيه يارب ويعيشوا هالايدين

    1. 🍒أم محمّد🍒 :

      الله يعافيكي ويسعدك بكل الخير يا رب

  16. أمل :

    يسلموو اديكي بشهي اتا بعملها نفس الطريقه مع إضافة البقدونس بطلع زاكي ومنظرها حلو كمان بكسر اللون لأنه كل المكونات ابيض

    1. 🍒أم محمّد🍒 :

      ربنا يسلمك ويسعدك يا رب

      اكيد البقدونس معها كثير طيب وزاكي
      منوريتني امل

  17. 🌸جمانة🌸 :

    وصفة لذيذة يسلمو هالايدين

    1. 🍒أم محمّد🍒 :

      الله يسلمك ويسعدك يا رب

  18. ريحانة🌿 :

    وعليكم السلام ورحمة الله وبركاته
    تسلم إيدك عزيزتي🌷

    1. 🍒أم محمّد🍒 :

      الله يسلمك ويسعدك بالخير يا رب

  19. بلبله :

    يسلم دياتك ام محمد
    بموووت عليها

    1. 🍒أم محمّد🍒 :

      الله يسلمك ويسعدك بالخير يا رب

  20. أم جود :

    يسلم ايديكي وعينيكي..⚘❤⚘

    1. 🍒أم محمّد🍒 :

      الله يسلمك ويسعدك بالخير يا رب

  21. am jawad :

    يسلمو ايديكي وصحه وهنا حبيبتي

    1. 🍒أم محمّد🍒 :

      الله يسلمك ويسعدك بالخير يا رب

  22. مايا حسين :

    يسلم دياتك ماشاء الله بتشهي

    1. 🍒أم محمّد🍒 :

      الله يسلم قلبك ويسعدك يا رب

  23. ام محمد يا قلبي علقت تحت عندي تعليق شوفيه اغلبك وتردي علي

    1. 🍒أم محمّد🍒 :

      ام ادم رديت عليكي اعذريني عالتاخير

    2. لا حبيبتي مو مشكلة كفيتي ووفيتي ربي يكرمك

    3. 🍒أم محمّد🍒 :

      الله يسعدك يا رب

    1. 🍒أم محمّد🍒 :

      ما شاء الله ..فنااانه

    1. 🍒أم محمّد🍒 :

      رووووعه صحه وعافيه يا رب

    1. 🍒أم محمّد🍒 :

      صحه وهنا يا رب

    1. 🍒أم محمّد🍒 :

      👍👍👍👍👍

  24. الطعم خييييييااااال ولا وجود للزهرة بس نكهتها … عنجد تسلم ايدك يا عمري …بيشهي تبارك الله 😍 ….

    1. 🍒أم محمّد🍒 :

      الف صحه وعافيه الحمد لله انها عجبتك اسعدتيني بتجربتك والله ربنا يسعدك بالدنيا وبالاخره
      ما شاء الله عليكي شكلها بشهي يسلم ديااتك يا رب

    2. يا قلبي ربي يسعدك وان شاء الله دومك مبسوطه وفرحانه ..عنجد انا انبسطت اكتر بشغلها …جدا سريع وما بتاخد وقت وسهلة والطعم رائع مثل كل وصفاتك يا قلبي 💋💋

    3. 🍒أم محمّد🍒 :

      الله يكرمك ويجبر بخاطرك بالخير يا رب

  25. […] بتمنى الادمن تحط وصفه ام محمد لمشاط الزهرة هون …اغلبك معي ادمن تمارا رابط الوصفة […]

  26. بالصحة و الراحة كتشهي تبارك الله عليك و على أم محمد 😋😋 بصحتكم أم آدم

  27. 🍒أم محمّد🍒 :

    ادمن تمار بعثت وصفة كيك من يومين وصلتك ؟؟

اترك رد

لن يتم نشر عنوان بريدك الإلكتروني.