قطايف بالجبنة وجوز عين الجمل

20 5٬614
 

قطايف بالجبنة وجوز عين الجمل

قطايف بالجبنة وجوز عين الجمل

قطايف بالجبنة وجوز عين الجمل

قطايف بالجبنة وجوز عين الجمل , معكم صديقة زاكي الشيف الموهوبة , مساء الخير عملت قطايف اليوم قصدي هلا على شرف ست الحبايب

المقادير

  • ٣ كاسات طحين
  • نص كاسة سميد
  • ٣ كاسات ونص ماء
  • معلقتين سكر
  • معلقتين حليب بودرة
  • معلقتين ماء الورد لانه ما عندي فانيلا ولا مستكة ولا محلب
  • معلقة صغيرة خميرة
  • معلقة صغيرة بيكنج باودر
  • ربع معلقة كربونة يعني كربونات الصوديوم

الخطوات

الطريقة

حطيت كل المواد بالخلاط باستثناء الكربونة بعد ما خلطتهم كلهم وحطيتهم بجاط .ءوبت ربع معلقة الكربونة بنص فنجان صغير مي بتغلي وحطيتهم فوق الخليط وحركتهم وتركتهم عشر دقايق

حميت مقلاية جرانيت وبلشت بمغرفة صغيرة اسكب بالمقلاية وانتظرها لحتى تنضج .واذا مستعجلة بتقدري تحطي مقلايتين لحتى تخلصي بسرعة .

وبتحشي قسم جبنة بيضة حلوة وقسم جوز عين الجمل مع قرفة

بتدهني الصينية سمنة وبتصفي حبات القطايف وبتدهنيهم من فوق كمان وبتخبزيهم بالفرن وبتغطسيهم بالقطر وبتنشليهم وصحة وهنا

#قطايف ام نضال

20 تعليقات
  1. انعام م :

    يسلمو ايديكي عكل شي بتقدميلنا اياه

  2. انعام م :

    بس بدي اسال في فرق بين عجينه القطايف الطحين لحالو وعجينه فيها طحين وسميد من انجح وشكرا كتير الك

    1. Eleen Hazaimeh :

      العجينه اللي فيها سميد بكون فيها قرشه اكثر وبتعطي طعم ازكى من الطحين لحالو

    2. Mariam Ramadan :

      انا بعمل العجينتين بس اللي فيها سميد انجح بتقرش قرش

  3. roq :

    هاي طريقة افضل طريقه ممكن اول اكم حبه تخرب بس كلهن بجنون وعن تجربه

  4. رزان :

    ام نضال ارحمينا يستر على اختك شي بشهي عنجد وانا حاسستك انك سريعه بشغل تسلم ايدك عنجد روعه ويا ريتني جارتك كنتي بعتيلي صحن😊😊😊

    1. Mariam Ramadan :

      حبيبتي تسلميلي ..انا فعلا سريعة جدا بالشغل

  5. بلبله :

    تبارك الله اشي رائع وفعلا هاي العجينه انا معتمديتها للقطايف
    بتشهي وبتقرش قرش
    يسلم دياتك ويعطيكي الصحه ❤

  6. ام محمد :

    وين ساكنه يام نضال هل انتي براس الخيمه في الامارات

    1. Mariam Ramadan :

      هلا حبيبتي .انا بالاردن

  7. ام ملك......... :

    يسلمو ايديكي يا رب
    صحة وعافية 💖

  8. ام لورانس :

    يسلموا هالايدين يارب.. وصحتين وعافية

  9. ام زكريا :

    اللهم بارك الله يباركلك ب ست الحبايب

  10. 🍒أم محمّد🍒 :

    بشهوووو يسلم ديااتك

  11. 🌷 أم نبيل 🌷 :

    صحه وعافيه ع قلبكم ويعيشوا هالايدين

  12. ام حمزه :

    ماشاء الله يسلمو ايديكي حبيبتي الف صحه وهنا عليكم

  13. نواره :

    يسلمو ايديكي يا رب وصفاتك بتجنن وكلها مضمونه وفيها بركة واشي ما بشوفه بوصفات حدا غيرك الله يعطيكي الصحه والعافيه

  14. أم صبحي :

    يا عيني على هالقطايف مأطيبة ومأحلى منظره.. يسلموا إيديك يا أم نضال وعلى إبداعك 💕💕

  15. Mariam Ramadan :

    تسلمولي حبيباتي وربي يسعدكم

  16. om hasn :

    يسلم ايدكي يا عسل صحتيهن وهنا ع قلبكم🥰🥰🥰

اترك رد

لن يتم نشر عنوان بريدك الإلكتروني.