مقطوعة من شجرة للكاتبة جمايكا احمد

28 2٬070
 

مقطوعة من شجرة للكاتبة جمايكا احمد

مقطوعة من شجرة للكاتبة جمايكا احمد

مقطوعة من شجرة للكاتبة جمايكا احمد

مقطوعة من شجرة للكاتبة جمايكا احمد, معكم صديقة زاكي الشيف الموهوبة ,

الجزء الاول ضفت التاني والتالت والرابع والخامس اضفت السادس والاخير 
يمكن هالاسم بتسمعوه كتير بس سدقو مارح تفهمو معناه الا من تسمعو هاي قصتي انا داليا البنت اليتيمة اللي عشت بين اب هامل سكرجي وبين مرت اب ظالمة مابتعرف الرحمة .. انا واخي الصغير ..احمد .. اللي عشت عمري كلو اتحمل عنو كل الاذية والضرب…. انا من امي ماتت كان عمري 7 سنوات اخي الصغير أحمد بحياتو ماشافها لإمي الله يرحمها ماتت وهي عم تولد فيه .. اخي بالولادة سار عندو نقص اكسجين بالدماغ وسارت عندو اعاقة بسيطة .. وانا فضلت ارعاه من صغروا من وعيت ع الدنيا من كان عمري 7 سنوات وانا امو لأخي ..انا اللي نيمو وطعميه وشربو وحممو .. عانيت من اهمال ابي وشفقة الجيران علينا .. تمر علينا ايام ننام انا واخي بلا عشا وبلا غطا.. ومن لوم الناس لأبي ومعاتبتو انو يجيب زوجة تهتم فينا أبي وافق وقرر يجيبها وياريتنا بقينا جوعانين وبردانين ولا جابها .. ابي مالقا حد يعطيه غير انو يختار زوجة بتشتغل بالملهي يلي بسكر فيه … من اول ايام لالها معنا مالقينا لا اهتمام ولا غيروا .. كنت متل الخدامة من ترجع من المرقص والملهى ..اسرع بعجلة لاغسل لالها رجليها من كتر مارقصت .. وكان ابي تعبها يروح يشرب فيه ..وهي من حرقة قلبها كانت تأذيني انا واخي بالشمع .. اتحملت سنين ورا سنين وانا اتحمل.. واتعذب سرت اخد اخي بعد المدرسة ووقف على باب المستشفيات لاشحد وجيب لاخي يتعشا .. واوقات وانا بعمر 12 سنة مر على بيوت الجيران نضف الدراج واشطف مشان يعطونا مال . او وجبة اكل بايتة …سار عمري 17 سنه … واخي كمان كبر بلش يسندني ويساعدني ومايعطي مجال لحد يأذيني .. لدرجة اخي بيشتغل طول اليوم ليحسن يعطي مال لأبي ليسكر ويبعدو عني هو ومرتو .. كان اخي يدور على سيارات العمومي ناس يضربوه لانو معاق شوي ومايعطوه حقو .. وناس تشفق عليه ..وانا اوقات ما اتركو مشان ماحد يأذيه .. وخاصة من يرجع من شغلو لاقي طفيات سجاير بصدرو ..افضل طول الليل ابكي عليه وعلى حالي .. بيوم قررت اهرب انا واخي من هالظلم اللي نحنا عايشينو جمعت شوية مال حق تذكرة باص .. كنت بدي اخد اخي واهرب للسعودية .. بعد ماعرفت طريق تهريب الناس …

.

.

. الجزء الثاني …

.

.

.

حاولت احصل على معلومات من ست كبيرة اسمها ام شادي ..اللي بدها تزور بنتها بالسعودية بس ماحسنت ..قالتلي انو في باص طالع تهريب على السعودية … وبدهم على الشخص 400دولار . وبقولو مضمونة راح يطلعو بالليل ومالازم نحمل اغراض الا شنتة وحدة لان في عالم وزحمة بكون بالباص .. انا وقتها ماكنت املك حتى دولار واحد جيب فيه رغيف خبز .. ارجعت على البيت وانا بحيرة شو اعمل لازم اتصرف لازم احسن اطلع انا واخي من هالعذاب … كان باقي للسفر بس اسبوع و800 دولار لو بدي اشتغل ليل نهار مارح احسن جيبهم .. بيوم لقيت شغل وكان اني نضف حمامات مطعم ا

..انا انبسطت وارضيت بالشغل وخاصة انو باليوم الواحد راح اخد 20 دولار .. بس 20 على اسبوع كمان ماراح يكفوني .. ارجعت على البيت لاطلب من اخي يطلع يشتغل لنحسن اندبر كل شي .. ومن فتحت باب البيت لقيت اخي مربط بجنزار حديد .. وابي عم يضرب فيه وكانت مرت ابي عم تشجع ابي ليضربوا .. انا غاب عقلي وقتها على اخي ماكان فيني اعمل شي نطرت لطلع ابي من البيت خفت ليعمل فيني متل اخي .. ومن فتت قابلتها لمرت اخي وبلشت اتشد شعري وتضربني انا من الغل اللي خزنو العمر .ماكان فيني الا اضربها لعند ما اغمى عليها وقعت وسار الدم يسيل من راسها .. انا وقتها ما شفقت عليها ذرة قد مافيني استغليت الوقت لافك اخي واحملو لان مافيو يمشي من كتر الجلد .. بس قبل لاطلع خطرت على بالي عقد الذهب اللي حاملتو مرت ابي اللي كان لحالو يوزن اكثر من 800 دولار شديتو من رقبتها ولبستو لاخي واحملتو واطلعت فيه … سارت الساعة متأخرة بالليل وبلش الجو يبرد انا واخي ومامعي حتى اجيب لالو لازق جرح ..نمت انا واخي بنفق سيارات ..وانا ضاممتو لقد مافيه يدفى ..لطلع الصبح علينا اخدت اخي وطلعت على سوق الذهب وبعتت العقد .. وحصلت وقتها فيه 3000 دولار انا انصدمت من المبلغ اللي بحياتي ماشفتو .. وقتها اخدت اخي ضمدت جروحو واشتريت لالو لبس بحياتو مالبسو لالو ولالي وجبت اغراض سفر واكل ..واطلعنا بسرعة على الحجة ام شادي لدلنا على طريق الراجل اللي راح يهربنا.. اجا عمو ابو شادي واخدنا معو وتوصى علينا بقينا عندهم لعند ما اجا موعد السفر . كنت عم شوف الفرج بعيون اخي ..بفرحتو من مسك قطعة شوكلاه من فرحتو وهو لابس جاكيت يدفيه .. وهو بيطلع فيني وكانو مافي حب الا اختو .. قربت عليه وحكيتو..

#انا :- حبيبي حمود مبسوط ياعمري انا بفديك بكل شي بحياتي حقك عليه مشان خليت هاداك الوحش يضربك هو ومرتو .. انا ياعمري بخبيك بين رموشي بكرة بنصل السعودية وبنسير ملوك وبعالجك وكل شي بتحبووو راح جبلك اياه ..وانت راح تكبر وتسير شاب يحمي اختو صح حبيبي . … اخي احمد اللي عمروا 10 سنين ومن ضعف جسمو المهلوك ووجهو التعبان تقولو بعدو 6 سنين .. غفي احمد على حضني وغفيت انا على شباك الباص ..وانا عم احلم بعيشة بدون اذية ..غفيت وانا قلبي مرتاح ماعاد في وجع وضرب والم وماكنت بعرف شو ناطرني عذاب جديد..

.

الجزء الثالث ….

.

فقت على ضرب نار وناس بتصرخ … اهربو اهربووو قطاعين طرق اهربوو .. ياربي وين اهرب وين روح اخي حمود لاتخاف لاتخاف انا معك انا معك خليك حبيبي ماسك فيني اياك تتركني الا اذا متت انا .. شديت اخي وسرت اهرب مع هالناس الصغير والكبير والنسوان والشيوخ .. وعم اهرب مع عمو ابو شادي وام شادي .. اتصاب عمو ابو شادي برصاص القطاعين براسو ووقع على الفور مقتول .. الحجه ام شادي بلشت تصرخ وانا اشدها اقلها مات مات تعي تعي ليقتلونا تعي نهرب بس ليروق الوضع بنرجع ندور عليه وبندفنو .. بكل مافيني اخدتها بعد ما انهارت خالتو ام شادي حسنت اتجمع قوتها .. وقلتها خالة انا مافي لالي غير الله وانتي واخي . خليكي معي نداري وجعنا على بعض .. ثلاث ايام ونحنا بنمشي بالصحرا بالبر بين القبور بالغابات من المشي رجلينا بتنزف دم ..

طول الطريق نواسي بعض ناكل سوا الله ماقطعنا من خيروا الحمد لله بس التعب مرافقنا للمات ووصلنا على شوارع اساسا مابنعرف نحنا وين بس من اللبس كان باين انو ننحنا وصلنا السعودية .. وقعت سجدت لربنا انو وصلت بخير ..نزلت اسال على شي غرفة نستاجرها انا واخي وام شادي ونتشارك هالعيشة .. وكان كل شي غالي .. الشقق اللبس الاكل اضعاف الاسعار ..

سرنا نسأل بالمحلات بالشوارع على مكان رخيص نستاجر غرفة وحدة بس .. كان في راجل شكلو والله ما ارتحت لالو بس الحاجة بتقتل ..قال في عندي غرفة على سطح البيت وانا موافق اجرها لالكم بنص المبلغ ..

.

.خالتي ام شادي وافقت انا وافقت بس والله حاسة انو هالرجال خبيث وخاصة من كان يسأل اسئلة عن اخي وعيونو عليه .. مابعرف سرت شك بحالي معقولة انا من خوفي على اخي ..والله هاد الرجال هيك بس انا ظني مابخيب … اخدنا الغرفة وارتحنا فيها كان الراجل يطلع على السطح ليلاعب اخي ويشتري تياب وهدايا جديدة خالتو ام شادي شكت بالاهتمام الزايد فينا وفي اخي خاصة..

.#ام شادي:- داليا هاد الرجال حاطط عيونو عليكي شكلو عم يهتم باخوكي كرمال يلفت انتباهك ..

.#انا :- خالتو هاد ماعم يلفت انتباهي هاد عم يحاول يقرب اخي لالو مو معقولة من كل بنات هالكون الا يلاقي بس انا .. طبعا انا بنت ماني جميلة مقبولة جمالي بسيط وعادي متل اي بنت عادية .. ولا شكيت للحظه انو هالرجال بيعمل هيك كرمال يرضيني .. انا بلش قلبي ينخزني حسيت في شي غلط بصير ..قربت على اخي وسرت اسالو…

.#انا:- حبيبي حمود هاد الرجال اللي بجبلك الهدايا شو بدو حبيبي شو بيسألك بيعمل شي معك قلي حبيبي ياعمري مو اختك انا .. اخي اللي كان بصعوبة يحكي بس كنت افهم عليه من يتهته ويتلعثم بالحكي اشرلي وقال.

..#احمد :- أمو بتو هاد .. اشرلي على بطنو لاخي بالبداية فكرت الراجل لوطي ..بس لاء اللي صدمني انو من اشر اخي على بطنو اشر على الكلية تبعتو وعرفت من اخي وقتها انو هاداك الرجال بضلو يضغط على بطن اخي مشان يشوفو عندو مشاكل او لاء .. انا دب الموت بقلبي كمشت اخي قلتو حبيبي لاتطلع من الغرفة وحكيت لخالتو ام شادي اياكي تنزليه من اطلع جيب شي واذا اجا هاد الراجل اطرديه ياخالتو اياكي تستقبليه .وحكتلها التفاصيل اللي سارت وقلتها هاد بدو يسرق اخي ليبيع اعضائو انتبهي .. انا اوقات اخد اخي معي واوقات يكون نايم ما احسن فيقو بس كنت مطمنه بوجودو عند خالتي ام شادي وسرت اتربص حركات الرجال ..

والخوف مالي قلبي وعقلي ..بيوم قررت قوم جيب خبز فطار ووصيت خالتو ام شادي انها تقفل الباب بعدي لانو شادي نايم ومابدي فيقو بالبرد واطلعت وانا قلبي حاسسني راح يسير شي .. استودعت الله امري وطلعت بعدني ماغبت بس حسيت وقتها انو في حركة على السطح حاولت اتاأكد كانت قطة .. ورحت قضيت مشواري ومن رجعت لقيت باب السطح مفتوح سرت اركض ع الغرفة وانا مابعرف شو قدامي لقيت خالتو ام شادي مغمى عليها وراسها بتسل دم

تركتها وسرت دور على اخي احمد .. اخي مانو موجود ماتركت شي بالسطح مالقيت شي

سرت اصرخ بأعلى صوت وقتها حسيت روحي بتطلع من مكانها سرت فتش بالشوارع متل المجنونة واصرخ اخي انسرق….

.

.

.الجزء الرابع :-

.

.

. مابعرف شو سرلي حيلي انهد ريتو كانت روحي مفارقتني ولا ضاع …احمد عندي اغلى من حالي .. مروا تلات ايام لا ليلي ليل ولا نهاري نهار انا وخالتو ام شادي اللي هي تنطر بالبيت وقلبها علي وانا اللي بدور بشوارع الله مشان اخي واسال الجيران عن شكل الراجل اللي اخد اخي .. ماحد اعطاني اي معلومة والكل يقلي مابعرف .. المصيبة الشرطة مش قادرة اوصل لالهم اذا عرفوا اني بالبلد بدون اوراق وجاي تهريب ممكن انسجن او ممكن يرحلوني وتعبي وضياع اخي يروح هيك .. بقيت لحالي انطر اخي وابقى لوجه الصبح اراقب الشوارع….

مافي اي خبر عن اخي .. سار كل تفكيري انو خلص هلاء اخي سار عند ربنا ..وانا كل يوم اعصابي عم تنهار .. يوم اجا راجل على البيت ..واسمعت من الجيران انو صاحب البيت ..انا ركض قلبي اكيد معو اخي اكيد .. من شفتو عرفت مانو هو .. سألتو انت صاحب البناية الله يسعدك سلون تغير وجهك وينو لاخي اللي اخدتو طمني انو بخير..الراجل سار يبعدني عنو ويقلي مين انتي وشو جابك لهون .. قلتو انا اللي استأجرت غرفة السطح من راجل قال لالو هاي وكانت بنص التمن ..وسرق اخي مني ..الراجل ما سدقني فكرني مجنونة وطردني من الغرفة انا وخالتي ام شادي صفينا بالشارع بحر الايام وبردها مرق على هالحال اسبوعين وانا عم شوف وجهه اخي بكل الاطفال ..خالتو ام شادي تعبت وصابتها حمى ومرضت ووقعت مني بالشارع .. وماعرفت اعملها شي .. غير انها طلبت مني اني روح لان الناس راح تطلب الاسعاف واذا شافتني الشرطة راح تعرف اني بلا اوراق .. حاولت ما اتركها وقلبي واجعني عليها بس بعدت بناء على طلب خالتو بقيت راقبها من بعيد وانا قلبي بيتقطع عليها .. لعند ما اجت الاسعاف واخدتها واجت الشرطة والناس ساروا يأشروا وكأنهم كانو يخبروا الشرطة انو في كان معها صبية بهيك حجم وبهيك شكل الشرطة ماغابت من المكان ..وانا حسيت انهم عم يبحثو عني .. بقيت يومين كاملين وانا بنفس مكاني ..مابعدت .. لان مابدي ضيع الطريق والبيت اللي اخي انسرق مني فيه .. صفيت لحالي موجوعة على اخي وخالتو .. صفيت وحيدة ببلد مو بلدي وناس مو اهلي .. بيوم كانت الساعة 3 الصبح .. قمت بدي روح على الغرفة اللي كنت مستأجرها انا وخالتو اللي مابعرف شو صار معها عايشة ميته منيحه مانها منيحه مابعرف ولا اخي يا الله عايش يارب يكون عايش مش قادرة احكي انو لو ميت طيب وين دفنوه …بقيت امشي لوصلت الشارع تبع البناية ..وحسيت في سيارة قريبة من البناية فيها حد بتحرك .. قربت لأتأكد كان فيها طفل صغير .. طار عقلي اكيد اكيد هاد احمد يارب يكون احمد يارب ..سرت اقرب لاحسن شوفو منيح ومن قربت للسيارة كان ..

.

.

.

الجزء الخامس ..

.

.

.

.

.

كان مانو اخي كان طفل تاني بس ليش بالسيارة بعدو بهيك وقت معقول اهلو تركوه كان الطفل بعمر 5 سنوات وباين عليه من لبسو ابن أوادم .. خض قلبي قربت لامسكو ..سمعت صوت وحركة جايين لعندي او لعند السيارة كان راجلين وطفل . من عتمه الليل ماحسنت شوفهم منيح اتخبيت بين السيارات كانو ماسكين طفل اكبر من يلي بالسيارة من قربو للاضاءة شوي كانو حاطيين غطا على تم الطفل مشان مايصرخ .. ودخلوه كمان السيارة ..شكيت انها هاي عصابة بتسرق الاطفال بس كنت بدي اتأكد من شكل الراجل اللي اخد احمد اللي اجرنا الغرفة.. نطرت لشعلو ضووها للسيارة وكانت الصدمة 😲 .. هاد الراجل اللي اخد اخي .. والتاني هو صاحب البيت اللي طردني .. يارب يارب الله ينتقم منهم اكيد هادول اطفال جدد اخدينهم للطريق اللي اخدو فيه احمد .. بلشت ابكي واشهق بصوت عالي واركض ورا السيارة بدي اعرف طريقهم لوين بس ماحسنت بعدو كتير ..رجليه المجرحين ماحسنو يحملوني اكتر .. فضلت ابكي لاذن الفجر ..شفت المصلين بتركض ع المسجد وانا وقفت على حيط المسجد ادعي الله يشد على قلبي ويعطيني القوة انهرت على باب المسجد ..من طولي ومن كتر مابكيت ..فقت على صوت ست عمرها ب 40 ووبيت متل القصور .. ريحه البخور والهدوء ..حسيت حالي بقصور الجنة معقول الله اخدني لعندو ..اكيد امي هلاء هون واخي كمان احمد .. فزيت من مكاني شفت هالست اللي كانت لابسه حرير ووجها نور كلو فكرتا امي ركضت عليها قلتها يا امي سامحيني انا نسيت شكلك بس والله بقلبي على طول وسامحيني لان مادرت بالي على اخي سامحيني ياغالية وينو احمد وينو اشتقتلو .. الست حضنتني وسارت اطبطب عليه .. وتقلي الله يعينك يابنتي على اللي صابك انتي محتاجة راحة .. نامي نامي يومين وانا نايمة مافقت على شي.. من طابت جروحي وفقت بخير حسيت وقتها اني اني عند عالم مابعرفهت وست حنونه وطيبة الست ام نواف .. الله خلق الطيب والنور والكرم والحنان بقلبها ..

#ام نواف :- قومي يابنتي سولفيلي عنك شنو صار معك منو انتي ومنو اهلك .. وينو احمد اخوك… #انا :- انا ياخالتو وين وشلون جيت هون …

#ام نواف :- انتي هناي بأمان لاتخافي حنا اهلك واني متل امك ..

#انا :- مين جابني لهون قليلي ياخالتو وين لقيتوني وكم سرلي هون .. بلشت خالتو تقلي شلون وصلت لعندها من كان ابنها رايح لصلاة الصبح .. ابنها نواف الوحيد لقاني بالشارع مغمى عليه وجابني لعند امو تهتم فيني ..ومن سرت منيحه قلت لخالتو كل مشكلتي وكل قصتي .. شفت دمعتها ما وقفت وهي تحضن فيني وتركتني لارتاح عندها .. حسيت تقلت عليها قلت استاذنها وامشي واتشكرها على معروفها معي ..نزلت لعندها بوست راسها واتشكرتها وقلتها خالتو انا ماشية .. بس خالتو ام نواف رفضت تطلعني من عندها واصرت ما اروح لان ابنها نواف طلب انو يقعد معي ويسمع مني وقالتي انو راح يساعدني لابحث عن اخي .. والصدمة من قالتي لاتخافي ابني ظابط كبير بالدولة وراح يساعدك انا من سمعت هيك اصريت اني اهرب واترجيتها انها تطلعني من البيت وانا ببكي الله يخليكي خالتو ام نواف هلاء بسجني مابدي انسجن هلاء.. انا بس لاقي اخي راح اجي سلم حالي ..

رفضت خالتو وطمنتني وقالتلي انها خبرت نواف واني ما اخاف لانو هو راح يساعدني ومارح يسجني ووعدتني بهالشي .. بقيت عندها مشان اقابل نواف واخبروا عن قصتي نطرت نواف هاداك اليوم …

نواف شاب بعمر 25 ظابط بالشرطة من عيلة غنية وابن خير وسيم جدا ومذوق وجدي ورجولي اكتر ومحبوب ..مارح اوصف كتير عن اخلاقو لان وقفتو معي لاخر المطاف هي اللي راح خبركن عنها .

..

.

.

الجزء السادس .

.

.

. .جلست انا ونواف نحكي ..وقبل لبلش كان ردو هيك #نواف :- مدري احجيك خليجي ولا شامي متل بس ترا انا احجي شامي زين …

.#انا :- متل مابدك اخ نواف اللي بريحك ..

.#نواف :- اخ حلوة منك يا داليا وحلو اسمك كمان .. الوجهه المتفائل المبتسم هو وجهه نواف اللي من اول الجلسة كان كلامو سلس وطمئنينه وخبرتو عن اخي احمد اللي من شدة حبي لاحمد قرر نواف يساعدني لاقدر اعثر عليه واعرف شو مصيروا .. وطلب مني نواف احكي كل تفاصيل قصتي من اول ما اوصلت وطلب مني اقول شكل الشخص اللي أجرني الغرفة .. وبعد ماخلصت طلب مني نواف اطلع غرفتي وارتاح .. اطلعت على غرفتي وانا بالي مانو مطمن بس اتفائلت بربنا خير.. وتوضيت وصليت لادعي الله يرجعلي احمد تركت صورة اخي احمد الوحيدة تحت المصحف وغفيت … بعد ثلاث ساعات … دق على باب غرفتي قمت من النوم مفزوعة وبصوت خافت داليا انا نواف البسي ودفي حالك وتعالي انا بالسيارة .

بسراحة من كتر ماشفت من البشر ما طمئنت لنواف وماقبلت انزل بقيت بغرفتي بعد شوي دق باب غرفتي كمان مرة ..واسمعت صوت خالتي ام نواف ..حبيبتي افتحي . فتحت الباب لخالتو قالتي بعدك مالبستي لاتخافي روحي مع نواف راح ياخدك لمكان مهم مشان احمد .. انا من سمعت اسم احمد نزلت وما دريت من السرعة وين انا وطلعت بسيارة نواف

. #انا :- انت لقيت اخي جد نواف طمني الله يخليك… #نواف :- لاتستعجلي راح تلاقيه اليوم كمشنا عصابة بتهرب مخدرات وبشر وراح اخدك لتشوفيهم وتتعرفي على الرجال اللي اخدو احمد …. ((

انا وقتها حمدت الله وسرت ادعي يارب يكون منهم يارب واعرف مكانو لاخي ..من وصلت المخفر وجاب نواف الرجال ..ماكان بينهم اللي اخد اخي . ملامح اليأس بانت على وجهي بس نواف شجعني قلي ماتخافي راح اوصل لالهم وراح نلاقي احمد ونمسك العصابة . .. رجعت على البيت وقتها وقلي نواف نامي منيح لان راح نطلع قبل اذان الصبح بكرة .. انا كنت صافنة وطلعت على غرفتي ومافقت الا وقت العصر.. كان نواف ناطرني ..

#نواف :- صحة النومه كانت طويلة اتمنى تكوني نمتي براحة.. اليوم بالليل راح نطلع على شوارع اللي كنتي مستأجرة فيها غرفة…ومرق الوقت واجا موعد المشوار الثاني … اطلعت انا ونواف بعد الساعة 1 بعد ما كل الناس نامت وصف سيارتو على مفرق نحسن نراقب فيه المكان …مرت الساعات ماكان في نتيجة يوم ورا يوم على هالحال ..نواف تعب معي كتير وصار ماينام الا قليل كرمالي .. نقضي وقت الليل بالسيارة يحاول ينسيني اللي انا فيه وكان يشجعني لاكون المحقق كونان .. وكل شوي يذكرني بموقفي مع مرت ابي وشلون ضربتها وسرقتها كان على طول يضحك على هالموقف ..انا وقتها حسيت زودها وقلتو حاج خلص نواف موقف وسار .. رد وقتها نواف ..سدقي شجاعتك عجبتني وقوتك وجبروتك وتحملك عجبني ويوم عن يوم حلو الليل سار بوجودك ..وقبل ليكمل نواف كلامو كنت مع الملايكة باكل رز .. فقت وكان النهار بدو يطلع ولقيتو صافن فيني وبتأمل وجهي .. فزيت قلتو نواف في شي .. خجل من حالو وقلي لاء بس نومتك متل نوم الملايكة الله يحميكي … انا حسيت بقرب نواف لالي كل يوم واهتمامو الزايد ..واعجبابو بشخصيتي وبكلامي وعقلي .. مر الاسبوع الثالث ونحنا يوميا كرمالي نواف مداوم مراقبة بالشارع ومن التعب غفى نواف .. وانا بقيت سهرانه متل شي من الله خلاني فايقة ..

.

.

الجزء الاخير .

.

.

وقتها وقفت سيارة بالشارع اللي قريب من البيت بس بعيدة شوي ..انا حاولت قد مافيني ركز .. بلشت فيق ب نواف بهدووء ..

#انا :- نواف فيق فيق شوف هناك وقفت سيارة هناك .. .

#نواف :- هش لا اطلعي صوت نزلي راسك لتحت … قلي بدي تنزلي تمشي لتوصلي للبيت وانا وراكي روحي اتاكدي انهن هني الاشخاص نفسهن ولاتخافي .. انا نزلت وماني خايفة من شي وقلبي قوي بلشت اتحرك بهدوء من بيت لبيت .. كانت نفس السيارة وكانت فيها بنت صغيرة ..ونفس الراجلين …حاولت اعطي اشارة لنواف انو هني هني .. فهمني نواف بلشت ادعي انو الله يساعدني لاعرف مصير اخي وهالاطفال اشرلي نواف قلي ارجعي للسيارة ارجعت للسيارة وطلعت انا ونواف ونطرنا لمشيت سيارتهم ..وبقي نواف وراهن بدون مايشعروا .. ووصلنا لمنطقة كلها نخيل وشجر .. نزلنا انا نواف نتابعهن مشي .. كان في اخر المطاف بيت .. او يمكن قصر .. سرحت بالمكان اللي فيه اخي وبدي امشي اركض عليه ..لوقت ما كمشني حد من وراي ..وسكرلي عيوني وتمي ..وما خلاني احكي او اتكلم ..ودفشني بسيارة .. سرت احاول نادي نواف ماحسنت ..كل يلي كنت اسمعو في حركة سيارات وصوت سيارة اسعاف وشرطة ..بعدها بشوي انفك عني الرباط كان نواف كامشني ..قلي لاتزعلي عملت هيك لانك كنتي راح كل الاطفال اللي جوا يروحو فيها ونخسر حياتهن لهيك كمشتك .. تعي العصابة انكمشت ولقينا اطفال كتير ووللاسف لقينا جثث اطفال كمان واعضاء بالثلاجات .. انا مارح ورجيكي شي غير الاطفال اللي عايشين اذا مالقيتي احمد ..راح نرجع ع البيت اتفقنا .. انا من خوفي حسيت اخي مانو موجود .. ركضت على البيت اللي ريحة الدم مغرقتو بلشت فتش بالغرف على اخي ونادي حمود حبيبي اجيت وينك وينك …انا اختك داليا هيني هون حبيبي حمووود .. ومن قربت على صوت فيه اطفال فتحت الباب كانت اطفال محبوسة اكبر طفل كان عمرو 13 سنة… ووجهم شاحب من الضعف والالم في اطفال مسروق منهم اعضاء وعم ينزفوا ..وقعت من طولي على الارض .. وسرت ابكي حمود وينك .. وقفني نواف وقلي في طفل هونيك شوفيه .. كان في طفل رغم الضجة بيرسم على الحيط .صور شخصين بس … حسيتو احمد بلشت اقرب عليه وحضنتو ومن دار وجهو لعندي .. كان بطنو مقطب .. وجرحو بعدو جديد .. مارح اوصفلكم هالشعور المؤلم هالمنظر المخيف .. طيب احكي حبيبي انت متذكر اختك صح داليا حبيبتك … حضنت اخي بقوة لعندي وحملتو وانا دموعي متل صب المطر ..واخي صافن بوجهي .. رفع ايدو لوجههي ومسح دمعتي ..وقال .. دودو انا خايف ..

#انا :- خلص حبيبي مافي خوف سدقني مافي خوف انا مارح اتركك متل هاديك المرة سامحني يا قلبي سامحني حمود .. وصلت المشفى

وبلش الدكتور يفحص بأخي ويشوف جرحو .. قالولي راح نوفتو العمليات جرحو ملتهب سألتو للدكتور الله يخليك طمني عليه .. قلي سارقين كلية من كلياتو ..وبنحمد الله انو الكلية التاتية قوية راح نوفتو شوية تطهير وتقطيب منيح وعن اذنك هلاء لان كمان في اطفال كتير نفس حالتو .. انا بقيت نص ساعة وانا انطر ..طلع اخي من العمليات وانا قلبي بدو ينطف عليه ونسيت نواف اللي كان مرافقني وانا ماحسيت عليه .. بعد نص ساعة طمني الدكتور وقلي هو بخير الحمد لله .. راح نتركو ليفيق من التخدير ويرتاح يومين عنا .. يومين كاملين مرقوا متل سنتين .. وانا غافيه جنب اخي وحاضنتو .. ومن فاق اخي متل روح كانت طالعة وربنا ردها لجسمي .. فرحتي مابتنوصف .. واخي اللي طول الوقت يقلي دودو ..ياحبيبها لدودو ..خلص ياعمري انا هون معك راح اربطك بقلبي مشان ما تروح مني .. بعد دقايق دق باب غرفة المشفى وانا فتحت الباب كانت خالتو ام نواف ..بوست على راسها لولا فضل الله ومن ثم فضلها ما لاقيت اخي بالمرة الحمد لله ..

.#ام نواف :- انا مجهزتلك مفاجئة راح تحبيها .

..#انا :- بكفي ياخالتو هاللي اتعبتيه معي انتي ونواف والله طول عمري افديه لالك وما اقدر اوفي هالشي . .. #ام نواف :- طبعا راح تفديني وترضيني هالتعب مو هيك راح اقبلو بس اول شي شوفي مين جبت .. # #انا :- مين خالتو قليلي ..

.#ام نواف :- اتفضلي ام شادي .

.. #انا :- خالتو ام شادي واسرعت لعندها وحضنتها وانا ابكي واسالها خالة شو سار معك طمنيني حقك عليه نسيتك .

.. #ام شادي :- اشتقتلك يابنتي كنت بدار العجزة حاولت اسأل عنك ماحسنت اولاد الحلال ودوني هناك ومن فترة اجاني اتصال على دار العجزة كان من ام نواف وأجت قابلتني وجابتني لعندك هون .. ..انا حضنتها لخالتو ام نواف وجيت بوس ايديها على فضلها معي ست متل البلسم .. .

.#نواف :- شو شايف ماحد لالو فضل الا ام نواف وام شادي طيب وانا ست داليا وتعبي معك ……..قربت لعند نواف ووقفت قدام عنيه

. #انا :- سدق كل ليلة مرقت علي معك كنت افكر شلون ردلك هالمعروف معي ..

. #نواف :- اي طبعا راح ترديه واللي راح اطلبو راح تنفذية .

.#انا :- من غير ماتطلب امرك مجاب اخ نواف .. #نواف :- اول شي اخ مابدي اسمعها تاني شي طلبي اني راح اطلبك من خالتو ام شادي وامي ام نواف الكرام وبدون اخد رأيك على سنة الله ورسوله ..شو رايك ابو الشباب حمود اكيد موافق ..يالا نقرا الفاتحة.. انا من هول الصدمة وهني بيقروا الفاتحة اغمى علي وسطحوني جنب اخي .. ومن فقت لقيت خاتم بإصبعي .

.#نواف :- شو ياحلوة مابدك تفيقي الماذون بينطر بالبيت …انا بقيت ماحكيت شي لعند مامضيت على ورق الزواج ..وهالتهاليل وهالزغاريد ..وانا بعدني ماحكيت شي استقبلت كل شي من تم ساكت وقلب متفاجئ ….

..#نواف :- مادام سرتي هلاء مرتي طبعا هالبيت سار بيتك وخالتو ام شادي راح تعيش معنا وحمود الشاب الحلو غرفتك جاهزة طبعا بعد معاناه طويلة وانا اتذكر اختك وهي بتقلي عنك زمان شو بتحب ..طلعنا لفوق لنشوف غرفة اخي وكانت متل غرف اللي مستحيل حتى تشوفها بالاحلام ..

#نواف :- شو دودو بتحبي تشوفي غرفتك ولا تنامي بالصالة ..

#انا :- نواف شلون بتعمل كل هالشي بدون موافقتي انا ماني قبلانه هيك ..

#نواف :- شو يعني ..

#انا :- يعني مارح اقبل فيك تنام معي بنفس الغرفة رح تسير تنام عند اخي يا زوجي الحبيب ….. نواف وقتها حملني وسار يطير فيني من مكان لمكان وهو فرحان اكتر من فرحتي .. يمكن اللي شفتو بحياتي ماخلاني اظهر هالفرح اتعودت على الحزن .. بس فرحتي بقلبي كانت مارح تنوصف ..تعبي هاد كلو ماكنت اتوقع راح وصل لنتيجة ومن بعد ماكنت مقطوعة من شجرة .. سار كل الشجر والورد والنجوم مقطوفين ومقطوعين مشاني .عملي نواف عرس كل المملكة تحكي فيه .. عم عيش احلي ايام بحياتي وماكان بعد الضيق الا الفرج ..سدقو ليش قلتكن كل هالقصة بسراحة.. لان هلاء انا حامل بتوأم بنات .. ومحتارة بالاسماء وجيتكم لتختارو لالي اسمين على ذوقكم …

.#انتهت

.مرحبا صبايا القصة من خيالي.. يعني مانو لشخصية محددة استخدمت فيها احداث واقعية .. شغلة تانية سبب تأخيري بتنزيل الاجزاء هو انو في بنات لا لايك ولا تعليق وبينطروا حط كل القصة ليسرقوها بدون توقيعي وتحصل عندهن اكبر اعجاب والفضل يسير لالهن .. لهيك القصة اللي بنزلها وبلاقي لايكات عليها كتير هي يلي راح استعجل بأجزائها ..بحبكم رأيكم بهمني ..والاخطاء النحوية على قيد التعديل

28 تعليقات
  1. ولاء :

    قصة رائعة

  2. وردة البنفسج :

    كثر خيرك ياقلبي والله بتستاهلي ١٠٠٠لايك مشان عيونك الحلوه تسلمي على هيك قصص احترافيه

  3. سويبه الحافي :

    كتير حلوه ومن الواقع لللي نخن فيه

  4. بتول :

    رائعة وحزيييينة😢

  5. ام عبودي :

    رائعه واحلى لايك لعيونك الحلوه

  6. ام عبودي :

    احلى لايك لعيونك الحلوه

  7. ايات :

    رائعه وقف قلبي هههههههههههههه

  8. تهاني :

    انتي رائعه وقصصك حلوة

  9. ياسمين الشام :

    حلوة كتيرر قصصك من المفضلة عندي استمري

  10. فرح🥰 :

    لايك ولايك ولايك ولايك لاحلى جمايكا 🥰انتي رائعه

  11. ام همام :

    رووووعه القصة
    وبتحزن 💔
    بس النهايه حلوة 👏👏👏👏
    😘😘😘😘😘😘😘10000000لايك

  12. أموونة :

    جد كثييييير حلو برافو 😘😘😘😘🥰🥰🥰🥰

  13. 🌹 ايمان 🌹 :

    احلى لايك 👍👍

  14. حنين الوطن :

    حلوه

  15. سماح :

    👍👍👍👍

  16. ام يامن زيود :

    كثير روعه في تألق مستمر

  17. ميس الريم :

    👍👍👍👍👍👍كثير حلوه والحلو احداثها سريعه

  18. ام :

    رائعه تخببببل والله كولش انقهرت عليه خطيه هواي شافت مصاعب حبابه كملي قصة جعفر الطيار لتتعطلين علينه فدوه😘

  19. ام محمد :

    كتيبيير حلوة

  20. زهوووور :

    كثير حلوة 👍👍👍

  21. ام ليث :

    رائعه جدا يسلم اديكي

  22. omali2 :

    رررررررررررررررر روووووووعه

  23. منال :

    بتجنننن

  24. ام ساره :

    عنجد حلوه قصه محزنه ومؤثره بعد ذالك ابسطت

  25. نسرين بارافي :

    رووووعة كتير حلوة الله ينور طريقك

  26. .... :

    👍

  27. أم الليث :

    رواية حزينة وجميلة في نفس الوقت احسنتي النشر جمايكا 👍🏼👍🏼👍🏼👍🏼

  28. سماسم :

    روعه

اترك رد

لن يتم نشر عنوان بريدك الإلكتروني.