مونة البيت بموسمها بأقل التكاليف وانظف من الجاهز ملكة التوفير

40 1٬964
 

مونة البيت بموسمها بأقل التكاليف وانظف من الجاهز ملكة التوفير

مونة البيت بموسمها بأقل التكاليف وانظف من الجاهز ملكة التوفير

مونة البيت بموسمها بأقل التكاليف وانظف من الجاهز ملكة التوفير

مونة البيت بموسمها بأقل التكاليف وانظف من الجاهز ملكة التوفير, معكم صديقة زاكي الشيف الموهوبة ,

المقادير

  • جبنة
  • لبن
  • فلفل مطحون بودرة
  • فلفل شطة مطحونة
  • قريشة

الخطوات

بسم الله الرحمن الرحيم

الله يسعد اوقاتكم وايامكم بكل خير والله يبلغنا شهر رمضان لا فاقدين ولامفقودين من عادتنا بسورية النساء بتعمل المونة بالبيت وبالاخص بفصل الصيف من البان واجبان والخضروات المفرزة او بتجفيف عالشمس واكيد الها مواسم وبكون السعر مناسب شغل البيت بيضل انضف واوفو من الشغل الجاهز وان شالله رح اشرح كل طريقة لحالها وبكل تفاصيلها ومرفقة بالصور هي صور من الارشيف شغلي هون بالاردن بجيب حليب الغنم وبعمل الجبنة وبستفيد من مصل الجبنة بقريشة طيبة ورائعة لحشوة الحلويات وبالاخص حلاوة الجبن والفطائر وحفظ الجبنة بالمي والملح طعمة الجبنة رائعة وكثير طيبة وكأنها تازة واللبن الجامد

والفلفل بكون موسمو بالصيف قسم منو بنجففو وبنطحنو بودرة وبنستفيد من كنوع من بهارات مابنستغني عنو بكثيرمن الطبخات والقسم الثاني شطة مطحونة وبنعبيها باكياس التفريز وتحفظ مجمدة وان شالله كمان رح اشرح طريقة تذويب الزبدة وتحويلهالسمنة كل هي الشغلات تعملتها من امي الله يرحمها ويغفرلها واي سؤال تكرمو من عيوني

40 تعليقات
  1. إم مصطفي 😉 :

    بسم الله ما شاء الله عليكي يا عسل
    ربي يعطيكي ألف عافيه وصحه يارب 😘😍💞

    1. nawal :

      الله يعافيكي ويديم عليكي الصحة والعافية شكرا

  2. 🤩 :

    ما شالله عليكي بيشهي

    1. nawal :

      حبيبتي ربي يسعدك شكرا

  3. 🌺 القدس عربية 🌺 :

    أم نبيل
    يسلمو ايديكي ويعطيكي ألف عافية
    ما شاء الله عنك

    1. nawal :

      الله يعافيكي حبيبتي شكرا كلك زوء

  4. فوفه🥀🥀 :

    يعطيك العافية
    اكثر شي بحبه قشطة اللبن ع الوجه😋😋😋😋

    1. nawal :

      الله يعافيكي بنسمي وجه اللبن وفعلا اطيب شي

  5. ام حسام :

    ما شاء الله الله يعطيكي العافيه ويرحمك والدتك ويغفر لها ويسكنها فسيح جناته ♥️

    1. nawal :

      حبيبتي بتشكرك عالدعوة كلك زوء

  6. ام ملك.... :

    ما شاء الله عليكي 💖

    1. nawal :

      حبيبتي ربي يسعدك شكرا

  7. هيام :

    ماشاءالله تسلم اديك الله يعطيك العافيه

    1. nawal :

      الله يعافيكي تسلمي حبيبتي

  8. زهورر⁦❤️ :

    ما شاء الله عليكي الله يعطيكي الصحة والعافية 😋😋

    1. nawal :

      الله يعافيك ويسلم عمرك حبيبتي ربي يسعدك

  9. 🌹 ايمان 🌹 :

    ما شاء الله على المعدله يسلمو ايديكي والله يرحم والدتك ويغفر الها
    يا ريت تنزلي طريقه تذويب الزبده للسمن وشكرا الك

    1. nawal :

      الله يسلمك حبيبتي بتشكرك وان رح انزلها بس يصير موسم الزبدة لازم اشرح الطريقة مع الصور افضل لانو إلها مراحل

  10. ام علاء ابو يحيى :

    تسلم ايدك حبيبتي فنانه تبارك الله مع انك صغيره بالعمر هيك حاسه تبارك الله شكل الاشطه رووووعه على وجه العلبه هاي الي بخفقوها وبطلعو منها الزبده يلي بعملوها سمنه الله يرحم والدتك ويرزقنا الامن والامان وترجع سوريا الحبيبه والعراق وليبيا واليمن وطنا العربي كله زي ما كان واحسن

    1. nawal :

      الله يسلمك بتشكرك عالدعوة عمري ٣٧ يعني كبيرة والشي يلي مر علينا كبرنا اكثر من عمرنا بكثير ربي يفرجها على عبادو

    2. ام علاء ابو يحيى :

      بدي اسالك حبيبتي نوال بتحطي منفحه للجبنه ولى لا لاني بشوف بعض خواتنا المصريات الي عندهم حلال بتركو الحليب لمدة يومين وما بغطوه الابشاش وبعد يومين بكون راب بشيلو الاشطه عن وجه الروب وبحطو الرايب بحصير او ساس بصفوه من المي ليله كامله وبعدين بتتكون الجبنه القريش طبعا ما بستخدمو المنفحه
      هيك بتعمليه ولى طريقتك مختلفه

    3. ام علاء ابو يحيى :

      الله يهونها حبيبتي وترجع الامور احسن من اول ربنا كريم والشهدا الهم ربنا ان شاء الله يعوضهم الجنه والوطن رح يتعمر باذن الله ربنا يهدي البال ويلم الشمل

    4. nawal :

      الله يسلمم بتشكرك ام علاء عالدعوة الصادقة من القلب بالنسبة للجبنة انا بنحط منفحة بودرة بتنباع من الصيدلية او محلات الألبان والاجبان وفعلا بتطلع جبنة كاملة الدسم وطيبة وبشهادة كل يلي بذوقها ويلي ذاقها مااشترى جبنة جاهزة صارو يعملوها بالبيت وبالأخص وقت بحشيها للفطائر بتذوب مثل جبنة الموزريلا وان شالله بس اعمل الجبنة رح اشرح طريقتها بالتفصيل لانو إلها مراحل كثيرة لازم يكون الشرح بالصوربتشرف بيكي ام علاء ممكن اتعرف حضرتك من اي بلد

    5. ام علاء ابو يحيى :

      حبيبتي انا من الزرقا وانتي من اي منطقه قرات بالتعليقات من الزرقاء وين ساكنه بالزرقا لتكوني جارتي وانا ما بعرف

    6. ام علاء ابو يحيى :

      الله يزيدك شرف حبيبتي بعرف مراحلها الجبنه بس استغربت انه في ناس ما بحطولها منفحه وبانتظار طريقتك يا ست المعدلات

    7. nawal :

      يامية اهلا وسهلا تشرفت بمعرفتك ام علاء انا ساكنة بالغويرية

    8. ام علاء ابو يحيى :

      حياك الله حبيبتي وانا بمنطقة واد الحجر بحكولها ضاحية الثوره العربيه الكبرى

  11. 🍒أم محمّد🍒 :

    ما شاء الله عليكي يسلم ديااتك يا رب

    1. nawal :

      الله يسلمك حبيبتي ربي يسعدك

  12. 🦋ام سليم 🦋 :

    ما شاء الله تبارك الله 😍 😍
    انتي مثل عمي هيك بيعمل وبستغلنا ببيعنا
    😂 😂 😂 😂 😂
    انا بعمل اللبن والقشطة والفلفل

    تسلم ايديكي يا مبدعه 😍 😍

    1. nawal :

      تسلم ايدك حبيبتي ربي يسعدك 😂😅

  13. رزان :

    يا عيني عليكي يا نوال الف صحه وهنا

    1. nawal :

      عاقلبك حبيبتي شكرا كلك زوء

  14. رزان :

    دوختيني عليكي وين ساكنه بلاردن وجاراتك وين نفسي اتعرف على وحده من ادلب

    1. nawal :

      يامية اهلا وسهلا حبيبتي بتشرفي انا بالزرقاء ساكنة

    2. رزان :

      😔😔يا ريتك قريبي

  15. ام رند :

    ماشاء الله عليكي معدله يعطيكي العافيه ايش هاي المربعات ما عرفتها ؟؟؟

    1. nawal :

      الله يعافيكي هي جبنة بلدية شغلي بالبيت ان الله رح اشرح طريقتها بالتفصيل مع الصور

  16. نسرين بارافي :

    تسلم الايادي المعدلة

    1. nawal :

      الله يسلمك حبيبتي ربي يسعدك

اترك رد

لن يتم نشر عنوان بريدك الإلكتروني.