عجينة البف باستري المنزلية وطريقة تفريزها ملكة تحضيرات رمضان

23 1٬628
 

عجينة البف باستري المنزلية وطريقة تفريزها ملكة تحضيرات رمضان

عجينة البف باستري المنزليةوطريقة تفريزها ملكة تحضيرات رمضان

عجينة البف باستري المنزلية وطريقة تفريزها ملكة تحضيرات رمضان

عجينة البف باستري المنزلية وطريقة تفريزها ملكة تحضيرات رمضان, معكم صديقة زاكي الشيف الموهوبة ,

المقادير

  • ثلاث اكواب ونص من الطحين
  • ٣٠٠غرام زبدة غير مملحة
  • ملعقة كبيرة زبدة (٢٥)غرام او ممكن استبدالها بملعقتين كبار زيت
  • ملعقة صغيرة ملح
  • ملعقة صغيرة خل ابيض او عصير ليمون
  • كوب ونص ماء بارد او حسب استعاب العجين

الخطوات

بسم الله الرحمن الرحيم

يسعد اوقاتكم بكل خير اليوم رح نعمل عجينة البف باستري بطريقة منزلية بطريقة سهلة ومختصرة وبطعم رائع ومع طريقة تفريزها لشهر رمضان ان شالله ينعاد عليكو بالخير والبركةهي العجينة بتفيدنا للحلو والمالح مثل وربات اوزي فطيرة وبتحشيها بالحشوة يلي بتحبيها او ممكن عش البلبل الخيارات كثيرة ومتنوعة للعجينة اول شي بنحط الطحين بجاط وبنضيف عليه الملح

وملعقة صغيرة خل ابيض وبنضيف ٢٥غرام زبدة وبنفرك الزبدة مع الطحين منيح وبعدين بنضيف من كوب لكوب ونص ماء بارد تدريجيا حسب حاجة الطحين وبنعجن وبنضيف المي بتدريج لحتا تتشكل عجينة ناعمة مابتلزق بالايد انا احتاجت مع كاس ونص مي مدة عجبنا عشر دقائق وبنحطها بطبق وبنغطيها وبنتركها ترتاح ساعة وبس ترتاح بناخذ العجينة وبنرش على سطح العمل رشة طحين وبنحط العجينة وبنرش عالعجينة رشة طحين وبنرقها على شكل مستطيل

كبير بنكون حاطين الزبدة بالثلاجة منشان يسهل علينا بشرها بنحتاج ٣٠٠غرام من الزبدة بنبرش الزبدة عالعجينة وبنوزعها بشكل كامل وبنطويها خمس طويات وبعد الطوي بنرش عليها طحين وبنرقها على شكل مستطيل وبنطوي طرف لحد نص المستطيل وبنطوي الطرف الثاني كمان للنصف وبعدها بنطوي الكويات على بعضن بنقطع العجينة للنصفين وبنحطها بصينية وبندخها الفريزة مدة نص ساعة وبعد نص ساعة بناخذ قطعة من العجين وبنرجع القطعة الثانية عالثلاجة

وبنرش على سطح العجينة رشة طحين وبنرقها على شكل مستطيل وبنطوي طرف من العجين وبنرجع بنطوي الطرف الثاني فوق الاول هيك بتصير ثلاث طبقات بشكل مستطيل طويل بنرجع بنطوي كمان طويات صغار فوق بعضن وبنرقها للمرة الاخيرة بشكل مستطيل وبنقص الاطراف بشكل متساوي وهيك صارت جاهزة بهي المرحلة بتحبي تقطيعها او بتحبي تتركيها على حالها حسب حاجتك ممكن تستخدميها فورا واذا حبيبتي تفرزيها اذا قطعتيها مربعات حطي بين كل قطعة ورق زبدة او نايلون وغلفيها وحطيها بالفريزة وعند بدك تستخدميها طالعيها قبل ساعة انا عملتها وربات مابتحتاج الصينية تدهنيها شي بس احشيها وحطيها بصينية وخبزيها ان شالله تكون فهمتو على شرحي لانو مراحلها كثيرة ولهيك حاولت اشرح طريقة عملها بالتسلسل بالصور وصحة وهنا

23 تعليقات
  1. ام شهم :

    ما شاء الله عليكي منضرهم بشهو

  2. ريحانة🌿 :

    تبارك الرحمن
    اسم الله عليك شو معدلة ومرتبة
    ربي يحميك لعيلتك وأحبابك ويسلم دياتك على كل شي بتقدميه

  3. 🍒أم محمّد🍒 :

    يعطيكي العافيه ياا رب روووعه

  4. samaher :

    ما شاء الله تبارك الله تسلم يديكي عزيزتي

  5. أم صبحي :

    ماشاء الله تبارك الرحمن.. ست بيت معدلة وموهوبه ووصفاتك منوعة يسلموا إيديك حبيبتي على هالمجهود الواضح
    صحة وهنا 💞

  6. إم مصطفي 😉 :

    رووووعه ما شاء الله عليكي يا عسل صحه وعافيه يارب 😍😘

  7. ام عبود وحبيب :

    ماشاءالله عليك ِ استوليتي ع زاكي ههههههه
    اللهم بارك ست معدله والله..

  8. 💙أّمَ حٌمَزِّةّ💙 :

    ما شاء الله عنك
    اناقه وترتيب واضح
    تسلم ايدك يا معدله 👌🏻👌🏻

  9. كريمة جزائرية :

    يعطيك الصحة حنا نقولولها العجينة المورقة

  10. ام علاء ابو يحيى :

    تسلم ايدك حبيبتي فنانه ما شاء الله عنك

  11. اسمهان( ام ابراهيم) :

    ماشاء الله عليكي يسلمو ايديكي حبيبتي موفقة يارب ع المفضلة والتجريب

  12. 🌷❤ غزل ❤🌷 :

    يسلمو ايديكي اشي مرتب

  13. ام :

    تسلم ايدج ياعمري شلون مفصله تفصيل تام جزيل الشكر

  14. ام اسلام :

    ماشاء عليكي مبدعه وطريقه مفصله

  15. هيام :

    ماشاءالله تسلم اديك عل المفضله

  16. هناء مؤمن محمد عطية :

    بسم الله ماشاء الله اكثر من رائعة تسلم ايدك والف هنا

  17. 🌺 القدس عربية 🌺 :

    أم نبيل
    ما شاء الله عنك روووووووعه ومرتب كتيييير شغللك
    يسلمو هالايدين ويعطيكي العافيه

  18. فوفه🥀🥀 :

    تسلم الايادي ويعطيك العافيه 🌺

  19. 🦋ام سليم 🦋 :

    ما شاء الله عليكي
    تبارك الرحمن مبدعة وفنانه
    تسلم الأيادي يا عسل 😍😍

  20. ❤ام محمد❤ :

    يسلمو إيديكي ويعطيكي الف الف عافية

  21. ماما عايدة المغربية :

    تبارك الله عليك احنا هذه الطريقة نسميها العجينة المورقة السريعة أسهل و أسرع من الطريقة الأصلية
    تاكلوها بالصحة و السلامة إن شاء الله

  22. asma :

    الف عافية يارب

  23. هياء :

    حلوة الطريقة ما شاء الله تبارك الله عليكي وان شاءالله اطبقها وتزبط معي

اترك رد

لن يتم نشر عنوان بريدك الإلكتروني.