بان كيك ملكة الكيك

17 878
 

بان كيك ملكة الكيك

بان كيك شغل بنتي الصغيرة يا ريت تشجعوها ملكة الكيك

بان كيك ملكة الكيك

بان كيك شغل بنتي الصغيرة يا ريت تشجعوها ملكة الكيك, معكم صديقة زاكي الشيف الموهوبة ,

المقادير

  • كوبين حليب
  • كوبين طحين
  • رشة ملح
  • معلقة بيكنج باودر
  • نص معلقة فانيلا
  • نص كوب زيت

الخطوات

يعطيكم العافية يا زاكي وأعضاء زاكي الكرام مع إنه التفاعل كتير قليل بس والله زاكي إله وحشة واشتقت كمان إني أشارك فيه وهاي بنتي عمرها 12 عندها كمان بتحب تشارك وتجرب وصفات وبتمنى يرجع لرونقه ونشاطه ومتعته م متل أول ويرجع كل اعضائه لحماسهم ومشاركاتهم الحلوة متل زمان وأحسن

المهم المقادير السابقة بينحطوا كلهم بالخلاط وبعد ما يجهز الخليط ويرتاح شوي بمقلاية ما بتلزق بنصيهم قرص يكون سميك أكتر من الكريب وبنجهزهم ونرتبهم فوق أو جنب بعض ونضيف النكهات إلي بنحبها عسل شكولاتة فواكه على ذوقكم وبس ما في أسهل من هيك وأكيد الكل بيعرفها للوصفة وشكرا الكم وشكرا للادمن تمار على جهودها واستمرارها بالاهتمام بهالتطبيق الحلو بس تقبلونا بتمنى تتقبلوا مشاركاتي المتواضعة كمان

وصحة وهنااااا

17 تعليقات
  1. زهوووور :

    تسلم الأيادي يا قلبي 🥰🥰🥰
    الله يخليلك اياها الأميرة الحلوة يارب 😘😘😘

  2. ام ملك.... :

    يسلمو ايديكي يا قلبي
    صحة وعافية

  3. مدام نها :

    مفيش بيض

    1. وردة الأردن(الجبل) :

      أسفة نسيت أذكر البيض بنستعمل بيضتين

  4. ماما عايدة المغربية :

    تبارك الله على بنتك ربي يحفظها لك ❤
    لازم نشجعوها أولا لأنها بنتك ثانيا لأنها اعتمدت على نفسها و حضرت وصفة ماشاء الله عليها و الله يوفقها في حياتها و دراستها 🌹🌹

    1. حنان حمدي مهني :

      يسلموا ايديها بس الوصفه من غير بيض

  5. um saleem :

    ما شاء الله عليكي منظر خراااااافي
    بشهو الف صحه وعافيه عليكم 💕

  6. joudi :

    تسلم ايدك رائعه

  7. . :

    تسلم ايدك بشهو الحليب ٢ كوب سائل او بودرة

    1. وردة الأردن(الجبل) :

      بيصير سائل أو بودرة حاليته. بمي

  8. نسرين بارافي :

    نورتي حبيبتي تسلم الايادي

  9. ام زكريا :

    احلى تشجيع لاحلى بنوتة واضافة عالمفضلة تسلم ايدك

  10. ام عبد الرحمن ولين 💓💓 :

    ماشاء الله عليك الله يحميلك بنوتك الحلوة ياارب
    تسلم ايديها😘😘

  11. Farah Masoud :

    تسلم الأيادي حبيبتي

  12. 🍒أم محمّد🍒 :

    ما شاء الله عليها بنوتك ربنا يحفظها يا رب
    ويسلم دياتك يا رب

  13. مايا حسين :

    تسلم ايدك

  14. وردة الأردن(الجبل) :

    بعتذر نسيت اذكر بالمقادير بيضتين كمان

اترك رد

لن يتم نشر عنوان بريدك الإلكتروني.