مجدرة الأرز بطريقتي طعم راائع ملكة التوفير

42 1٬216
 

مجدرة الأرز بطريقتي طعم راائع ملكة التوفير

مجدرة الأرز بطريقتي طعم راائع ملكة التوفير

مجدرة الأرز بطريقتي طعم راائع ملكة التوفير

مجدرة الأرز بطريقتي طعم راائع ملكة التوفير , معكم صديقة زاكي الشيف الموهوبة ,

المقادير

  • أرز قصير الحبه
  • عدس حب
  • 2 حبة بصل وسط مفرومين
  • 5 سنون ثوم مفرومين
  • ملعقتين سمنه
  • زيت ذره وممكن زيت زيتون
  • ملح
  • فلفل أسود
  • بكيت ماجي
  • كاري
  • كمون
  • كركم
  • للتزين :
  • شرائح من البصل المقلي

الخطوات

السلام عليكم ويسعد أوقاتكم بكل خير يا رب

بما انه المسابقه للتوفير فاكيد المجدره راح تكون موجوده بالمسابقه أكله طيبه وزاكيه وموفره وحبيت اقدملكم طريقتي فيها لانه الها اكثر من طريقه..مرات بعملها بالبصل لحاله او بالثوم لحاله بس هالمره حبيت اعملها بالنكهتين الثوم والبصل وبالفعل طلعت كثيير طيبه ان شاء الله بتعجبكم

يلااا نشوف الطريقه ….

& المقادير حسب الرغبه او عدد العيله للارز والعدس انا استخدمت كيلو الا ربع ارز والعدس اقل من نص كيلو ..والبهارات كميتها حسب الرغبه

اعذروني ما صورت الخطوات كامله للوصفه

& بغسل العدس وبغمره بالماء وبضعه عالنار وسط لحتى يغلي بضيفله ملح وفلفل اسود وكمون وكاري وبتركه لحتى يستوي

& بنفس الطنجره يلي راح نطبخ فيها المجدره بضيف زيت ذره وبقلي البصل الشرائح للتزين عشان استغل طعم البصل بالزيت وبعد ما يتحمر البصل بشيله عالفاين مطبخ لوقت التزين

بعدين بضيف ملعقتين سمنه عالزيت يلي قليت فيه بصل وبضيف عليهم البصل وبقليه وثم بضيف الثوم وبقلبهم لحتى ياخذو لون وبضيف بكيت الماجي لحتى يذوب بضيف الارز المغسول والمنقوع مسبقا وبضيفله القليل من الملح والفلفل والكاري والكركم وبقلبهم سوا ثم بضيف العدس مع الماء يلي معه وبقلبهم واذا ماء العدس ما غمرت الارز بزيد ماء عاديه لحتى ينغمر الارز وبتركه عالنار عاليه لحتى ينزل مستوى الماء بوطي الغاز لحتى يستوي تماما ..بشيل من العدس شوي عالجنب للتزين وهالحركه اختياريه ممكن الاستغناء عنها

& العدس يلي للتزين بقليه بزيت زيتون وبضيف عليه رشة ملح وكاري وكركم وبقليهم سوا

& وطبعا ممكن طبخ المجدره بزيت الزيتون اختياري حسب الرغبه

وهيك طبختنا صارت جاهزه ان شاء الله بتجربوها وبتعجبكم ..وااكيد الكل بعرف الطريقه وما عليكم زود بس حبيت اقدملكم طريقتي لعل احد الاخوات يستفيد من الطريقه او اضيف اي جديد عالوصفه …بعد ما تجهز المجدره بقدمها وبزينها بالعدس والبصل المقلي وبقدمها مع السلطه واللبن

وصحه وعافيه مقدما

دمتم بكل الخير

42 تعليقات
  1. إم مصطفي 😉 :

    وعليكم السلام ورحمة الله وبركاته 🌹

    ما شاء الله عليكي يا غاليه صحه وعافيه يارب بتشهيييي كتير 😍😘💞

    1. 🍒أم محمّد🍒 :

      الله يسعد قلبك ويسلمك يا رب

  2. ماما عايدة المغربية :

    الله يعطيك الصحة 😍😍 أكلة شهية بمكونات بسيطة ❤ بالتوفيق في المسابقة

    1. 🍒أم محمّد🍒 :

      الله يسعدك يا رب صحيح اكله كثير طيبه

  3. إم الحلوين :

    يسعد صباحك🌸
    يسلمو الايادي المعدلات صحه وهنا

    1. 🍒أم محمّد🍒 :

      اهلا ام الحلوين ربنا يسلمك ويسعدك يا رب

  4. فوفه🥀🥀 :

    حتى المجدره طالعه معك لوحه فنيه

    مارح اقلك الا الله يباركلك بصحتك وعافيتك 🌼 🌹 🌹 تسلم ايدك

    1. 🍒أم محمّد🍒 :

      يسعد قلبك ويجبر بخاطرك ام علي
      اللهم امين ولكِ بالمثل

  5. samaher :

    بجد منظرها بشهي يسلم هالايدين ههههههواليوم والله غدانا مجدره

    1. 🍒أم محمّد🍒 :

      الله يسعدك يا رب
      وصحه وعافيه يا رب

  6. هيام :

    تسلم اديك انشالله صحه وهنا

    1. 🍒أم محمّد🍒 :

      الله يسلمك يا رب

  7. 🌹 ايمان 🌹 :

    ما شاء الله صحتين

    1. 🍒أم محمّد🍒 :

      الله يسلمك يا رب

  8. 🌷❤ غزل ❤🌷 :

    صحتين وعافيه

    1. 🍒أم محمّد🍒 :

      الله يعافيكي ويسعدك يا رب

  9. م.دانا محمد :

    يسلمو ايديكي…صحة وعافية

    1. 🍒أم محمّد🍒 :

      الله يسلمك ويسعدك يا رب

  10. nawal :

    من اطيب الاكلات إن شالله صحة وهنا

    1. 🍒أم محمّد🍒 :

      الله يسعدك بالخير يا رب

  11. joudi :

    يا جمالو يا جمالو صحة وعافية

    1. 🍒أم محمّد🍒 :

      الله يعافي قلبك ويسعدك يا رب

  12. رذاذ المطر 💦💦 :

    يا جمال المجدره من تحت دياتك

    1. 🍒أم محمّد🍒 :

      الله يسعدك بكل الخير يا رب

  13. 💙أّمَ حٌمَزِّةّ💙 :

    أّلَلَهِ يَِّّسلَمَ أّيِّدِيِّګ يِّأّ غٌأّلَيِّهِ
    طّلَعٌهِ مَعٌګ أّشٍيِّ مَنِ أّلَأّ خَر
    دِمَتّيِّ بِګلَ خَيِّر

    1. 🍒أم محمّد🍒 :

      الله يسلم قلبك ويسعدك يا رب

  14. 🦋ام سليم 🦋 :

    وعليكم السلام ورحمة الله وبركاته

    تسلم ايديكي ام محمد الغالية ♥️
    وصفة سهلة ولذيذة
    ومتعددة المزايا ممكن نستعمل بدل الارز البرغل الخشن كمان
    لس ما شاء الله منظر الطبق خراااااافي 😍 😍 😍

    1. 🍒أم محمّد🍒 :

      الله يسعدك ويسلمك من كل شر يا رب
      اه مع البرغل ازكى وازكى
      نورتيني

  15. ام علاء ابو يحيى :

    تسلم ايدك حبيبتي ام محمد من اطيب الاكلات ومع السلطه واللبن قيمه غذائيه متكامله…الف صحه وهنا

    1. 🍒أم محمّد🍒 :

      الله يسلمك ويعافيكي يا رب ..اه والله اكله كامله مكمله نورتيني

  16. خواطر :

    تسلم دياتك والف صحه وهنا ♥️

    1. 🍒أم محمّد🍒 :

      الله يعافي قلبك ويسعدك يا رب

  17. اسمهان( ام ابراهيم) :

    ماشاء الله يسلمو ايديكي ام محمد شي بيشهي مأكول الهنا يا رب

    1. 🍒أم محمّد🍒 :

      الله يعافي قلبك ويسعدك يا رب

  18. ريحانة🌿 :

    وعليكم السلام ورحمة الله
    صحتين وعافية🌹

    1. 🍒أم محمّد🍒 :

      الله يعافي قلبك ويسعدك يا رب

  19. ام بسام :

    صحه وهنا

    1. 🍒أم محمّد🍒 :

      الله يسعدك يا رب

  20. Farah Masoud :

    أطيب اكلة
    صحتين وهنا

    1. 🍒أم محمّد🍒 :

      الله يسعدك ويسلمك يا رب

  21. أم جود :

    وعليكم السلام…
    عواااافي على قلبك…بتشهههههي وانا بحبها كثير…يسلم ايديكِ يا رب

    1. 🍒أم محمّد🍒 :

      الله يسلمك ويسعدك يا رب

اترك رد

لن يتم نشر عنوان بريدك الإلكتروني.