المكموره الاردنيه ملكة المعجنات

15 5٬220
 

المكموره الاردنيه ملكة المعجنات

المكموره الاردنيه ملكة المعجنات

المكموره الاردنيه ملكة المعجنات

المكموره الاردنيه ملكة المعجنات, معكم صديقة زاكي الشيف الموهوبة ,

المقادير

  • طحين ابيض مخلوط بطحين قمح ٣ كاسات طحين ابيض مع ٣ كاسات طحين قمح
  • ١ ملعقه كبيره ملح
  • ٣ معالق كبيره حبة البركه
  • ٣ معالق كبيره سمسم
  • كيلو بصل شرائح
  • زيت زيتون كميه كبيره
  • دجاجه مسلوقه

الخطوات

المكموره من اطيب الوصفات التراثيه بالاردن عملتها على اصولها وجربوها وادعولي

العجينه استعملت طحين القمح الي مخلوط بطحين ابيض ٦ كاسات ازا ما لقيتي بتخلطي طحين ابيض وقمح وبتحطي عليهم ملعقه ملح و٣ معالق حبه البركه و٣ معالق سمسم بس وبتعجنيهم بمي دافيه وبتقطعيهم ٦ قطع وبتتركيهم يرتاحو وبتحضري الحشوه

بتسلقي ٤ قطع سفاين او جاجه كامله

بتقطعي كيلو بصل

بتحطي البصل بالطنجره وبتقلي مع زيت زيتون بتحطي عليه ملح وفلفل اسود وكمون وبتخليه ليدبل بتفتفتي الجاج قطع متوسطه وبتحطيهم مع البصل وبتقلبي شوي لياحد نكهه البصل والزيت وبتحطي سماق يادوب ملعقه كبيره كمان بس ما تكتري

هلاء بتدهني صينيه تيفال حوافها عاليه تكون بزيت زيتون وبترشي عليها سمسم وبتفردي اول طبقه عجين على الطاوله وبتحطيها في القاع وبتدهني وجهها دهنه زيت بعدين بتفردي القطعه التانيه وبتحطيها فوقها بدون ما تحطي حشوه بعدين بتحطي فوقها من حشوة البصل والجاج وبتغطيها بقطعه تانيه من العجين وبتعملي هاي الطبقات كلها لتخلصيهم كلهم واخر طبقه بتخزقي وجهها بالسكينه وبتغطيها بالقصدير وبتحمي الفرن وبتخليها ساعه ل ساعه ونص حسب حرارة الفرن على ١٨٠ بتتحمر من الاطراف بتشيلي القصدير وبتحمري الوجه وبتتركيها مكموره نص ساعه وبعدين بتقلبيها وبقطعيها وبتقدميها جنب اللبن وصحتين وعافيه

عرض التعليقات (15)