طريقة السبانخ مع الدجاج والأرز بتشهي

28 1٬625
 

طريقة السبانخ مع الدجاج والأرز بتشهي

طريقة السبانخ مع الدجاج والأرز بتشههههي

طريقة السبانخ مع الدجاج والأرز بتشهي

طريقة السبانخ مع الدجاج والأرز بتشهي , معكم صديقة زاكي الشيف الموهوبة ,

المقادير

  • دجاج حسب الحاجه استخدمت دجاجتين
  • سبانخ طازجه خضرا او مفرزه
  • راس بصل
  • راس ونص ثوم مهروس
  • زيت ذره
  • كيلو ونص أرز قصير الحبه
  • لتتبيلة الدجاج :
  • م.ك.ثوم مهروس
  • م.ك.ملح
  • م.ك.فلفل أسود
  • ربع كوب خل ،،ما يعادل تقريبا اربع ملاعق كبار
  • ربع كوب دبس رمان تقريبا اربع ملاعق كبار
  • 2 م.ك.زيت زيتون

الخطوات

السلام عليكم ويسعد مسااكم بكل خير

اليوم بقدملكم أكله شتويه ولذيذه ومفيده سبانخ مع الارز والدجاج وهادا موسمها زااكيه كثير بالجو البارد ومغذيه لانها غنيه بالحديد وما في غنى عنها بالشتا اما اذا كانت فطاير سبانخ او سبانخ مع الارز ..ان شاء الله بتعجبكم طريقتي

يلاااا نشووف الطريقه …..

& اول شي بسلق الدجاج بغمره بماء وبتركه لحتى يغلي بشيل الزفره يلي عالوجه بضيف راس بصل بفتحه بالسكين من فوق عالشكل زائد بدون ما افرمه عشان اشيله بسهوله من بعد ما يستوي الدجاج …من بعد غليان الدجاج بعشر دقائق بضيف ملعقة ثوم مهروس لسلق الدجاج وملعقة ملح وبتركه لحتى يستوي

الثوم المهروس تقريبا راس ونص اخذت منه لسلق الدجاج ولتتبيلة الدجاج وللسبانخ اخر شي ،،كمية الثوم حسب ما بتحبو نكهته فيكم تزيدو او تنقصو

& من بعد ما يستوي بنشل الدجاج وبضعه عالجنب وبجهزله التتبيله وبدهنه فيها وبتركه لحين وقت القلي أو التحمير حسب ما بتفضلو بس بالقلي طعمه جدا زااكي مقرمش من برا وطري من جواا

وممكن نخليه مع السبانخ وما نقليه ولا نضعله التتبيله الخيار الكم ….

& عالمرقة الدجاج بنضع السبانخ ( السبانخ يلي متوفره عندي المفرزه من بعد ما ذوبتها بالمرقه طحنتها عالخلاط لانها كانت خشنه كثير ومن بعد الطحن برجعها تكمل سواها وبزيدها ماء اذا كانت ثقيله او حسب ما بتحبو ثقلها …

( استخدمت 2 باكيت سبانخ )

بعد ما تغلي كم غلوه بضيفلها الثوم المهروس المقلي بزيت ذره ..لحتى يصير لونه اشقر بضيفه للسبانخ وما بكثر عليه زيت وبزبط الملح للسبانخ وبعد ما يغلي مع الثوم غلوتين ثلاث بطفي تحته وبكون جاهز معنا

& اذا كان السبانخ طازج أخضر بنفرم اوراق السبانخ فرم خشن وبنغسله اكثر من مره لحتى ينضف من الاتربه والاوساخ وبنصفيه وبنعصره بأيدينا من المي وبنضيفه لمرقة الدجاج

& بنقلي الدجاج بزيت ذره عالنار وسط وما بنطول عليه بالقلي لانه بتحمر بسرعه لانه مستوي وبطبخ الارز الابيض وبقدمه مع السبانخ

& ممكن طبخ السبانخ مع اللحمه حسب ما بتفضلو

دجاج او لحمه

وهيك صارت جاهزه معنا للتقديم وااكيد يقدم مع الليمون وصحه وعافيه

دمتم بكل خير

28 تعليقات
  1. ماما عايدة المغربية :

    تبارك الله عليك وصفة سبانخ جديدة عليا و كتشهي ماشاء الله وشكرا لكي على شرح الوصفة بالتفاصيل ❤

    1. 🍒أم محمّد🍒 :

      الله يبارك بعمرك ويسعدك يا رب
      العفو ولو ماما عايده احب اقدم وصفاتي بكامل التفاصيل لتسهيلها على اي اخت بتحب تجربها

    2. ماما عايدة المغربية :

      الله يجعلها في ميزان حسناتك ❤❤

    3. 🍒أم محمّد🍒 :

      مشكووره يا رب ربنا يسعدك وييسر امرك

  2. ايمان :

    يسلمو ايديكي صحتين وعافيه يارب بشهي

    1. 🍒أم محمّد🍒 :

      الله يعافي قلبك ويسعدك يا رب

  3. ام حمزه :

    يسلمو ايديكي صحتين وعافيه عليكم

    1. 🍒أم محمّد🍒 :

      الله يسلمك ويسعدك يا رب

  4. إم مصطفي 😉 :

    😍😍😍😍

    1. 🍒أم محمّد🍒 :

      هلا ام مصطفى

  5. إم مصطفي 😉 :

    وعليكم السلام ورحمة الله وبركاته 🌷

    يمي يمي لذيذ يسلمووو ديادك يا عسسسل 😍😘

    1. 🍒أم محمّد🍒 :

      الله يسلمك ويسعدك بكل خير يا رب

  6. زهوووور :

    منظرها بشهي
    ألف صحة وهنا يا رب ويسلمهن ايديك يا قلبي 🥰

    1. 🍒أم محمّد🍒 :

      الله يسلمك ويسعدك يا رب

    2. om faisal :

      ❤️❤️❤️❤️

  7. 🌷 أم نبيل 🌷 :

    يعطيكي ألف عافية ويعيشوا هالايدين يا رب

    1. 🍒أم محمّد🍒 :

      الله يعافي قلبك ويسلمك يا رب

  8. إم غيث :

    ماشاء الله عليكي أم محمد مبدعه دائمآ 😋😋😋

    1. 🍒أم محمّد🍒 :

      الابداع كله عندك ام غيث ربنا يبارك بعمرك ويسعدك يا رب

  9. بلبله :

    صحه والف عافيه بتشهي

    1. 🍒أم محمّد🍒 :

      الله يعافي قلبك ويسعدك يا رب

  10. ام عبد الرحمن :

    ماشاء الله طالع معك متل الملوخية الخضرا ..بس ماذكرتي كيف نباتي الجاج بالتتبيلة .. قبل القلي

    1. 🍒أم محمّد🍒 :

      هلا ام عبد الرحمن ربنا يسعدك بالخير يا رب

    2. 🍒أم محمّد🍒 :

      بالنسبه لتتبيل الدجاج ذكرت بالوصفه انه بنتبله وبتركه عالجنب بالتتبيله لوقت القلي

  11. um saleem :

    صحتين وعافية يارب
    يسلمو ايديكي يا عسل

    1. 🍒أم محمّد🍒 :

      الله يسلمك ويسعدك يا رب

  12. أم جود :

    يا سلام عليكي ابدعتي…فعلا ولا اطيب من هيك…تسلم ايدكيا قلبي💕

    1. 🍒أم محمّد🍒 :

      اهلا ام جود .. الله يسعدك ويعافيكي يا رب

اترك رد

لن يتم نشر عنوان بريدك الإلكتروني.