سمكة حارة مشوية وسمك فيليه

13 2٬893
 

سمكة حارة مشوية وسمك فيليه

سمكة حارة مشوية وسمك فيليه

سمكة حارة مشوية وسمك فيليه

سمكة حارة مشوية وسمك فيليه , معكم صديقة زاكي الشيف الموهوبة ,

المقادير

  • سمكة اسمها الحمرا
  • كيلو سمك فيليه
  • ٣ حزم بقدوس
  • طحينة
  • ليمون
  • ملح
  • فلفل اخضر
  • ثوم معروس
  • شطة حارة
  • زيت زيتون
  • بطاطا للقلي

الخطوات

مساء الخير لاحلى جروب

اليوم عملت سمك

عملت سمكة حمرا شوي بالفرن وعملت فيليه قلي وعملت فخارة سمك بطحينية بالفرن

واليكم الطريقة

اول شي بغسل السمك منيح وبحطه بجاط او صينية وبعصر عليه ليمون وبرش ملح وكمون وبهارات السمك وبتركه ساعتين مش اكثر عشان ما يفقد قيمته الغذائية

نيجي للسمك المشوي بالحشوة

غسلت البقدونس بعد ما لقطته من الاعشاب ونقعته بمي وخل عشر دقايق وصفيته وفرمته .اضفتله الثوم المهروس والشطة الحارة وزيت زيتون وملح . انا ما بحط بندورة مع السمك .

حشيت السمكة بالحشوة ورشرشتها زيت زيتون ،،قشرت حبة بطاطا وقطعتها دوائر رفيعة وحطيتها مع السمكة وحطيتها بالفرن بالرف الوسط

سمك الفليه قليته بعد النقع لفيته بالطحين طبعا وقليته .اخذت قسم منه وحطيته بالفخارة عصرت ليمون وخلطته بالطحينة واضفتله ملح وتوم وحطيته فوق السمك بالفخارة وحطيته بالفرن بالرف الاوسط لحتى تسبكت الطحينية وحمرتها

قليت بطاطا

عملت بقدونسية اللي هي بقدونس مفروم وتوم وفلفل وليمون وطحينة ورشة ملح

وعملت تارتور اللي هو تتبيلة فلفل وتوم مع طحينة وليمون ورشة ملح

وصحة وعوافي

انعجقت عجقة بالمطبخ الها اول مالها اخر .بس الحمد لله خلال ساعة كنت جالية الجليات ومنضفه الغاز وشاطفة المطبخ والدار كلها ورجع ولا كاني عملت سمك فيه

#سمك مشوي ومقلي ..ام نضال

13 تعليقات
  1. ام همام :

    ما شاء الله شو هالرتابة والنظافه الله يحميكي
    السمك منظرو بشهي 😋😋😋😋😋😋

  2. ام ملك......... :

    ما شاء الله عليكي
    يسلمو ايديكي يا قلبي 💖

  3. 🌹ام حمزة🌹 :

    عنجد تحفه تسلم ايدك يا رب

  4. ام لورانس :

    ماشاءالله عليكي بيشهوا هالسمكات 😋😋يعطيكي الف عافيه على هالمناظر والترتيب والنظافة

  5. 🍒أم محمّد🍒 :

    يعطيكي العافيه ويسلم دياتك

  6. 🌹 ايمان 🌹 :

    يعطيكي الف عافيه نضافه وترتيب

  7. ام عبد الرحمن ولين 💓💓 :

    اولا يعطيكي الف عافية عتعبك ومجهودك

    ماشاء الله عنك معدلة ومنظر مطبخك اكبر دليل
    ثانيا يسلم اديكي علي السمك الرووووعة ريتوا صحة وعافية عقلبكم حبيبتي

  8. 🌷 أم نبيل 🌷 :

    يعطيكي ألف عافية ويسلمو هالايدين يا رب وصحه وهنا على قلبكم
    وما شاء الله عنك خالتو ام نضال ست بيت معدله من نضافه وترتيب وزووق
    الله يعطيكي الصحة

  9. ⭐⭐ياسمييين⭐⭐ :

    يعطيكِ العافية يا إم نضال ألف صحه وهنااا على قلوبكم…

  10. انعام م :

    يسلمو وصحه وهنا

  11. الاء محمد :

    ما شاء الله تبارك الله عنك خالتو ام نضال يسلم ايديك كل شي بطلع من تحت ايديكي غير

  12. ريحانة🌿 :

    يعطيك العافية 🌹

  13. Mariam Ramadan :

    تسلمولي حبيباتي وربي يسعدكم

اترك رد

لن يتم نشر عنوان بريدك الإلكتروني.