تشيز كيك التوفي

17 1٬220
 

تشيز كيك التوفي

تشيز كيك التوفي

تشيز كيك التوفي

تشيز كيك التوفي , معكم صديقة زاكي الشيف الموهوبة ,

المقادير

  • ٢٥٠ غم بسكوت قمح ١٠٠ غم زبدة
  • للحشوة جميع المكونات بحرارة الغرفة:
  • ٦٠٠ غم جبنة كريمية غير مملحة
  • تلاتة بيض
  • رشة ملح
  • ملعقة ونص صغيرة فانيلا سائلة
  • تلات ملاعق كبيرة غير ممتلئة نشا منخل
  • نص كاسة سكر ابيض
  • نص كاسة كريمة
  • نص كاسة توفي
  • لتحضير التوفي:
  • كاسة سكر بني
  • ١٠٠ غم زبدة
  • نص كاسة كريمة

الخطوات

بتطحني البسكوت و بتضيفي الزبدة بالتدريج ليتماسك معك

وبترصيهم بقالب التشيز كيك وبتدخليها التلاجة لنص ساعة او الفرن لمدة عشر دقائق ليتماسك وبتتركيه يبرد

بتخفقي الجبنة مع السكر

بتضيفي البيض عليه الفانيلا ورشة ملح بالتدريج مع التقليب بعدها الكراميل و الكريمة واخر شي النشا بتصبيه على البسكوت وبتغلفيه من القاعدة بطبقتين قصدير كتير منيح حتى لاتدخله المية بتحطيه بصينية نصها مية وكل ماتقصت بتضيفي وبتدخليها

فرن حامي من قبل ربع ساعة درجة 180 من الوسط لمدة 40 دقيقة تقريباً بتكون الأطراف متماسكة و الوسط متماسك بس شوي رخو وبس ينطفى بتتركيها فيه وبعدها بينشق الباب عليها

بالتلاجة لمدة ليلة كاملة

بتذوبي الزبدة على نار هادية بتضيفي السكر و بتحركيهم سوا بتنضاف الكريمة بالتدريج و بتحركيهم سوا وبتتركيه دقيقتين يغلي على نار هادية وبس يبرد بينضاف مع الطبقة التانية

بتتزين بالشوكولاتة المبشورة و التوفي

بالهنا والشفا يارب

17 تعليقات
  1. ماما عايدة المغربية :

    😍😍😍 تبارك الله عليك منظره رائع

  2. 🌷 أم نبيل 🌷 :

    ما شاء الله عنك وصفة بتجنننننن يعطيكي ألف عافية

  3. مايا حسين :

    يسلم دياتك

  4. um saleem :

    تبارك الله الف صحه وعافيه يارب ❤️ ❤️ ❤️

  5. 🍒أم محمّد🍒 :

    ما شاء الله يسلم دياااتك يا رب

  6. ام همام :

    يسلم ايديكي حبيبتي

  7. زهوووور :

    يسلمو ايديك يا رب

  8. ام حمزه :

    يسلمو ايديكي صحتين وعافيه

  9. 🌹 ايمان 🌹 :

    صحتين وهنا

  10. um ameer :

    تسلم اديكي شكلو بشهي 😋

    ممكن حدا يفيدني بالسؤال… حابة اعمل تشيز كيك بس ما بدي حط جيلاتين بشو بقدر استبدلو لتكون طبقة الكريمة متماسكة

    1. إم مصطفي 😉 :

      بدوبي باكيت جلى بأي نكهه بتحبيها بكاسه صغيره ميه سخنه وبتركيه ليبرد وبتحطيه ع الخليط 👍

    2. um ameer :

      شكرآ لردك… لكن اكيد مضمونة؟

    3. إم مصطفي 😉 :

      اه يا قلبي بس ازا القالب كبير حطي باكتين جلى ودوبيه برضو بكاسه صغيره ميه

    4. um ameer :

      تمام يعطيكي العافيه حبيبتي ما قصرتي 😘

    5. إم مصطفي 😉 :

      ولو عيووني😍

  11. إم مصطفي 😉 :

    يسلمووو ديادك يا عسسسل 😍

  12. بلبله :

    يسلم دياتك

اترك رد

لن يتم نشر عنوان بريدك الإلكتروني.