كوكيز للكبار والصغار ملكة عيد الأضحى

68 7٬020
 

كوكيز للكبار والصغار ملكة عيد الأضحى

كوكيز للكبار والصغار ملكة عيد الأضحى

كوكيز للكبار والصغار ملكة عيد الأضحى

كوكيز للكبار والصغار ملكة عيد الأضحى , معكم صديقة زاكي الشيف الموهوبة ,

المقادير

  • 2 كوب طحين
  • كوب الى ربع سكر
  • أصبعين زبدة( كل اصبع ١٠٠ جرام )
  • نص معلقة صغيرة بيكنغ باودر
  • نص معلقة صغيرة كربونة
  • معلقة كبيرة فانيلا
  • بيضة
  • معلقة كبيرة كاكاو

الخطوات

أول شي نضع كوب طحين بصحن وكوب تاني من لطحين بصحن آخر الكوب التاني منشيل منو معلقة كبيرة من لطحين ومنحط بدالها معلقة الكاكاو ومنحط على الصحن هاد ربع معلقة بيكنغ باودر وربع معلقة كربونة وعلى الصحن التاني نفس الشي ربع معلقة بيكنغ باودر وربع معلقة كربونة ورشة ملح على لتنين

تاني شي نضغ الزبدة ( بدرجة حرارة الغرفة ضرووووري ) ومنخفقها بخفاقة الكهربا كتير منيح بعدين منحط السكر ومنخفق وبعدين منزل عليهم الفانيلا والبيضة ( بدرجة حرارة الغرفة ضرووووري ) لحتى يصير عندي خليط طري وكريمي

تالت شي منقسم خليط الزبدة من النص ومنحط نصه على الطحين الي لحاله والنص التاني على الطحين الي خلطنا مع الكاكاو ومنظل نحرك فيهم بالمعلقة الخشبية فقط لحتى يتكورو عنا

رابع شي منجيب صينية ومنفرشها ورق زبدة او مندهنها بالزيت ومنصير نكور في الكوكيز على حسب الحجم الي انتي بتحبي ومنباعد بين كل حبة والتانية وعلى الفرن مباشرة على حرارة ١٧٠ درجة لحتى يتحمرو من تحت

ومنتركهم بعد ما نطلعهم من الفرن بنفس الصينية لحتى يبردو تمامآ ومنحطهم بحافظة ومنقدمهم لأطفال مع الحليب وللكبار مع القهوة وتلذذي بالطعم الخرافي

( ملاحظة الي بيحب يحط شوكولا شيبس مع الخلطة يحط )

وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم

أستودعكم الرحمان الذي لا تضييع ودائعه أختكم في الله أم عمرو ♥️♥️♥️

عرض التعليقات (68)