طريقة عمل مخلل اللفت ملكة التوفير

طريقة عمل مخلل اللفت ملكة التوفير
المقادير
- 2كيلو لفت متوسط او صغير الحبه
- حبة شمندر
- ملح
- سكر
- خل
- ثوم
- فلفل خسب الرغبه
الخطوات
بسم الله الرحمان الرحيم
السلام عليكم ورحمة الله وبركاته
ان شاء الله الجميع بالف خير وصحه وسلامه وهمه عاليه
قدمت قبل فتره الطرق الصحيحه للتخليل واليوم حبيت اشارك بالمسابقه بما انها عن التوفير والتوفير الحقيقي هو انك تستغلي السلعه المتوفر بالسوق بكثره وتفرزيها اوتخلليها او تجففيها حتى تستفيدي منها واليوم حبيت اشاركم بوصفة مخلل اللفت لانه متواجد بكثره هذه الايام
اول شي بنظفه مزبوط وبغسله عدة مرات هون بدك تراعي اذا بدك اللفت يطول عندك بامكانك تخلليه حب مثل ما هو طبعا بتختاري الحبات اللطيفه وبتبتعدي عن الحبات الكبيره مع اني عامله اكمن حبه كبار واذا بدك اياه يكون سريع بتقطعيه والتقشير حسب الرغبه اما بتقشريه او بتتركيه بقشره
اما طريقة التخليل كالاتي مثل اي مخلل
بقطع اللفت وبرشه بكميه من الملح وبتركه يتزل ميته لثاني يوم او لمدة ست ساعات وبغسله من الملح وبعبيه بالمرطبان وبقطع معه حبة البنجر او الشمندر حتى نحصل على اللون الاحمر الطبيعي الجميل ونبتعد عن الصبغات اولادنا امانه برقابنا قد ما نقدر نساعدهم
طبعا بحضر المي والملح كل كاسة مي الها ملعقة ملح مليانه وبذوبهم مع بعض وبضيف معلقة خل ومعلقة سكر وبامكانك تستغني عنهم وعشاق الثوم والفلفل بامكانهم يضيفوه للمخلل حسب رغبتهم
طبعا اللفت الحب عبيته بالمرطبان وضفتله قطع البنجر لاعطائه اللون الجميل وبقوم بغمرم بالمحلول الملحي وبضيف شوية زيت على وجه المرطبان وبقفله جيدا
اذا ضبطي الملح واقفلتي كويس رح تضمني باذن الله اجمل مخلل طبعا اللفت المقطع بسرعه بستوي اما الحب بده وقت هذه اذا بدك يطول بتتركيه حب وبتقطعيه عند الاستخدام
سامحوني على الاطاله
استودعتكم لله يا احلى خوات وصديقات ربي يحفظكم ويحقق لكل وحده فيكم ما تتمنى
مرحبا معلش ام جاسم زمان ما نزلت اشي حبيت اسال عنها
ام جاسم عندها قناه ومشغوله فيها ربي يوفقها ويكرمها وتصل مية الف مشترك
تسلم دياتك مأكول الهنا انشالله
تسلمي حبيبتي ربي يكرمك
ماشاء الله يسلموا ايدكي مأكول الهنا يارب
تسلمي حبيبتي ربي يسعد قلبك
ماشاء الله
الله يعطيكي الصحه والعافيه
الله يعافي قلبك
وعليكم السلام ورحمة الله وبركاته 🌹
رووووعه صحه وعافيه يارب كتير بشهيييي هالمخلل😍😘
تسلمي حبيبتي ربي يكرمك
يعطيكي الف عافيه
الله يعافي عمرك
انا من عشاق اللفت والمخللات يسلمو ايديكي
صحه وهنا حبيبتي تسلمي
زااكي كثير هالمخلل ربنا يسلم دياتك ويكرمك بكل خير يا رب
ربي يسعد قلبك ويكرمك حبيبتي ام محمد🌹🌹
تسلم ايدك ام علاء
يسلمو ايديكي يا قلبي 💖
ربي يسلم عمرك حبيبتي تسلمي🌹
يسلمو ايديكي ويعطيكي العافية ❤
الله يعافي قلبك حبيبتي ام عمر🌹
وعليكم السلام ورحمة الله وبركاته
ربي يسلم هالديات
وصحتين وعافية 🌹
تسلمي حبيبتي ربي يسعد قلبك
وعليكم السلام ورحمة الله.. تسلم الايادي 🌹
تسلمي حبيبتي ربي يكرمك
وعليكم السلام ورحمة الله وبركاته
طريقة سهلة حبيييييت 🤗 🤗
ان شاء الله نجربها
تسلم ايديكي حبيبتي ❤️ ❤️
تسلمي حبيبتي ربي يكرمك جربيها رووووعه
وعليكم السلام ورحمه الله
يسلم ايديكي دائما مبدعة ربي يبارك فيكي يا غالية❤️❤️❤️
ربي يسلم عمرك حبيبتي زهور يسعدلي قلبك🌹🌹
يسلمو ايدك حبيبتي انا بعملو بنفس طريقتك وصحة وهنا
صحه على قلبك حبيبتي نوال تسلميلي يا رب🌹🌹
يالله ياخالتو شو بفرح وقت بشوف وصفاتك
بحس انهم من الزمن الجميل بالنكهة والمنظر
صحتين والف هنا ياقلبي
حبيبتي ربي يجمل ايامك بالسعاده والخير ويفرحك على طول انا متعمد احيانا بعمل وصفات قديمه حتى اربط الماضي بالحاضر وبنفس الوقت بعمل الوصفات الجديده كثير🌹🌹
ماشاءالله بيشهو تسلم اناملك
تسلمي يا ورده