خبز مورق ( مسافن )

50 1٬450
 

خبز مورق ( مسافن )

خبز مورق(مسافن)

خبز مورق ( مسافن )

خبز مورق ( مسافن ) , معكم صديقة زاكي الشيف الموهوبة ,

المقادير

  • كيلو طحين
  • ملح
  • ملعقتين حبة البركه
  • ملعقتين سمسم
  • ظرف خميرة فورية
  • ماء دافئ زيت

الخطوات

السلام عليكم ورحمه الله وبركاته لأحلى صبايا

كيفكم يا احلى صبايا

عملت خبز مورق وهل نوع من الخبز كتير زاكي مع الفطور وخاصة فطور بالشتوية

بسم الله بنبلش

اول شي بنخلط المواد الجافه مع بعض بنضيف الماء بالتدرج وبنبلش نعجن زي اي نوع عجينة

واذا لزق بإيدنا بندهن أيدينا بشوية زيت مو مشكلة حتى تصير عجينة زي عجينة الفطائر

وبتركها تتخمر حوالي ساعه

حتى يتضاعف حجمها

وبعد هيك الخطوات الأهم

بنكور العجين لكور بحجم قبضة اليد تقريباً

وبنتركو يرتاح

وبعدها بنمد العجين حتى يصير رقيق جدا

طبعا حنمدو ع زيت نباتي

وبعد ما مدينا العجين بندهنو بزيت وبنطوي الأطراف زي مو موضح بالصورة وبنتركو يرتاح مرة ثانية بنعمل كل الكور وبنتركها ترتاح وبنرجع نمدها مرة ثانيه وبشكل رقيق جداً

وبعدها بنرجع نطوي أطرافها مره ثانيه

حتى تخلص الكميه كمان

وهيك بكون آخرة مرة حنمدو بصينيه الفرن بس ما نخلي رقيق بتخلي وسط السماكة

وبندخلو ع الفرن ع نار عاليه وبس يستوي بنحمرو وهيك بكون جاهز ان شاء الله تعجبكم وتجربتها

ملاحظة كل ما بدنا نطوي العجين لازم ندهن زيت حتى يبان التوريق للخبز

دعواتكم حبيباتي

كمان حاب أستعين بالصبايا من بعد اذان الادمن تمورة ربي يحفظها هي وعائلتها من كل سوء

انو تدعموني بقناتي كنت من زمان بدي افتح القناة لسا مالي كم يوم فيها بس اكيد حبيباتي بزاكي حيدعموني ولسا إمكانياتي قليلة

لهيك بدي الدعم حتى زيد فيديواتي

واكيد تشجعت اكتر لما شفت ام عمر وام جاسم وقبل بكتير سارة عطية

ربي يوفقهم جميع

اسم قناتي (أكلات وحلويات وكتير شغلات)

50 تعليقات
  1. اسمهان( ام ابراهيم) :

    يعيشو ها الايدين جودي خبز لذيذ وبيشهي
    بحب هيك نوع معجنات اكيد ع المفضلة

    1. joudi :

      تسلمي حبيبتي ان شاء الله تكون عند حسن ظنك

  2. هيام :

    ماشاءالله روعه الله يسلم اديكي بشهو

    1. joudi :

      دياتك يا عسل ❤️

  3. 🌷❤ غزل ❤🌷 :

    يسلمو ايديكي بتشهي

    1. joudi :

      هذا من زوقك الحلو غزول

  4. um saleem :

    وعليكم السلام ورحمة الله وبركاته

    يسلمو ايديكي حبيبتي ما شاء الله عليكي 😍 😍 😍.
    منظرهم بشهي وبيفتح النفس يعطيكي العافيه يارب

    1. joudi :

      يعافي قلبك حبيبتي ام سليم تسلميلي يا رب

  5. نسرين بارافي :

    ألف صحة وهنا بيشهو

    1. joudi :

      ع قلبك حبيبتي نسرين

  6. 🌷 ورود الأمل 🌷 :

    تعيش هالايدين ياجودي ..ابدعتي عن جد منظرهم بشهي وبيفتح النفس ….قيد التجربة بإذن الله ….وهي ع المفضلة وبعدها بوشي ع قناتك للاشتراك 🏃‍♀️🏃‍♀️

    1. joudi :

      دخيلو المزوق حبيبتي تسلميلي يا رب

  7. ام شام :

    يسلم دياتك يارب شكلوا طيب وبيستاهل التجربه

    1. joudi :

      ام شام كلك ذوق يا قلبي

  8. 🍒أم محمّد🍒 :

    ما شاء الله يسلم ديااتك يا رب
    مبارك القناه وربنا يوفقك ويسر امرك
    واكيد احلى اشتراك تكرمي بس بطلع بالبحث القناه ولا كيف ؟؟

    1. joudi :

      حبيبتي ام محمد تسلميلي يا قلبي
      هي رابط القناة

    2. 🍒أم محمّد🍒 :

      ااها فتحت عليها واشتركت فيها شغلك حلوو كثير وواضح يعطيكي العافيه و موفقه يا رب

    3. joudi :

      ام محمد حبيبتي مشكورة يا قلبي
      وصلني تعليقك ربي يسعدك

  9. ماما عايدة المغربية :

    صباح الخير 😘 توحشناك جودي و توحشنا وصفاتك، تبارك الله عليك وصفة اليوم شهية تشبه المسمن عندنا و هذا الأنواع من الفطائر من أشهى أنواع الفطور 😋
    الله يوفقك في قناتك و يسر أمرك إن شاء الله❤

    1. joudi :

      ماما عايدة تسلم يا عسل وانت وحشتيني يا غاليه
      ربي يسعدك ويبارك فيك

  10. ماما عايدة المغربية :

    جودي قناتك لا تظهر في البحث
    حاولي تصوري لينا الإسم

    1. joudi :

      ماما عايدة هي رابط القناة يا قلبي

    2. ماما عايدة المغربية :

      اشتركت أحبيبة و شفت 2 فيديوات و غنشوف الباقين باذن الله لما يكون عندي الوقت اتمنى لك كل التوفيق و النجاح 💝

    3. joudi :

      حبيبتي ماما عايدة تسلمي يا قمر ما بتقصري

  11. joudi :
  12. ام حمزه :

    ماشاء الله يسلمو ايديكي صحتي وعافيه عليكم

    1. joudi :

      ع قلبك حبيبتي تسلميلي

  13. فوفه🥀🥀 :

    تسلم الايادي 🌹 🌹

    وانتِ كمااان فتحتي قناه
    مبارك ان شاء الله 🌹

    1. joudi :

      اه والله يا ام علي شو حظنا ناقص ههههه
      يلا لمي الشله وروحي اشتركي واحضري فيديواتي الفزعه

    2. فوفه🥀🥀 :

      ابشررررري
      بس انا بحضر عالصامت

    3. joudi :

      ربي يسعدك ويبارك فيك يا قلبي

  14. Farah Masoud :

    تسلم الأيادي حبيبتي

    1. joudi :

      دياتك فروحة تسلميلي يا رب

  15. مايا حسين :

    تسلم ايدك

    1. joudi :

      ودياتك حبيبتي

  16. ❤ام محمد❤ :

    عوافي يارب ع قلوبكم

    1. joudi :

      يسلملي قلبك ام محمد الغاليه

  17. ام علاء ابو يحيى :

    تسلم الايادي بشهووووو
    الف مبروك على القناه ان شاء الله بالتوفيق رح ابحث عنها واشوفها واشترك فيها باذن الله…تكرمي اخت جودي

    1. joudi :

      حبيبة قلبي تسلميلي كل زوق وما بتقصري يا قلبي

    2. joudi :

      ربي يبارك فيك

  18. 🌟🌟ياسمييين🌟🌟 :

    جودي يسلم دياتك

    1. joudi :

      دياتك يا سمينتي ربي يسعدك

  19. 🌟🌟ياسمييين🌟🌟 :

    هيني رايحة شوف القناة وبشترك أن شاء
    بس ما بعلق …ولا يهمك حبيبتي

    1. joudi :

      ما بتقصري يا قلبي ربي يسعدك يا عسل

  20. 🌺 القدس عربية 🌺 :

    أم نبيل
    ما شاء الله عنك يعيشوا هالايدين ويعطيكي ألف عافية

    1. joudi :

      ام نبيل يعيشو محبينك يا قلبي تسلميلي

  21. إم مصطفي 😉 :

    وعليكم السلام ورحمة الله وبركاته 🌹

    ما شاء الله عليكي يا قلبي روووووعه صحه وعافيه يارب 😍😘

    موفقه بالقناه إن شاء الله 👍

    1. joudi :

      حبيبتي ام مصطفى ربي يسعدك ويبارك فيك يا قلبي

اترك رد

لن يتم نشر عنوان بريدك الإلكتروني.