فطاير هشة وطرية بعجينة فورية ملكة المعجنات

42 2٬822
 

فطاير هشة وطرية بعجينة فورية ملكة المعجنات

فطاير هشة وطرية بعجينة فورية ملكة المعجنات

فطاير هشة وطرية بعجينة فورية ملكة المعجنات

فطاير هشة وطرية بعجينة فورية ملكة المعجنات, معكم صديقة زاكي الشيف الموهوبة ,

المقادير

  • 5 اكواب طحين
  • ملعقة ونصف خميرة
  • 4ملاعق سكر
  • ملعقة ملح
  • ملعقة بيكنج بودر
  • ربع كوب زيت
  • ماء دافئ للعجن

الخطوات

السلام عليكم ورحمة الله كيفكن ياصبايا

من بعد تجربتي لهل عجينة الرطبة والشهية

حبيت شاركها معكم ب ماانو صار اكتر اكلاتي معجنات على أمل فوز بالمسابقة

❤والله يوفقنا جميعاً❤

بسم الله الرحمن الرحيم

يلا نبلش

بوعاء نضع الطحين والنواشف كلهم سوا

منخلطهن سوا بالملعقة ومنضيف الزيت ومنفرك العجين براحت ايدنا

ومنضيف الماء الدافئ ومنعجن ليصير عنا عجينة مابتلزق ب الايد

مندهن وعاء تاني بزيت مننقل العجينة علية ومندهن العجينة زيت ومنغطيها ومنريحها ساعة او حسب حرارة الجو انا اخدت معي ثلاث ارباع الساعه

بعد ماتخمر منقسم العجينة لكرات حسب الحجم المطلوب

ومنمدها بالشوبك ومنحشيها انا حشيتها سبانخ ومنسكر عليها متل ماظاهر بالصورة ومنكورها ومنلف عليها خيط متل ماواضح بالصور مندهن الصينية زيت ومنصف القطع ومنريحها نصف ساعه وندهن الوجة بيضة وملعقة خل ورشيتهم سمسم ونخبزهم بالفرن بعد الاستواء قصيت الخيط وسحبتو وطلع عندي الشكل يلي بالصور

والشكل التاني قطعتهم لمثلث وحشيتهم بجبنة ولفيتها رول

بتمنى تعجبكم طريقتي وتجربوها وتعطوني رأيكم بالتعليقات وشكراً لكل يلي شجعوني بحبكم كتير❤

عرض التعليقات (42)