شوربة الخضار مع الدجاج أكله شتويه وطيييبه وسريعه
شوربة الخضار مع الدجاج أكله شتويه وطيييبه وسريعه
شوربة الخضار مع الدجاج أكله شتويه وطيييبه وسريعه
المقادير
- دجاج
- الخضار المستخدمه مفرومه ناعم :
- 3 حبات بطاطا
- 4 حبات جزر
- 4 حبات كوسا
- حبة فلفل اخضر حلو
- حبة بصل
- 4 حبات فلفل اخضر حار أو حسب الرغبه
- كم سن ثوم
- ملح
- م.ص.فلفل اسود
- م.ص.كاري
- م.ص. بابريكا
- مكعب ماجي
- زيت ذره
- لتتبيلة الدجاج :
- ملح
- م.ص.فلفل أسود
- دبس رمان
- خل
- كميه من الثوم المهروس
الخطوات
السلام عليكم ويسعد أوقاتكم بالخير
اليوم بقدملكم وصفه طيبه لشوربة الخضار مع الدجاج طعم شههههي جدا وسهله وسريعه وأكله طيبه بالاجواء الشتويه ان شاء الله بتعجبكم
يلااااا نشووف الطريقه ……
& بنجهز الخضار بنقشرها وبنفرمها ناعم الكميات حسب الرغبه وممكن اضافة الخضار المفضله لديكم
& بضع زيت ذره بالطنجره وبضيف البصله والثوم وبقليهم سوا وثم بضيف الدجاج بتركه لدقائق عالنار عاليه ثم ببلش باضافة الخضار الا الكوسا بتركه لأخر شي عشان ما يذوب وبضيف البهارات وبقلبهم سوا وبتركهم شوي مع الدجاج مع التقليب ثم بضيف كميه من الماء الساخن لحتى ينغمر الدجاج معي وبتركه لحتى يغلي بوطي النار للوسط وبغطيه لحتى يستوي الدجاج بعد ما يستوي بشيله من الشوربه ( وهالخطوه اختياريه ممكن تخلوه بالشوربه بس انا حبيت اقليه بجنب الشوربه مع البطاطا )
بضيف الكوسا وبتركه لحتى يستوي مع الشوربه
وأخر شي بضيف بكيت ماجي وبزبط ملح الشوربه اذا كانت بحاجه وبضيف شعيريه اختياري ممكن ما تضيفوها
وبتركها تغلي شوي وتستوي الشعيريه وبتكون تمام وجاهزه
& الدجاج تبلته بالثوم والملح والفلفل الاسود ودبس الرمان والخل بخلطهم سوا وبدهن فيهم الدجاج وبتركه لحتى تجهز معي الشوربه ..بقليه وبقدمه مع البطاطا المقليه
ممكن تحمير الدجاج بالفرن
وهيك وصفتنا صاارت جاهزه وطيبه كثير
صحه وعافيه مقدما
دمتم بكل الخير
