مسقعة الباذنجان سهلة واقتصادية ملكة التوفير
مسقعة الباذنجان سهلة واقتصادية ملكة التوفير
المقادير
- نص كيلو باذنجان اسود حجم كبير
- بندورة نص كيلو
- 200 غرام لحم ناعم مفروم
- بهار سادة مطحون
- ملح
- حبة بصلة
- سن ثوم
- حبة فلفل حار
- نص كاسة زيت
- ملح
الخطوات
بسم الله الرحمن الرحيم
يسعد اوقاتكم احلا شيفات طبختنا اليوم سهلة واقتصادية وسريعة التحضير جربوها طعم ولا اروع
أول خطوة بنقشر الباذنجان وبنقطعو مكعبات وبنفرم البصل والثوم والفلفل وبنحط الزيت بطنجرة وبس يسخن الزيت لتضيف البصل والثوم والفلفل وبنقلبهم لحتا يتحمر البصل بنضيف عليهن اللحمة وبقلبهن وبس يتغير لون اللحمة بنضيف البهارات وبنقبلهم وبنضيف الباذنجان ونقلبهن مع بعض وبنتركو خمس دقائق ويضيف البندورة المبروشة والملح وبنتركهن لحتا تتسبك وان شالله يارب تعجبكم وان شالله صحة وهنا
ألف صحه وهنا على قلبكن انشالله
يسلمو ايديكي
يسلمووو ديادك يا عسل صحه وعافيه يارب بتشهييي كتير 😘😍💞
يسلمو ايديكي
يسلم ديااتك يا رب
ماشاء الله يسلمو هالايدين شكلو بشهي…
صحه وهنا نفس طريقتي بس انا ما بحط لا توم ولا فلفل حار عشان اللولاد
تسلم ايدك ع التقديم الحلو
تبارك الله عليك باينة لذيذة 😋 بصحتكم
يِّأّ َّسلَأّمَ أّلَمَنِظّر أّلَخَضّأّر بِشٍهِيِّ
تَّّسلَمَ أّيِّدِيِّګ يِّأّ مَعٌدِلَهِ
يعطيكي العافيه منظرها بيشهي كتير. والاحلى أنها بدون قلي
تسلم الأيادي 😍 😍 😍 صحتين وعافية يارب
تسلم ايدك
عندي فضول اتعرف عليكِ نوال
ممكن!؟
تفضلي حبيبتي اهلا وسهلا أنا سورية أم لثلاثة أولاد وبنت وساكنة حاليا بالاردن الله يفرجها علينا ونرجع عابلدنا
حياك الله.. ببلدك الثاني
يارب ترجع سوريا زي اول واحسن
كانت جنه
امين يارب الله يسمع منك وحضرتك من وين
فلسطينيه عايشه بالاردن ومولوده فيه لذلك بحب الاردن كثير
عندي ولد وبنت
الله يحمي اولاد الجميع 💐
الله يحميلك ياهن واهلاوسهلا بيكي وبكل أهل فلسطين كلنا عرب ومسلمين
يسلم دياتك والف صحهه وهناا ♥️
تسلم ايدك حبيبتي سفرتك سهله وبسيطه واقتصاديه وشكلها بفتح النفس الف صحه وهنا
يسلمو ايديكي طيبة طيبة ان شاء الله صحة وهنا ع قلبكن
هنا وعوافي 🌹
تسلم الأيادي حبيبتي