محاشي معشوق الجماهير

14 1٬256
 

محاشي معشوق الجماهير

محاشي معشوق الجماهير

محاشي معشوق الجماهير

محاشي معشوق الجماهير, معكم صديقة زاكي الشيف الموهوبة ,

المقادير

  • أربعة كيلو كوسا
  • 2كيلو باذنجان
  • بندورة ثلاث كيلو
  • رز قصير الحبة ست كاسات كبار
  • لحمة مدهنة كيلو
  • بهار سادة مطحون
  • ملح
  • ملعقة كبيرة سمنة

الخطوات

يسعد اوقاتكم اكيد طبخة المحاشي معروفة للكل ولكن كل شخص الو بصمتو بيها اول شي بنحفر الكوسا والباذنجان وبغسلن بمي وبصفيهن منيح ويقطع البندورة وبحط إلها ملح وبمرسها مع الملح وبتركها لحتا احضر الحسوة بغسل الرز منيح بمي سخنة وبصفيه ويضيف عليه اللحمة وملعقة السمنة والملح والبهار وبعصر عليها كاسة من مئة البندورة وبخلطهن منيح وبحشي الخضرة أنا بحط كم عظمة بسفل الطنجرة وبصف المحاسي بيها وبس تخلص الكمية بحط شي ثلاث كاسات مي سخنة وبضيفها المحاسي وبحطها عالنار تغلي لحتا اصفي البندورة واحطها بطنجرة وبس تغلي بضيفها المحاسي وبضيف الثوم المهروس وبغطيها

قبل الاستواء بعشر دقائق بضيف النعناع الناشف

وبتركها تغلي غلوتين ولطفي عليها وان شالله صحة وهنا الله يديم النعمة علينا ويحفظها من الزوال

14 تعليقات
  1. ماما عايدة المغربية :

    تبارك الله عليك 😍 و بصحتك و راحتك

  2. إم مصطفي 😉 :

    صحه وعافيه يارب بشهوووو😍😘

  3. samaher :

    صحتين وعافيه احنا اليوم غدانا ملفوف

    1. اسمهان( ام ابراهيم) :

      صحتين وعافية سماهر شي بيشهي بلتلج اكلة شتوية

  4. اسمهان( ام ابراهيم) :

    يمي يمي الذ اكلة ولا اطيب يسلمو ايديكي حبيبتي

  5. أية 🌹 :

    يسلم دياتك ما شاء الله بيشهو

  6. هيام :

    ألف صحه وهنا انشالله

  7. م.دانا محمد :

    فعلا لا غنى عن المحاشي…تسلم ايديك👍

  8. 💙أّمَ حٌمَزِّةّ💙 :

    الله يسلم ايديك اشي بشهي

  9. 🌷❤ غزل ❤🌷 :

    صحتين وعافيه

  10. ريحانة🌿 :

    صحتين وهنا يا رب🌹

  11. Farah Masoud :

    صحتين وعافية يارب

  12. 🌹 ايمان 🌹 :

    صحتين ما شاءالله

  13. 🍒أم محمّد🍒 :

    يسلم دياتك يا رب وصحه وعافيه

اترك رد

لن يتم نشر عنوان بريدك الإلكتروني.