خبيزه بالبصل والزيت البلدي من اطيب الاكلات الشتويه ملكة التوفير

38 1٬132
 

خبيزه بالبصل والزيت البلدي من اطيب الاكلات الشتويه ملكة التوفير

خبيزه بالبصل والزيت البلدي من اطيب الاكلات الشتويه..ملكة التوفير

خبيزه بالبصل والزيت البلدي من اطيب الاكلات الشتويه ملكة التوفير

خبيزه بالبصل والزيت البلدي من اطيب الاكلات الشتويه ملكة التوفير, معكم صديقة زاكي الشيف الموهوبة ,

المقادير

  • خمس باقات من الخبيزه
  • حبتين بصل
  • كاسه صغيره من زيت الزيتون
  • ملح
  • فلفل اسود
  • القليل من الماء اذ لزم الامر ليمون

الخطوات

السلام عليكم

بسم الله الرحمان الرحيم

كيفكم صبايا…ان شاء الله الجميع بالف الف خير

طبختنا اليوم سهله ولذيذه وذات قيمه غذائيه عاليه ومن الطبخات الشتويه المعروفه وكانت غذاء ودواء للاجداد كانت تاكل ويعالح بها المرضى من الالتهابات وغالبية الامراض

تعالو نشوف الطريقه السهله البسيطه غالبيتكم بعرفها لكن تبادل الخبرات حق علينا حتى نفيد بعض ولو بالقليل

في البدايه بنظف الخبيزه من الاوراق المصفره والغير صالحه وبنفرمها وبنغسلها اكثر من مره بالماء حتى نتاكد انها نظفت تماما وبنصفيها وبنحضرها للطبخ

في طنجره على النار نضع البصل وزيت الزيتون على نار وسط حتى ما يتاكسد الزيت وبنحرك جيدا ولما يتذبل البصل بنضيف الخبيزه بالتدريج مع التحريك المستمر حتى تتذبل تماما وبنضيف الملح والفلفل الاسود وبنحركه مزبوط وبنوطي النار شوي وبنغطي الطنحره حتى ينضج تماما وبسكبه وبزينه بالشطه والليمون وبعصر عليه الليمون وبقدمه معالخبز الساخن و الشوربات والمخللات او لوحده

الف صحه وهنا

استودعتكم لله الذي لا تضيع ودائعه

حفظكم المولى وابعد عن الامراض والمخاطر وكل مكروه

38 تعليقات
  1. زهورر⁦❤️ :

    وعليكم السلام ورحمه الله
    يا عيني عليكي الف صحة وهنا يارب⁦❤️⁩
    نفس طريقتي بس احيانا بضيف بندورة لتعطي حموضة طيبة 😋😋😋

    1. ام علاء ابو يحيى :

      الله يكرمك حبيبتي زهورتسلمي يا رب وانا احيانا بحطلها حبة بندوره كله بصير💖💕

  2. nawal :

    ماشالله يسلمو ايديكي التقديم روعة بيشهي هالصحن

    1. ام علاء ابو يحيى :

      تسلمي حبيبتي نوال كلك زوق ربي يكرمك💖💕

  3. 🌹 ايمان 🌹 :

    الله يحفظك أخت أم علاء
    طريقه جديده علي رح جربها

    1. ام علاء ابو يحيى :

      تسلمي حبيبتي ايمان جربيها كثريلها زيت زيتون وبصل وليمون وشوفي ما اطيبها عدا عن فوائداها الرائعه💖💕

  4. أية 🌹 :

    يسلم دياتك وصحى وهنا نفس طريقة أمي الله يطول عمرها وكمان بتعملها مع برغل

    1. ام علاء ابو يحيى :

      تسلمي حبيبتي ايه الخبيزه الها طريقتين هذه الطريقه اسمها حوس بالبصل والزيت الطريقه القانيه بتكون سائل مثل الملوخيه بستخدمولها مفراك الخشب وبحطولها برغل او مفتول او رز كل واحد وحسب عاداته

  5. إم مصطفي 😉 :

    وعليكم السلام ورحمة الله وبركاته 🌹

    تسلم ديادك يا غاليه صحه وعافيه يارب بتشهييي كتير ومفيده 😍😘

    1. ام علاء ابو يحيى :

      تسلمي حبيبتي ربي يسعد قلبك ويكرمك🌹🌹🌹

  6. ❤ام محمد❤ :

    ياالله ياخالتو شو بحب هالاكلة
    يسلمو ايديكي ويعطيكي الف الف عافية
    وصحتين والف هنا
    واكيد ع المفضلة 👍

    1. ام علاء ابو يحيى :

      تسلمي حبيبتي اعمليها طيبه وقيمتها الغذائيه عاليه صحه وهنا مقدما 💖💕

  7. 🍒أم محمّد🍒 :

    بتشهههي هالاكله ومتميزه دائما بالاجواء الشتويه يسلم ديااتك يا رب

    1. ام علاء ابو يحيى :

      الله يسلم قلبك حبيبتي ام محمد ويسعدك💖💕

  8. ام ملك.... :

    يسلمو ايديكي حبيبتي ام علاء
    ما شاء الله عليكي 💖

    1. ام علاء ابو يحيى :

      تسلمي حبيبتي ام ملك يسعدلي قلبك💖💕

  9. فوفه🥀🥀 :

    آمين لدعواتك الطيبه🌼
    تسلم ايدك 🌹

    1. ام علاء ابو يحيى :

      الله يسلمك ويحفظك ام علي💖💕

  10. هيام :

    صحتين وعافيه انشالله

    1. ام علاء ابو يحيى :

      على قلبك حبيبتي تسلمي❤

  11. 🌺 القدس عربية 🌺 :

    أم نبيل
    يسلمو ايديكي ويعطيكي ألف عافية وصحتين وهنا ع قلوبكم زاكيه هالاكله كتيييير

    1. ام علاء ابو يحيى :

      تسلمي حبيبتي ام نبيل يسعد قلبك ❤

  12. samaher :

    بموت فيها الخبيزه وكثير بطبخها صحه وهنا عقلبكم

    1. ام علاء ابو يحيى :

      وصحه وهنا على قلبك حبيبتي تسلمي ربي يكرمك💖💕

  13. 🦋ام سليم 🦋 :

    وعليكم السلام ورحمة الله وبركاته

    يا ويلي شو بعشق هالاكلة كنت اطلع مع تيتا الله يرحمها نقطفها ونقطف الهندبة والحويرنة
    الله عليكي ذكرتيني باجمل الأيام

    تسلم ايديكي يا عسل 😘 😘
    وصحه وعافيه عليكم

    1. ام علاء ابو يحيى :

      الله يرحم تيتك وكل التيتات ما اجملهم واجمل ايامهم كانو كلهم حنيه وعطف واجمل مشاويرنا كانت معهم ربي يجمعنا فيهم بالفردوس الاعلى بصحبة سيدنا وحبيبنا محمد عليه الصلاة والسلام

    2. 🦋ام سليم 🦋 :

      آمين يارب العالمين

      الله يرحم جميع اموات المسلمين والمسلمات ويجمعنا فيهم بالفردوس الأعلى من الجنة يارب

      وانتي اكيد ما شاء الله عليكي اجمل واحن والطف تيتا لاحفادك ربي يحفظلك إياهم 😘 😘

  14. ام شام :

    عوافي وهنا الغربه حرمتنا كل هالاكلات
    ولللاسف ولادنا ماكبرو على فوائد هيك طبخات

    1. ام علاء ابو يحيى :

      وعليكم السلام حبيبتي ام معتز
      كيفك طمنبنا عنك اشتقنالك يا ورده
      كيف الصغار ان شاء الله بخير
      اه حبيبتي الخبيزه الها طريقتين الاولى سائله مثل الملوخيه مع مفنول او رز حسب الرغبه والثانيه حوس مثل هذه الطريقه

    2. ام علاء ابو يحيى :

      تسلمي حبيبتي ام شام الغربه ما الها دخل الجيل الطالع كله رافض الاكلات البلديه الاضليه حتى السمن البلدي والبيض البلدي والجاج البلدي عندي برقضوه حتى الخبيزه ما اكل منها الا انا وابوهم مع انها طيبه كثير

    3. ام شام :

      اي والله معك حق هاد جيل البرجر والبيتزا
      الله يهديهم

  15. ام معتز 🍯 :

    السلام عليكم ورحمة الله وبركاته مساء الورد والياسمين كيفك خالتو ام علاء شو اخبارك طمنيني عنك صحه وعافيه يارب على قلبكم انا كمان هيك بعملها الخبيزه كتير كتير زاكيه مع ليمون 🍋 و شطه 🌶️بالهنا

    1. ام علاء ابو يحيى :

      هلا حبيبتي ام معتز الحمد لله بخير ومشتاقه الك كيف وكيف الصغار وحشتينا والله…صحه وهنا حبيبتي الشطه والليمون لا يعلى عليهم مع كيير من الاكلات🌹🌹

    2. ام معتز 🍯 :

      الحمد لله بخير تسلمي يارب

    3. ام معتز 🍯 :

      وانا مشتاقلك كتير و ل صحبه زاكي

    4. ام معتز 🍯 :

      مشتاقه الكم كلكم في زاكي

  16. نسرين بارافي :

    وعليكم السلام ورحمة الله وبركاته تسلم الايادي المعدلة ألف صحة وهنا

    1. ام علاء ابو يحيى :

      تسلمي حبيبتي نسرين ربي يسعد قلبك🌹🌹

اترك رد

لن يتم نشر عنوان بريدك الإلكتروني.