الغريبة

16 4٬760
 

الغريبة

الغريبة

الغريبة

الغريبة , معكم صديقة زاكي الشيف الموهوبة , مساء الخير حبيت اعمل صينية غريبة زمان ما عملتها وانا عادة بعملها

المقادير

  • كاستين طحين
  • كاسة سمنة بحرارة المطبخ
  • كاسة سكر ناعم مطحون
  • رشة ملح صغيرة
  • معلقة كبيرة فانيلا

الخطوات

الطريقة
بس شفت بالجروب بعملو الغريبة بـ ٣ كاسات طحين وباقي المقادير زي ما انا كاتبة .فحطيت ٣ كاسات ع المقادير بس حسيتها جامدة كتير وبتتكسر بالتشكيل فزدتها شوية سمنة وزبطت الحمد لله وطلعت بتشهي
بخلطهم كلهم مع بعض وبعجنهم بطريقة البس بروس الاصابع وشكلتهم وخبزتهم على نار حامية بالرف اللي الاوسط المرفوع عن النار شوية لمدة عشر دقايق .وحمرتهم شوية بس .وسلامة تسلمكم

بتمنى تعجبكم

#غريبة ام نضال

16 تعليقات
  1. ام يزن :

    تسلم الأيادي ومشكورة انك لبيتي طلبي

  2. Amera Alkurdy :

    يسلمووو يعطيك العافيه

  3. فوفه🥀🥀 :

    تسلم ايدك 🌹

  4. 🍒أم محمّد🍒 :

    يسلم ديااتك بتشهي

  5. بلبله :

    يسلم دياتك ام نظال
    بس انا بعمل الغريبه ع نار هاااديه ١٦٠ والرف الوسط ليتشقر من تحت وبحمرها خفيييف بس الي تمسك حالها
    بس مبينه غريبتك بتشهي
    يسلملي المعدلين انا 😍😍

  6. 🌷❤ غزل ❤🌷 :

    👍🏻👍🏻👍🏻

  7. ماما عايدة المغربية :

    تبارك الله عليك 😋

  8. منى محارمه :

    ماشاء الله عليكي تسلم اديكي

  9. ام لورانس :

    صحتين وعافية يارب.. يسلموا إيديكي

  10. أم صبحي :

    يا عيني عليك يا أم نضال وعلى غريباتك اللي بشهوا.. يسلموا إيديك حبيبتي ست بيت معدلة 💖💖

  11. 😉😊 :

    صباح الخير ما بحب السمنه نفسي اعملها بلزبده بتنفع

    1. ام فهد :

      بتطلع ذايبه مو متل السمنه ع تجربه

    2. Mariam Ramadan :

      ع الخبيز بتسيح

  12. Mariam Ramadan :

    تسلموا حبيباتي وربي يسعدكم جميعا

  13. om hasn :

    صحتين وعوافي يا قلبي 🥰🥰🥰🥰

  14. ام عبدالله النسور :

    يسلمو ايديك مبينه زاكية بس ليش ما بتحطي حليب عليها بتطلع مفيدة أكثر

اترك رد

لن يتم نشر عنوان بريدك الإلكتروني.