امرأة من ورد للكاتبة جمايكا احمد

9 2٬197
 

امرأة من ورد للكاتبة جمايكا احمد

امرأة من ورد للكاتبة جمايكا احمد

امرأة من ورد للكاتبة جمايكا احمد

امرأة من ورد للكاتبة جمايكا احمد, معكم صديقة زاكي الشيف الموهوبة ,

الجزء الاول والثاني والثالث والرابع والخامس والاخير …انتهت
الجزءالاول

قد أنسى ماقالوه لي يوماً

لكني لا أنسى أبداً ما جعلوني أشعر به … …

.

. هيك كانت حياتي من ألم لألم ومن اهانة لإهانة ومن حرمان لحرمان.. بس بإيدي قلعت الشوك وزرعت ورد … انا جوليا عمري 30 سنة تزوجت رجل اكبر مني ب 20 سنة ..وكنت بحبو كتير واتحديت كل اهلي عليه مابعرف شو اللي خلاني حب شخص خمسيني …الكل لامني ونصحني بس ماسمعت النصيحة بالمرة .. اعتبروني بنت عنيدة ومغرورة ومابتنحاكى وأصعب من عقلها مافي … انا بعرف اني غلطانة بس مابدي عيش بين هيك عيلة مفرقة امي اللي اتزوجت شخص تاني بعد طلاقها من ابي .. وابي اللي ملتهي بحياتوو.. واختي المتزوجة اللي ماعادت تتحملني من اجي لعندها ..وانا وصلت لعمر 30، سنة وما اتزوجت ..كانت حياتي بالبداية مع جوزي حلوة وطبيعية كان مانو منقص عليه شي حبيتو لاهتمامو وحنانو لالي … مرت سنة ونحنا سوا والله اعطاني بنت سميتها روجينا … ماكنت اعرف شو مخبى لالي الزمن …

..

بحملي ببنتي ..صار غياب زوجي عني كتير ومتكرر.. ينام ليالي برا البيت بحجة العمل .. ومكان العمل بعيد والتعب اللي بصير من يتنقل من البيت للعمل …وبيوم دق على تلفون البيت رفيقو .. وقلي انو لقا شغل لزوجي ولازم خبروا .. قلتو بس زوجي بيشتغل ..قلي لاء من شوي كان معي ورجع على بيتو وعيالو.. انا صرت كتومة نوعا ما لافهم ليش جوزي بكدب عليه ..وبيت وعيال ..بس انا بعدني ماصار عندي عيال

: انا ماني متهورة بس مشكلتي فضولية ..ولازم اعرف اي شي بتفاصيلو واذا حبيت اعرف شي بصبر عليه .. رجع زوجي لعندي وقال انو فايت ياخد حمام …وانا استغليت وقتو باخد الحمام كنت طبيعية وتعابير وجهي عادية ومافيها اي توتر او قلق … بحياتي ماكمشت بموبايل جوزي لأفتش فيه ..بس هو كان عارف اني بوثق انا فيه ومابهتم لهيك شي وخاصة انو بهيك عمر ما بعتقد اني اغار عليه … بلشت فتش بموبايل زوجي … كانت صور كتير لعيلة واولاد كبار وست بعمر 40 .. غير المسجات اللي مافهمتها تعال اتغدى .. ابنك عدي عذبني .. فاتورة الكهربا 160 .. بصراحة ماشفت مسجات غرام او ياعمري .. كان الرقم مكتوب عليه سناء ماعرفت شو في ومين سناء .. بعتت رسالة من موبايل جوزي للرقم ..سناء شو مالك … ..وكان الرد ..مابدك تجي اليوم ابنك جنني ولا ضرتي لحست لالك عقلك … هيك كان الرد اللي وقتها وقعت بأرضي .. مجوز عليه طيب انا شو الاولى ولا الثانية ..طيب شلون ماعرفت انو مجوز ..واذا عندو اولاد كبار لكان انا الثانية .. من طلع من الحمام ماعرفت شو اعمل غير اني اصرخ واقلو ياكداب ليش ماقلتلي انو لالي ضرة …جوزي عمار بالبداية مارد وحاول يهديني وقلي انا مابدي اوصلك لالها لان راح تنزعي حياتنا …

#انا :- شلون ما انزع حياتي لك اتحديت الكل مشانك وانت طلع عندك مرة غيري واولاد مو انت قلتلي انو سبب انك مانك مجوز قبل انو وضعك النفسي ماكان يسمحلك ..

#عمار :- حياتي اسمعيني انا بعرف اني غلطان بس هي ام اولادي وهي قبلك هي الاساس وانا كنت مطلقها فترة طويلة ..واولادي اغصبو علي رجعها مشان بلشو يكبروا ……انا بصراحة ماسكتت وضبيت تيابي ورحت عند اختي رولا…اختي رولا اللي بتكبرني ب 10سنوات وعندها بنات بعمر العشرين صح من اكون عندهن مابرتاح واختي مابترتاح بس ما إلي مكان تاني روح لعندو خاصة بعد ما اخواتي طردوني لان اجوزت من عمار …

.

.الجزء الثاني …

.

.فتت لعند اختي رولا وقلتها اللي صار معي ..هي بالبداية عيونها كلهن لوووم وعتاب لالي وانو انا حفرت قبري بإيدي ..ولازم اتحمل يلي صار ..ردت فعلها كانت باردة جدا وردها كان أبرد…

#رولا:- الله يعينك يا اختي على ما اصابك مقدر ومكتوب وهاي حياتك وانتي اخترتيها ولازم تتحمليها وصرتي هلاء حامل وحرام تطلبي طلاق وانتي اللي ببطنك ما شاف ابووه فكري منيح نامي الليلة وارتاحي وبكرة بحلها الكريم من عندو …

صح كلماتها لإختي كانت عم تجاملني فيها بس تقبلتها .. مرقت الليلة على خير ..اتوقعت انو جوزي يتصل عليه ويقلي جاي اخدك وراح ألاقي حل ويعتذر ..مرق اسبوع كامل وهو ما اتصل فيني ولا دق …

بلشت اختي وبناتها يدايقو من وجودي وصار من نحط الاكل على السفرة يرفعوه قبل لأخلص اكل ..ويحرموني من ابسط الاشياء غير معاملة بنت اختي لالي اللي كلها استفزاز ونترنه … كنت اعرف انو هالشي مجرد ضغط لالي لأترك البيت لان بلشت تقل عليهن … زادت المشاكل لعند ما بنت اختي مدت اديها عليه … ضربتني بقوة واتهمتني اني سرقت خاتمها الذهب … اختي وعيلتها وقفو ضددي وهددوني يا برجع الخاتم يا اما بطردوني بالشارع كانت اخر ايام لالي بالحمل حاولت قد مافيني اتحمل كل شي مشان لاقي مكان اولد فيه … بس يومها طردتني اختي بإيدها للشارع وطلبت مني ما ارجع وانها مانها اختي ولا بتعرفني..

بقيت امشي بالشوارع لساعات وانا مابعرف وين اروح… بلش اوجاع الطلق من تعب المشي تظهر وتزيد ..وكل وجع طلقة الزق بشي حيط وشد على حالي لتروح … صرت دق على جوزي كان الرقم المطلوب لايعمل حاليا .. صرت اصرخ بالشارع لحد يساعدني .. مية الرحم نزلت وحسيت انو الولد راح ينزل بالشارع ..اتجمعو علي نسوان ..وستروا لعند ما اجت سيارة الاسعاف .. اولدت بنتي الحمد لله ..وبقيت بالمشفى ايام .. ماحد اجا زارني حتى اختي بعتلها رسالة بعد عشرات الاتصالات ما كانت ترد … اعطيت عنوان بيتي لإدارة المشفى .. بس كان الرد انو مافي حد بالبيت .. وانو البيت اتفضى من يومين وماحد ساكن فيه … اعطيت اسم جوزي للشرطة ..اللي بعد اسبوع وانا بالمشفى ..اجا مع الشرطة ..وسلم عليه .

#عمار:- حمد لله على السلامة والف مبروك بنتنا كتير حلوة

#أنا :- وين كنت ليش ما سألت عني ليش هيك عملت فيني ..

#عمار:- مو بإيدي ولا تسأليني عن شي..

#انا:- ليش بيتي فضيتو مافيو شي وغيرتو ..

#عمار:- انا استأجرت بيت جديد..راح نروح عليه هلاء ..

(( طلعت انا وعمار على البيت الجديد اللي ماكان فيه الا فرشة وغطا لشخص واحد وكم طبق …اغراضي يلي كانت ببيتي اللي قبل ماكانت موجودة ..

#انا :- عمار وين عفش بيتي والاغراض

#عمار :- لا تسأليني عن شي ..

#انا :- ليش ما اسالك هاي الاغراض من تعبي وانا جبتهن راح ضل عايشه على فرشة ..

#عمار:- اغراضك اخدتهم ضرتك وانا مافيني اقلها هلاء لاء خاصة اني قلتها اني طلقتك ومن اخدت عفش بيتك هي اتأكدت ..وبدها كمان ورقة تثبت هالشي ..انا جبتلك ورقة تمضيها هي بس ورقة ومارح طلقك رسمي بس لان مابدي مشاكل الله يسعدك وعفش بيتك راح جيب غيروا …

((مابعرف ليش عمار طلب هالشي مني وكمان عفشي تاخدو ضرتي .. قررت ما اسكت عن هالشي بس ولادتي جديدة وتعب الميلاد ما ارتحت منو ..مافيني اعمل شي هلاء الا بس تكبر بنتي شوي راح اتحمل اشهر وبتحمل صبري على فرش ..وهاد يلي صار مر الشهر والثاني والثالث وعمار ماعدت شوفو الا من يجي يجيب لالي اكل ويطمن على بنتو.. صار يحرمني من كل شي حتى حقي الشرعي ..حتي النوم براحة ..صرت وحيدة ببيت مانو مفروش انا وطفلتي انام واقوم واكل على فرشة وحدة …

.

. الجزء الثالث …

مرقت الليالي والايام ..بنتي كبرت وسار عمرها 7 شهور .. وانا حالي هو نفسوو قررت اطلع ابحث على شغل احسن فيه قوم على رجليه منو وأكون حالي واجهز البيت يلي مستأجرتوا …ولقيت شغل بمحل عطورات ..كان راتبها كتير منيح وسمحلي اترك بنتي معي … كان العم صابر الشخص الوحيد اللي طبطب على كتفي .. وعاملني متل بنتو .. العم صابر شخصية يشهد القلب انها بلسم لكل جروح ….اعطاني العم صابى شغل وكانت اوقاتو تناسب مع راحتي …وبلشت جهز البيت يلي مستأجرتو … كان جوزي يجي على البيت كل مرة يلاقي شي جديد فيه ومن يسألني اقلو اتعرف على جارة وهي عم تجهزلي بيتي لوجهه الله .. جوزي ماكانت فارقة عندو المهم ما اطلب منو شي ….

.

.بيوم وانا عم اشتغل فات شاب لعندي يشتري برفان رجالي .. الشاب اياد شاب العمر 34 كان من لبسو جدا انيق وغني .. وماكان يشتري الا اغلا العطورات … كان دائما يتردد على المحل وانا اوقات استقبلو ..حتى صرت اعرف نوع البرفانات اللي يحبها ..وانتبه اذا كان حزين او فرحان ملامح وجهو وتفاصيلو وذوقو معي ومع العم صابر كانت معروفة لالي وحفظتها .. بيوم سألت العم صابر عنوو..

#انا :- عمو هاد الشاب اللي بيجي لعنا شو قصتو

#العم صابر :- والله ياعمو انا اللي بدي اسال انتو شو قصتكو هو بيسأل عنك وانتي بتسألي عنه

#انا :- عم صابر ليش بيسأل عني …

#العم صابر :- سألني عنك وعن اسمك واذا متجوزة او لاء

#انا :- اي عمو وشو جاوبتو

#العم صابر :- طبعا راح جاوبو انك مجوزة …

(( اياد كان دائما يسأل عني وهلاء عرف اني متجوزة وليش انا بسال عنو شو مافي شي من حقي ومابصير .. بس ليش مو من حقي انا كمان محتاجة ولازم يكون لالي حياتي الخاصة …

بعد فترة مرق اياد لعنا على المحل ومن اشتري البرفان وطلع ناديت عليه ..

#انا :- لو سمحت يا اخ

#اياد :- عفوا بتنادي علي

#انا :- اي بعتذر ما بعرف اسمك

#اياد :- ولا يهمك انا اياد ..

#انا :- اتشرفت فيك .

#اياد :- بس ليش ناديتيني …

#انا :- نسيت تاخد باقي الفلوس

#اياد :- اي بعرف هادول لالك تركتهن وللبنوته الامورة ماقلتيلي شو اسمها ..

#انا :- روجينا بس انا مابدي مال من حد ومابحب صدقة حد عليه ..

#اياد :- انتي اعتبرتيها صدقة ..طيب اخت مابعرف اسمك

#انا :- جواليا

#اياد :- عاشت الاسامي جوليا اسمك حلو مادام مابتحبي منه حد عليكي فيكي تتفضلي تعزمينا على حسابك لنعرف شو معنى اسمك واسم هالقمر الصغير ..بس كأنها طالعة لالك …

#انا :- خجلتني يسلمو هاد من زوئك اي مو تكرم ..متى حابب اعزمك

#اياد:- والله انا بفضى بعد بكرة المسا ..

#انا :- حلووو

#اياد :- خلص بمر وباخدك..

(( ارجعت على البيت وانا عم فكر بإياد وبجوزي وخوفي لأنكشف واني كون خاينه بس انا بدي عيش حياتي بدي جربها اتعبت من الوحدة خلص لازم روح لازم وافق وكب كلام المجتمع ورا ضهري .. وافقت على طلعتي مع اياد وماكنت بعرف اني عم اعمل اكبر غلط بحياتي وانو وقعتي عواقبها وخيمة ))

.

.

.الجزء الرابع :-

مرت الايام على عجل ورتبت حالي انا وبنتي واجى اياد اخدني قعدنا بمكان وبلشنا نحكي بامور بعيدة عن حياتنا …كنا مبسوطين سوا …

#اياد :- جوليا اخدنا الوقت وكان حلو الجو معك نستيني تعب الشغل بس عندي سؤال فضولي وبعتذر بداية عليه …

#انا:- اكيد راح تسألني عن جوزي ..

#اياد :- تعرفي شو اكتر شي اعجبني فيكي ذكائك وبتفهمي العالم قبل ليحكو .

#انا :- يسلمو اياد انا بنت قصتي بلشت من زوجي …………………….ولحتى الان وانا محبوسة وهو مابعرف اني بشتغل …

((حكيت وقتها قصتي لإياد اللي طول الوقت يشد بإيدو وبانت شرايين ايدية من العصبية …

#اياد:- لو اطولو لإقتلو بمحلو هالمرة هاد مخنث ماعندو كلمة …. انتي معك موبايل …

#انا:- لاء ماعندي لان بعتو وجبت مرة حليب لبنتي وبامبرز وبقيت بلاه ..

#اياد :- طيب انا عندي اتنين خدي هاد ومن يصير معك شي دقيلي واذا احتجتي شي دقيلي ..

#انا :- لامابصير مافيني اخد موبايلك وغالي كتير هاد مافيني ادفعلك سعروا.

#اياد :- حاج بقاا جوليا لاتزيديها بقاااا الشي اللي بعطيكي اياه وبطلبو منك لا تناقشيني …

(( اياد جدا عصبي وضغط العمل عملو توتر على طول واعصاب ..اخدت الموبايل من اياد ورجعني على البيت وانا عم فكر بشهامتو ورجولتو شو مو معقول … بعتلي رسالة قبل لأنام وكان محتواها… (( ست جوليا هاد رقمي وهاد رقمك وهاي للزعرا بنوتي الجديدة واياكي تسرقيها …))

مابعرف شو اللي شدني وخلاني نام اول مرة مرتاحة..يوميا صار اياد يحكيني على التلفون ومن يجي زوجي اخبيه وما اظهروا وصرت على طول اطلع واشوف دنيا مع اياد غير الهدايا…اللي ماكنت ملحقة استقبلها كرهي لجوزي زاد وسرت اكره اليوم اللي يمر عليه فيه حامل باكيت بامبرز رخيص وعليه حليب قرب ينتهي تاريخها…. صرت انطر الدقيقة لينقلع وخاصة بعد ما صار يطاول عليه بالحكي لان قوي قلبي بوجود اياد …..

بيوم فقت على دق باب قوي كان راح ينكسر الباب وبنتي بلشت تصرخ خفت مين راح يكون بهالوقت ….

#عمار :- افتحي يا خاينة يا وسخة افتحي..

#انا :- عمار شو جابك بهيك وقت

#عمار :- افتحي الدنيا كلها بتحكي بوساختك بتحبي عليه وبتطلعي مع شباب يا وسخة والله لأربيكي ..

((دخل عليه عمار وبلش يضرب فيني حتى عضامي تكسروا وضرب البنت بالارض ..بلشت البنت تنزف انا قلبي وقع من مكانو وصرت اصرخ بنتي بنتي لحقني لحقني اسعاف اسعاف شو عملت يامجنون شو عملت….ماكان منو الا يضربني بالكرسي …وانا صرت اغيب بس وقعت بنت خلتني اتحمل وطلع وقفل الباب بالمفتاح ..صرت ازحف دور على الموبايل لاتصل علي اياااد

#انا :- ألو اياد الحقني …عمار هجم عليه وعلى بنتو وانا واياها عم ننزف ..

#اياد :- جاي انا جاي اكمشي حالك لاوصل ….

.

.

.الجزء الخامس …

وصل اياد لعندي ومافقت الا وانا بالمشفى بعد ماعرفت انو اياد كسر الباب ونقلني انا وبنتي ..بنتي اللي صار كسر عندها بالرأس ..والحمد لله ربنا لطف فيها ..بقيت ايام بالمشفى وانا اعتني ببنتي واياد مافارقنااااا …وصار موعد رجعتي على البيت ..

#اياد :- جواليا ضبيتي تيابك وتياب البنت …

#انا :- اي اياد ..

#اياد :- اي لكان مشي نروح على بيتي لترتاحي …

#انا :- لا اياد بكفي تعبتك معي ومابدي زيدها عليك خلص روح انت ارتاح وانا بوصل على بيتي ..

#اياد :- حاجتك بقا شو بدك تعملي بالبيت ومين بدو يعتني فيكي وبالبنت وبعدين واذا اجا المخنث وضربك وانا ماني موجود شو راح تعملي ..الاولى الحمد لله مشيت على خيرررررر ..

#انا :- مارح يصير شي انت ليش قلق بعدين بضل ابو بنتي واكيد مارح يأذيها ..

#ايااد :- ييييييييه حاج بقا كانت البنت بدها تموت بسببو وانت كمان وبتقليلي مارح ياذيكووو شلون بتفكري انتي ..

#انا :- حاسب اياد حاسب كنا راح نعمل حادث ..

#اياد :- انتي راح اطلعيلي خرجي عم فوريلي اعصابي هيك من لا شي …

#انا :- اياد انا تعبانه لاتزيدها علي حاج وصلت بيتي نزلني …

((نزلت من السيارة ولحقني اياااد ))

#اياد :- سؤال واحد جوليا وبدي اتجاوبيني عليه …

انت بعدك بتحبيه لعماااار .

#انا :- لاتسألني هيك اسئلة

#اياد :- راح عيد السؤال من تاني وجاوبيني عليه هلاء هلاء …بعدك بتحبيه ..

#انا :- بضلو جوزي وابو بنتي

( اياد فرطت اعصابو وصار يدق بإيديه بحيطان الدرج ….

# اياد :- انتي راح تجيبلي الجلطة شي …

#انا :- اياد حاج صوتك عالي انا مابحبووو مابحبوةبكرهو بكرهوو بس عشرتي معان مابنساها صح كسرني بس هو لالو ايام حلوة معووو..

#اياد :- اوك خليكي معووو من يصيبك بشي ويضرك ومايكون اياد موجود شو راح تعملي ..ا

#انا :- الله يخليك اياد بدي اطلع ارتاح وبدي خلع شوكي بإيدي ومن ارتاح بحكيك …

((اطلعت فوق وانا قلبي مكسور على اياد اللي تركتو موجوع من كلامي ومن فتحت الباب …كان عمار وضرتي ببيتي ..

#عمار :- شو ياعروس فوتي على مهلك ..وينو عريس الهنا ما طلع معك…

#ضرتي :- اتركها هاي انا جيت لعندك برجليا لاخد حقي منك بس بالاول خدي شوفي ورقة طلاقك اللي مضيتي عليها اثبتت اليوم بالمحكمة وصرتي هلاء مطلقة انطق عمار الطلاق ..

#عمار :- انت طالق طالق طالق ..

#ضرتي :- بس هو خلص انا ماخلصت تعي لهون اورجيكي نجوم الظهر وها وها وها ….

(( بلشت ضرتي تضربني واتشد بشعري وانا مافيني حيل دافع عن حالي جسمي المكسر ولا حيلو المهدود ….ماعاد فيني اتنفس من كتر الضرب ..حاولت اهرب من تحت ايدها لشي شباك او باب لنادي على حد يساعدني …فتحت الشباك لقيت اياد واقف جنب سيارتو وعم يطلع على شبابيك غرفتي وكأنو ناطرني ….صرت أشر لالو ..ومن شاف ضرتي بتشد بشعري طلع بسرعة لعند …كسر الباب اياد وبلش ضرب بعمار ويبعد ضرتي عني انا اخدت بنتي وهربت اتخبى .. اياد كان قلبو مليان على عمار كان مخبيلو اياها بس ماكان جاي وقتها …

#اياد :- لك يامخنث واخيرا وقعت تحت ايدي يامراا بتمد ايدك على جوليا والبنت والله لاكسرلك جسمك واهرسلك عضماتك ما اخلي فيك شي سليم يا مخنث يامرة ……

(( بلش اياد بقوة يضرب عمار اللي وقع من طولو من كتر الضرب بس اياد انغذر ضرتي غدرت فيه وضربتو سكينة بصفحتو … وقع اياد على الارض ودمو عم يفووووور وان قلبي وقع معاه هجمت عليه ضرتي لتضربني كمان وتقتلني انا وبنتي …بس انا ما اعطيتها مجال مابعرف شلون الله اعطاني القوة لإتصدى لا لإلها …واضربها واخد السكينة منها ….. وقعت على الارض وهي عم تشحط بحالها لتهرب شدت عمار واخدتو معها وقلتها انقلعو انقلعووو من بيتي يانور يا غجر ….سكرت الباب وكمشت اياد اللي ماعاد نبضو يدق من كتر مافقد دم اتصلت على الاسعاف ليسعفوه ومن وصلنا المشفى …

.

.

الجزء الاخير ….

.

.

.

دخلو وقتها اياد على غرفة العمليات من بعد ما انعشوووه كنت راح موت اذا اياد صرلو شي خوفي عليه قطعلي قلبي …بقي اياد اسبوعين بالعناية المركزة بصارع لحالو الموت كنت اجي طل عليه دايما …نقلت عيشتي عند عمو ابو صابر وخاصة انو عمار بعدو عم يبعتلي تهديد خفت ليعمل شي لبنتي ….عمي او صابر ومرتو شالوني على كفوف الراحة ..ماكان ينقصني شي خالتو ام صابر كانت تعتني ببنتي اللي تعتبرها حفيدتها …. وبيوم دقتلي ادارة المشفى …وخبرتني انو اياد فاق من الغيبوبة وصار فيكي تجي تحكي معو لان طلب نتصل عليكي …بس انا بعدها شهور عدة طلاقي ماخلصت ماحسنت روح لعند اياك وانا قلبي كان يتعصر عليه ….طلبت من عمي ابو صابر يروح لعندو هو وخالة ويهتمو فيه ….ومن وصلو سألهم وينها ..

#عمو ابو صابر :- لا تخاف الام وبنتها بعيونا يا اياد انت قوم بالسلامة وصير احسن مشان تشوفهم ..

#اياد :- ليش ما اجت طلت وزارتني …

#عمو ابو صابر :- البنت مافارقتك يوميا تجي وانت بالغيبوبة …بس هلاء مافيها تحكي معك الا من يخلصو شهور عدتها …

#اياد :- يعني طلقها المخنث افهم ما

#عمو ابو صابر : اي الله يفرحها ويكتب لالها ايام حلوة ..

#اياد :- والله لأعيشها احلى ايام بعمرها واعوضها عن كل شي صار معها بحياتها …

#عمو ابو صابر :- هههههه والله الحب يا ابني عم ينقط منك …

#اياد :- اوووف يا عمو ابو صابر والله فوق ماتصور بستنا تخلص هالشهور التلاته على خير والله راح اشتاق لالها فيهن خيرات الله ….

.

.

مرت هالايام وانا كل يوم بتمني احكيه لإياد واشوفو كنت اسمع اخبارو من عمو ابو صابر … خلصت شهور العدة على خير …وبيوم دق على بيت عمو ابو صابر جرس البيت وفتحت لالهن خالتو ..وقالو لالها اني بعرفهن…. نادت عليه خالتو ام صابر …

..#انا :- رولا اخي حامد اهلا وسهلا ساير شي لإمي ..

.#اختي رولا :- انتي مابتزهقي تجيبي لالنا مصايب وسمعة وسخة …

#انا :- انا ما جبت لالكن شي مو انتو طردتوني وبعدين ما عملت غلط …

#حامد :- شوفي يابلاش اكمل طليقك اجا وخبرنا عن افعالك واللي عملتيه فيه …فوت يا عماررر

#انا :- لا مستحيل مارح يفوت ويالا متل ما طردتوني يالا برا انا ماني اختكم ولا بعرفكن …..اجا اخي يتهجم عليه الا حد وقفلو ايدوو… وكان اياد … من شفتو لإياد نسيت شو عم يصير حولي ..اياد اللي اشتقتلو وصرلي اشهر لا اسمعت صوتو ولا شفتو ….كمشو لاخي وقلو هاي مرتي صارت واللي يمد ايدو عليها راح اكسرلو اياه وانت عمار ..الشرطة برا اجاك امر النيابة والمحكمة بالشروع بالقتل بعد ما كنت مختفي صرلك فترة …وانتي اخت رولا … مرتي الرقيقة مارح اسمحلك تخدشيها من تاني ويالا اطلعي برا متل ما طردتيها …..

.ومن طلعو وارتحت منهن

#انا :- شو حاسبهن باليوم ولا في حد خبرك ..

#اياد :- لا ماحد خبرني قلتلك انا متل خيالك راح… ضل…. بس البركة بخالتو ام صابر هي اتصلت فيني… ولعلمك يوميا اعرف كل صغيرة وكبيرة عندك

#انا :- ها يلي متل خيالي وشو قصة هاي مرتي …

#اياد :- شو صدقتي انتي مجرد مزحة ..بس من ناحية راح تصيري مرتي راح تصيري …ومتل ما مضيتي على ورقة الطلاق من المخنث..راح تمضي على هاي ….انا من فرحتي حسيت الدنيا ماعادت تسعني ….اتزوجت ا انا واياد وعشت انا وبنتي معو عصبيتوووغيرتو الكتيرة كنت اموت عليها ..وكنت عم استفزوا …لاشوف ملامح وجهوو وهي عصبية ..اياد فرشلي الدنيا ورود وسعادة مانقص علي شي ..بنتي جوليا هلاء عم تناديه بابا …اياد امبارح بالمسا كان عاملي مفاجئة وهي لوحة بورق الورد المجفف وكانت صورة لالي كانت احلى مفاجئة من اياد والمفاجئة التانية وهي 4 تذاكر طيران على 4 دول انا اختارها …وبدي تساعدوني شو اختار دول …صح يا بنات حكتلكن قصتي بس بإصراري على الشي نلت سعادة من الله من بعد اللي شفتو بحياتي انا هلاء اكتر بنت مبسوطة بالكون مع حبيبي اياد ..

.

.

.#انتهت

#جمايكا_أحمد

9 تعليقات
  1. ام فهد :

    كتير حلوه القصه وانخنقت عليكي الله يبسطك ويفرحك

  2. ام همام :

    كتير حلوة
    روووووووعه 😍😍😍😍

  3. ام محمد :

    روووووعة

  4. B :

    كتير حلوه يسلم اديك

  5. ميس الريم :

    😍😍😍ااحلى شي في الحياه انو تتزوجي شخص يحبك

  6. رزان :

    حلوه كتير الله يخليلك اياد

  7. 🌹 ايمان 🌹 :

    حلوه كتير
    يسلم ايديكي

  8. عبير :

    تعي لعنا عالاردن

  9. ام يوسف :

    نزلو لالنا قصص اكثر

اترك رد

لن يتم نشر عنوان بريدك الإلكتروني.