ريجيم فوري

45 3٬253
 

ريجيم فوري

ريجيم فوري

ريجيم فوري

ريجيم فوري, معكم صديقة زاكي الشيف الموهوبة ,

مرحبا صبايا… ازيكم

صبايا احتاج مساعدتكم الاسبوع الجاي فرح خالي وانا طبعا حلبس فستان وكدا والمشكلة مع الحجر والمنع تجول زاد وزني شوية هو الفرح اجا فجاة لانو اليوم خطب والاسبوع الجاي الفرح

وانا قبل الحجر كنت يوميا انزل اتمشى ساعة كاملة وجسمي حلو وضعيفة بس هلق مع الحجر باكل وبقعد فش مشي وولا مرة عملت ريجيم لهيك وزيادة وزني اكتر شي من جهة بطني وخلفياتي(بعتذر عالكلمة بس عشان تعطوني الطريقة بالاماكن هاي بالذات)

بدي مساعدتكم كيف اعمل ريجيم و اضعف في هالاسبوع بدون مشي وتكون طريقة مضمونة…

شكرا جزيلا لكل واحدة ساعدتني

45 تعليقات
  1. غير معروف :

    مساء الخير ام محمد ..
    اذا بدك تضعفي البطن والأرداف انا بعد تجربتي جربت وصفات كتير ما نفع معي …
    جربت الشاي الأخضر وزنجبيل بودرة ونعنع ناشف وكمون تغليهم لمدة ١٠ دقائق وبعد ما تبرد تشربي منها مرة وحدة قبل الأكل يعني قبل الغداء بنص ساعة بس مرة باليوم ….
    ملاحظة …لازم يكون نفس معيار معلقة صغيرة..
    انا جربتها كل يوم قبل غداء بنص ساعة ..
    ان شاء الله تجربيها وترجعي تحكيلنا عن حفلة خالك وان شاء الله مبارك وعقبال عند اولادك …
    ام عبد الرحمن اسمي

    1. م.دانا محمد :

      تسلمي ام عبد الرحمن بارك الله فيكي وشكرا كتير عالطريقة

  2. ألف مبروك🌹🌹💝💝

    1. م.دانا محمد :

      الله يبارك فيكي يارب..عقبال عند ولادك حبيبتي

  3. عبير :

    مرحبا
    انا ماشيه على كيتو البيض وانزلت 4 كيلو بخمس ايام بس انا التزمت كتير وما اكلت غير البيض وخس وقطعة جبنة المراعي افتحي على اليوتيوب وشوفي كيتو البيض كتير استفدت لاني زمان ماشيه عالصيام المتقطع وملتزمه بس وزني مابنزل بس مع كيتو البيض نزل وازا بدك كسمات حلوات بدك تتعبي وتبطلي تاكلي خبز ورز لانهم هم سبب السمنه والكرش

    1. م.دانا محمد :

      تمام شكرا كتير حبيبتي 💐💐

  4. ام ايهم :

    كثري مي قد ما فيكي وعن تجربه وسريع لأنه بيسد النفس عن الأكل وبيحرق دهون وبيصفي البشرة كمان واشربي شاي اخضر مرة باليوم بلاش يضعف دمك انا بشربه قبل انام

    1. م.دانا محمد :

      تمام ان شاء الله شكرا عالوصفة طب بالنسبة للاكل اكل عادي ولا كيف

  5. ام عبد الرحمن :

    ادخلي ع اليوتيوب ..ع سارة بوب فيت…وبتلاقيى كيف تنحفي باسبوع

    1. م.دانا محمد :

      تمام**شكرا ام عبد الرحمن

  6. لما :

    ادخلي ع اليوتيوب طريقه رجيم التمر واللبن بس اسبوع

    1. م.دانا محمد :

      تمام حبيبتي يسلمو..

  7. ام يزيد :

    والله يا صبايا انا كمان بدي مساعدة بدي اي شي بيخلي الوزن يزيد😊 باكل كتير كتير وما في فايدة طولي ١٧٨ووزني٦٠ والكل بيحكولي زي عصاية القشاطة 😂بس عنجد صار نفسي انصح والله الموضوع عاملي اكتئاب 😒

    1. عبير :

      بنصحك لوجه الله خليكي هيك كسمك مطلوب وغيرك بتمنى يحصل عليه
      كنا مثلك وهسه ياريت ينزل بكره بعد عمر 35 بزيد وزنك خمسه كيلو ومابنزلو ابدا وبتبلش زياده الوزن
      الله يحميكي

    2. آية :

      والله یاعبیر کلامک صح انا لسانی عمری ۳۰ ومتزوجه من ٦ سنين وعندي ٣ اولاد وكنت قبل الحمل والولادة الكل يقلي عصاية قشاطة ههههههههه بس هلأ وزني زاد وعملت المستحيل بس مو راضي جسمي يشد لأن حملي الاول كان توأم وبطني كبر كتير ووزني زاد كتير
      وحبيبتي انتي اللي بقلك انك نحيفة كتير ماتردي على حدا خليكي هيك وهي نعمة من ربنا😘😘😘😘

    3. ام يزيد :

      كلامكم على عيني وراسي❤️ انا عمري ٢٦ سنة وعندي ولاد اتنين انا والله مو متأثرة بس بنقهر من كلام الناس الي حولي حتى جوزي بظل يعايرني بالضعف 🙄لهيك والله سألت عن طريقة انصح فيها

    4. آية :

      والله هالازواج مو عارفین شو بیعجبهم اذا وحدةنحيفة بضل يقلها ماالك جسم ولامعالم ويمكن يزيد بالحكي ويقلها مو حاسك انثى لااله الا الله
      واذا بتتخن مو انو تصير سمينة مجرد انو زاد وزنها مثلا ١٠ كيلو وبتكون عم تسمن حالها خصوصي عشان تعجبو او تصير ماتسمع كلام مزعج منو فبصير يقلها صايرلك بطن واردافك كبرانة والانتقاد مابيخلص فصدقيني الرجل اللي بضلو ينتقد لو شو ماعملتي مارح يبطل فانسي وعيشي حياتك وحبي حالك كيف ماكنتي وانتي نحيفة فها الشي الكل بدور عليه وصدقيني حتى زوجك عالفيس اذا بكون بيتفرج ويشوف شي فنانة ولا اي شي من نسوان وبتكون شكلها نفس اللي بينتقدو فيكي فبتلاقيه معجب فهالتناقض برأيهم طنشيه وعيشي هي نصيحتي لوجه الله وعم احكيلك هالكلام والله مو بس من تجربتي بالحياة من صديقاتي وقريباتي كلن نفس الكلام فهالرجال شو طينتن مابعرف هههههههههههههههههه

    5. ام يزيد :

      والله يا اية شكلي رح اعمل بنصحيتك عنجد إرضاءهم غاية لا تدرك

  8. تكرم عينك اختي ام يزيد انا رح اتبرعلك بكم كيلو من عندي لوجه الله تعالى
    انا طولي ١٦٠ وزني ٧٥ وما عم ينزل وزني ابدامشكلتي بحب دلل بطني
    الحمد الله ع الصحة والعافية

    1. ام يزيد :

      هاتي شي ١٠ أو ١٥ كيلو بمشي حالي فيهن😂حبيبتي يسعد قلبك

  9. ام اسلام :

    انا جربت الخمس وجبات خفاف وثنتين منهم خضره أو فواكه الي متوفر زبطت معي استمري عليها وبتشوفي نتيجه ان شاء الله

    1. م.دانا محمد :

      تمام حجربها ان شاء الله شكرا ام اسلام..

  10. ام محمد :

    نطي حبل بالبيت بدون حبل وحتشوفي نتيجه روعه

    1. م.دانا محمد :

      هيا فكرة حلوة وبحب نط الحبل بس في ناس ساكنين تحتنا بلاش ازعجهم بس مبدئيا شكرا عالفكرة

  11. ام محمد wwww :

    انا اكثر شي زبط معي الشاي الخضر مع شرحات ليون وزنجبيل كاستين في اليوم ونتيجه روعه بس بليل ماتشربيه ﻷنه منبه

    1. م.دانا محمد :

      انا ما بحب الزنجبيل بس هالمرة رح اجربه بس متى اشربه قبل الاكل ولا بعده وبنفع اكل ولا خفيف

  12. الأمل بالله :

    خففي الأكل واعملي مشروب الشاي الأخضر والزنجبيل والليمون والنعنع 3 كاسات باليوم.. وطلعي فيديوهات زومبا وطبقيها أقل شي نص ساعه باليوم وانتي بتلعبي اشفطي بطنك لجوا عشان يشد… حتى وانتي تطبخي او تشتغلي اشفطي بطنك خليها عادة عندك بتشد منطقة البطن

    1. م.دانا محمد :

      تمام حبيبتي شكرا كتير عالوصفة💐💐

    2. الأمل بالله :

      العفوو

  13. همس :

    ورق الغار و قرفا وايد حلو
    12 حبة م ورق الغار مع عودين قرفا
    اغليهم في لتر ماء لمدة م 10 الى 15 د
    ع نار وسط و من يبداء يغلي نزلي
    ع نار اقل م الوسط شربي فنجان صبح
    ع ريق و فنجان قبل نوم .

    1. م.دانا محمد :

      تمام همس وصفتك حلوة ..شكرا كتير💐💐

    2. 😍😍😍 :

      ينشرب اثنا الدوره يثر اشي وشكرا لك

  14. 🤩🤩🤩🤩 :

    يسعد مساكم
    اه ثم اه ثم اه ثم صحن ملفوف مع دوالي ثم صحن بسبوسه بالقشطه ثم ببسي دايت مشان تانيب الضمير

    هو في دايت بالشتا اصلا وفصلوا العيشه بتكون جوا التلاجه غير الشوقلاطات
    ..
    ماالك غير تلاقي وحده عينها بتفلق الحجر اتركي الباقي عليها
    ههه طبعا بمزح
    الصراحه عليكي بالدعاء اولا😭😭😭😭
    تانيا حبي حالك واحكي انا مش رح رجيم وحرمان رح اعمل نظام حياه هيلثي
    موبس لعرس خالك الله يتمملوا ع خير رح تحبي الفكرة كتير
    رح تظلك مستمرة
    الصيام المتقطع كتير بيجنن تصومي ١٦ ساعه انتي معك الحريه تحدديها من اي ساعه لساعه
    كمانا الفطور بيض مسلوق كتير رهيب
    الغدا شوربات مع بروتين
    العشا ماتقصري جاط غسيل اكبر جاط عندك حطي فيه كل الاخضر واليابس سلطه واستمتعي وانتي بتاكلي اول اسبوع رح يكون الموضوع غريب بعدا رح تتعودي وتحبي هاد الشي

    يارب تضعفي وتصلي للي بدك اياه

    ياحلوات همتنا نظل ندعي لها تضعف وتكون احلى وحده بالفرح
    يارب دووم الفرح حليفك

    1. م.دانا محمد :

      حبيبتي تسلمي كتير.. شكرا كتير كتير عفكرتك تمام انا حعملها فورا والله يبارك فيكي ويسعدك يارب💗💗

  15. 🤩🤩🤩🤩 :

    بلييز جروب صباياالوطن العربي مافي داعي نحرج حالنا هون 🤭🤭🤭

  16. نيسو :

    الصيام المتقطع سريع. النتيجة بس. بدو. إرادة وعن. تجربة بحكي

    1. م.دانا محمد :

      كيف صيام متقطع زي رمضان يعني

  17. يسعد صباحكن جميعا
    حبيبتي نيسو اشرحيلنا عن الصيام المتقطع
    قصدك صيام كل يومين ومشكورة يا عمري

  18. انا حاليا صمت الخميس والاثنين الماضي
    بس بطلع الفرق ع الفطور وقت الاكل
    شو الحل عندك

  19. حبيبة زيزو :

    للمناسبات عن تجربة رجيم تمر ولبن رهيب صدقا بس ممنوع اكتر من اسبوع تعمليه ٣ وجبات كل وجبة كاسة لبن مع ٧ تمرات وكتري ميه

  20. 😍😍😍 :

    بدي اسلكم خواتي حد مجرب الرجيم الورق الغار ولقرفه وكيف النتيجه
    اجربها ولا بلاها

  21. 🌹أحلى من السكر🌹 :

    ريجيم سالي فؤاد السحري

  22. نسرين بارافي :

    يسعد البك والف مبروك للعرسان وبالنسبة للنحف لاتاكلي سكريات ولا نشويات ابدا وكتري مي وخضار. وسلطات وامشي لو نصف ساعة وراح تشوفي الفرق والله يديم علينا الصحة والعافية

  23. رحيق الورود :

    الصيام المتقطع اخر وجبه الك تكون الساعه ٧ ليلا لتاني يوم الساعه ٩ صباحا معك بس مشروب شاي اخضر ومي وقهوه بدون سكر بنصحك في كتير منيح

  24. ام عمر :

    اسمعي يا اختي بنصحك اعملي تكسير دهون وريحي راسك

اترك رد

لن يتم نشر عنوان بريدك الإلكتروني.