صينية سمك بالبندوره وسمك مقلي وسمك بالطحينه ملكة تحضيرات رمضان

45 4٬349
 

صينية سمك بالبندوره وسمك مقلي وسمك بالطحينه ملكة تحضيرات رمضان

صينية سمك بالبندوره والفلفل الحار وسمك مقلي وسمك بالطحينه تحضيرات رمضان

صينية سمك بالبندوره وسمك مقلي وسمك بالطحينه ملكة تحضيرات رمضان

صينية سمك بالبندوره والفلفل الحار وسمك مقلي وسمك بالطحينه تحضيرات رمضان, معكم صديقة زاكي الشيف الموهوبة ,

المقادير

  • سمك حسب افراد العائله
  • كيلو بندره حمره
  • فلفل حار حسب الرغبه
  • كيلو بطاطا
  • فلفل اسود
  • كمون
  • كزبره ناشفه
  • خمس حبات ليمون
  • حبة بصل
  • ملح
  • بهارات مشكله
  • كمية البهارات حسب الرغبه بتحدديها
  • زيت للقلي
  • نص كوب طحينيه
  • زيت للقلي كوب طحين او اكثر حسب الرغبه
  • ثوم حسب الرغبه

الخطوات

بسم الله الرحمان الرحيم يسعد اوقاتكم

السلام عليكم

اليوم وصفتنا مشكله لعده وصفات سمك بالطحينه وسمك بالبندوره وسمك مقلي مع البطاطس تعالو نشوف الطريقه يا احلى ستات بيوت واكيد كل وحده الها طريقتها وبصمتها الخاصه فيها

في البدايه بنحدد بدنا نشوي السمك بالفرن او بدنا نقليه قلي حسب المزاج والرغبه العائليه والشوي طبعا اكثر صحه

بنحضر السمك وبنظفه مزبوط وبنغسله عدة مرات بنراعي تنظيف الخياشيم وغسل مكانها مزبوط وبنفتح السمكه عدة فتحات من الظهر وبنتبله بالملح والليمون والكمون وشوية زيت اهم شي وبنرش شوية بهار وفلفل اسود وبتضيفي الثوم اذا كنتي من عشاقه وبنتركه بالثلاجه ليله كامله او عدة ساعات

انا هون قررت اقليه لانه مرغوب القلي اكثر من الشوي مع انه الشوي صحي اكير

قبل القلي بجهز الصوصات المستخدمه

1…صينية البندوره بالسمك

في طنجره على النار بفرم بصله متوسطه وبقلبها كويس بالزيت ولما تتذبل بضيفلها البندوره وقرن الفلفل الحار ولما تقرب تستوي بضيفلها البهار والكزبره ورشة الكمون والملح وبتركها تنضج مع التقليب المستمر والمتابعه وبعد الاستواء بضعها في جاط التقديم وبضيفلها السمك المشوي او المقلي وبزينها بالفلفل والليمون وبعصر كميه من الليمون على السمك واذا بتحبي ضيفي قليل من صوص البندوره فوق السمك

2…سمك بالطحينه

في مقلاه كبيره على النار بفرم حبة بصل صغيره وبقلبها بالزيت حتى تشقر وبضيفلها الصوص وهو عباره عن نص كوب طحينيه وعصير حبة ليمون وملح وفلفل اسود ورشة كمون وبهار مشكل وحوالي كوبين ماء ساخن مضروبين بالخلاط وبتركهم على النار حتى الغليان مع التقليب المستمر وبضع السمك المقلي او المشوي في جاط التقديم وبضيفله الصوص وبرش البطاطا المقليه على الوجه وبزينه حسب رغبتي وهذه طريق من طرق متعدده

3….السمك المقلي مع البطاطا المحمره

طبعا هون السمك مغسول ومتبل بحضر صحن فيه كوب او اكثر من الطحين المتبل بالملك والفلفل الاسود والكمون والبهارات واذا بتحبي بتحطي بودرة بصل او ثوم وبنخلطه كويس وبضيف السمك للطحين وبنقلبه فيه وبنهزه شوي حتى نتخلص من الطحين الزائد وبنقليه على نار عاليه بالبدايه في زيت حار وبنهدي النار شوي نار متوسطه وليس خفيه حتى ينضج السمك وبضعه في جاط التقديم وبعصر عليه كميه من عصير الليمون مع البطاطا المقليه وبزينه بالليمون والبقدونس ويقدم ساخنا مع البقدونسيه او اي نوع من السلطات والف صحه وهنا

هذه وصفاتي البسيطه السريعه للشهر الفضيل ان شاء الله تنال اعحابكم

استودعتكم لله الذي لا تضيع ودائعه

وكل عام وانتم بخير

عرض التعليقات (45)