اعشاش السباغيتي وكرات اللحم

اعشاش السباغيتي وكرات اللحم
المقادير
- باكيت سباغيتي
- جبنة قشقوان
- كرات اللحم
- نص كيلو لحمة مفرومة
- رشة جبنة بارميزان
- نص بصلة صغيرة مفرومة ناعم مقلية لتذبل
- سن كبير توم مهروس
- ملعقتين كبار ريحان مفروم ناعم
- بيضة صغيرة
- نص كاسة حليب
- تلات حبات توست منزوع الحواف و مطحون
- رشة ملح و فلفل اسود و بهارات مشكلة و بودرة مرق الدجاج و أعشاب إيطالية اختياري
- صوص مارينارا
- نص بصلة صغيرة مبشورة اختياري
- سنين كبار توم مهروس
- حبتين كبار بندورة
- ملعقة كبيرة ريحان مفروم حسب الرغبة
- ملعقتين كبار صلصة البندورة
- ملعقة كبيرة كاتشب
- رشة ملح و فلفل اسود وخلطة أعشاب إيطالية وسكر
الخطوات
بتضفي جميع المكونات على لحمة ما عدا التوست و الحليب بتخلطيهم سوا وبتضيفيهم بالتدريج حتى تتماسك معك
بتكوريهم و بتشويهم بالفرن مع شوية زيت نباتي لمدة عشر دقائق او بتقليهم
البندورة بتعملي عليها اكس وبتنزليها بمية سخنة لمدة دقيقتين بعد هيك بتحطيها بمية باردة و بتقشريها وبتحطيها بالخلاط
بتقلي البصل مع التوم ليذبل
بتضيفي البندورة مع صلصة البندورة و الكاتشب ورشة سكر و ملح وفلفل اسود و أعشاب إيطالية
بس تغلي و تتسبك بتنزلي عليهم كرات اللحم وبتتركيهم يطبخوا سوا
اخر شي يضاف ريحان مفروم
#للتقديم
بالشوكة بتلفي السباغيتي وبتصفيها بالجاط لتصير على شكل اعشاش بتحطيلها صوص وجواها كرات اللحم و كمان صوص ورشة قشقوان وبتدخليها الفرن لتسيح الجبنة
أو بعد ماتصفي السباغيتي بتحطيها بطنجرة مع سن صغير توم وزبدة و رشة أعشاب إيطالية وبتقلبيهم سوا
#بالهنا_والشفا
المنظر كتير حلو وتغيير عن الطريقه المتعودين عليها يسلمو ايديكي
تبارك الله عليك كتشهي بالصحة و الراحة 😋
عالمفضلة ما في كلام
اللهم بارك.. وصفة رائعة.. في عندك قناة ع اليوتيوب؟
صحتين وعافية
مشاء الله إبداع تبارك الرحمن 👍👍
منظرها مغري 😍
ما شاء الله يعيشوا هالايدين يا رب ♥️
بيشهي يسلم اديكي حبيبتي
ما شاء الله منظرها روووووووعه 👍🏼 👍🏼
يسلمو ايديكي حبيبتي وصحة وعافية
شكلهااا بشهههي يسلم ديااتك يا رب
بتشهي تسلم ايدك اكيد ر ح جربها