طريقة عمل مخلل اللفت ملكة التوفير

35 9٬537
 

طريقة عمل مخلل اللفت ملكة التوفير

طريقة عمل مخلل اللفت ملكة التوفير

طريقة عمل مخلل اللفت ملكة التوفير

طريقة عمل مخلل اللفت ملكة التوفير, معكم صديقة زاكي الشيف الموهوبة ,

المقادير

  • 2كيلو لفت متوسط او صغير الحبه
  • حبة شمندر
  • ملح
  • سكر
  • خل
  • ثوم
  • فلفل خسب الرغبه

الخطوات

بسم الله الرحمان الرحيم

السلام عليكم ورحمة الله وبركاته

ان شاء الله الجميع بالف خير وصحه وسلامه وهمه عاليه

قدمت قبل فتره الطرق الصحيحه للتخليل واليوم حبيت اشارك بالمسابقه بما انها عن التوفير والتوفير الحقيقي هو انك تستغلي السلعه المتوفر بالسوق بكثره وتفرزيها اوتخلليها او تجففيها حتى تستفيدي منها واليوم حبيت اشاركم بوصفة مخلل اللفت لانه متواجد بكثره هذه الايام

اول شي بنظفه مزبوط وبغسله عدة مرات هون بدك تراعي اذا بدك اللفت يطول عندك بامكانك تخلليه حب مثل ما هو طبعا بتختاري الحبات اللطيفه وبتبتعدي عن الحبات الكبيره مع اني عامله اكمن حبه كبار واذا بدك اياه يكون سريع بتقطعيه والتقشير حسب الرغبه اما بتقشريه او بتتركيه بقشره

اما طريقة التخليل كالاتي مثل اي مخلل

بقطع اللفت وبرشه بكميه من الملح وبتركه يتزل ميته لثاني يوم او لمدة ست ساعات وبغسله من الملح وبعبيه بالمرطبان وبقطع معه حبة البنجر او الشمندر حتى نحصل على اللون الاحمر الطبيعي الجميل ونبتعد عن الصبغات اولادنا امانه برقابنا قد ما نقدر نساعدهم

طبعا بحضر المي والملح كل كاسة مي الها ملعقة ملح مليانه وبذوبهم مع بعض وبضيف معلقة خل ومعلقة سكر وبامكانك تستغني عنهم وعشاق الثوم والفلفل بامكانهم يضيفوه للمخلل حسب رغبتهم

طبعا اللفت الحب عبيته بالمرطبان وضفتله قطع البنجر لاعطائه اللون الجميل وبقوم بغمرم بالمحلول الملحي وبضيف شوية زيت على وجه المرطبان وبقفله جيدا

اذا ضبطي الملح واقفلتي كويس رح تضمني باذن الله اجمل مخلل طبعا اللفت المقطع بسرعه بستوي اما الحب بده وقت هذه اذا بدك يطول بتتركيه حب وبتقطعيه عند الاستخدام

سامحوني على الاطاله

استودعتكم لله يا احلى خوات وصديقات ربي يحفظكم ويحقق لكل وحده فيكم ما تتمنى

35 تعليقات
  1. ام شهم :

    مرحبا معلش ام جاسم زمان ما نزلت اشي حبيت اسال عنها

    1. ام علاء ابو يحيى :

      ام جاسم عندها قناه ومشغوله فيها ربي يوفقها ويكرمها وتصل مية الف مشترك

  2. هيام :

    تسلم دياتك مأكول الهنا انشالله

    1. ام علاء ابو يحيى :

      تسلمي حبيبتي ربي يكرمك

  3. ام شام :

    ماشاء الله يسلموا ايدكي مأكول الهنا يارب

    1. ام علاء ابو يحيى :

      تسلمي حبيبتي ربي يسعد قلبك

  4. 🌹 ايمان 🌹 :

    ماشاء الله
    الله يعطيكي الصحه والعافيه

    1. ام علاء ابو يحيى :

      الله يعافي قلبك

  5. إم مصطفي 😉 :

    وعليكم السلام ورحمة الله وبركاته 🌹

    رووووعه صحه وعافيه يارب كتير بشهيييي هالمخلل😍😘

    1. ام علاء ابو يحيى :

      تسلمي حبيبتي ربي يكرمك

  6. 🌷❤ غزل ❤🌷 :

    يعطيكي الف عافيه

    1. ام علاء ابو يحيى :

      الله يعافي عمرك

  7. samaher :

    انا من عشاق اللفت والمخللات يسلمو ايديكي

    1. ام علاء ابو يحيى :

      صحه وهنا حبيبتي تسلمي

  8. 🍒أم محمّد🍒 :

    زااكي كثير هالمخلل ربنا يسلم دياتك ويكرمك بكل خير يا رب

    1. ام علاء ابو يحيى :

      ربي يسعد قلبك ويكرمك حبيبتي ام محمد🌹🌹

  9. ام شهم :

    تسلم ايدك ام علاء

  10. ام ملك.... :

    يسلمو ايديكي يا قلبي 💖

    1. ام علاء ابو يحيى :

      ربي يسلم عمرك حبيبتي تسلمي🌹

  11. ام عمر :

    يسلمو ايديكي ويعطيكي العافية ❤

    1. ام علاء ابو يحيى :

      الله يعافي قلبك حبيبتي ام عمر🌹

  12. ريحانة🌿 :

    وعليكم السلام ورحمة الله وبركاته
    ربي يسلم هالديات
    وصحتين وعافية 🌹

    1. ام علاء ابو يحيى :

      تسلمي حبيبتي ربي يسعد قلبك

  13. فوفه🥀🥀 :

    وعليكم السلام ورحمة الله.. تسلم الايادي 🌹

    1. ام علاء ابو يحيى :

      تسلمي حبيبتي ربي يكرمك

  14. 🦋ام سليم 🦋 :

    وعليكم السلام ورحمة الله وبركاته

    طريقة سهلة حبيييييت 🤗 🤗

    ان شاء الله نجربها

    تسلم ايديكي حبيبتي ❤️ ❤️

    1. ام علاء ابو يحيى :

      تسلمي حبيبتي ربي يكرمك جربيها رووووعه

  15. زهورر⁦❤️ :

    وعليكم السلام ورحمه الله
    يسلم ايديكي دائما مبدعة ربي يبارك فيكي يا غالية⁦❤️⁩⁦❤️⁩⁦❤️⁩

    1. ام علاء ابو يحيى :

      ربي يسلم عمرك حبيبتي زهور يسعدلي قلبك🌹🌹

  16. nawal :

    يسلمو ايدك حبيبتي انا بعملو بنفس طريقتك وصحة وهنا

    1. ام علاء ابو يحيى :

      صحه على قلبك حبيبتي نوال تسلميلي يا رب🌹🌹

  17. ❤ام محمد❤ :

    يالله ياخالتو شو بفرح وقت بشوف وصفاتك
    بحس انهم من الزمن الجميل بالنكهة والمنظر
    صحتين والف هنا ياقلبي

    1. ام علاء ابو يحيى :

      حبيبتي ربي يجمل ايامك بالسعاده والخير ويفرحك على طول انا متعمد احيانا بعمل وصفات قديمه حتى اربط الماضي بالحاضر وبنفس الوقت بعمل الوصفات الجديده كثير🌹🌹

  18. نسرين بارافي :

    ماشاءالله بيشهو تسلم اناملك

    1. ام علاء ابو يحيى :

      تسلمي يا ورده

اترك رد

لن يتم نشر عنوان بريدك الإلكتروني.