محمرة احترافية ولا أروع ملكة تحضيرات رمضان
محمرة احترافية ولا أروع ملكة تحضيرات رمضان
ما أعتقد بلاقي حدا مابحب المحمرة وخصوصاً مع القشقوان لما يمط ويمطمط قلوبنا معو ههههه لهيك حبيت قدملكم خلطة المحمرة اللي مارح تفرقوها عن المحمرة السورية الجاهزة إذا مو أطيب كمان
تعالو معي نشوف المقادير :
المقادير
- خمس حبات متوسطة من البندورة
- 7 حبات فليفلة (يفضل نصف أخضر ونصف أحمر)
- بصلة متوسطة الحجم
- ملعقة كبيرة دبس بندورة
- ملعقة كبيرة دبس فليفلة
- ملعقة كبيرة فليفلة حمرا يابسة مجروشة
- ملعقة كبيرة طحينة
- ملعقة كبيرة ونصف بكصمات
- أربع ملاعق زيت زيتون
- رشة فلفل أسود وملح حسب الرغبة
- ممكن إضافة ملعقتين من السمسم غير المحمص بيعطي طعمة ولا أروع بالاضافة للفائدة المميزة طبعاً
الخطوات
“بسم الله الرحمن الرحيم”
* أول شي منقطع الخضار قطع كبيرة بعد غسلها ومنحطا بطنجرة ومنغطيها ومنشغل أول شي على نار متوسطة وبعدين منوطي النار ومنترك الخضار لحتى ترتخي وتنزل ميتها ، يعني تقريباً بدها شي ربع أو ثلث ساعة
منطفي عليها ومنصفي ميتها بعدين منضيف دبس البندورة عالخضار ومنضربهم بالخلاط
* تاني شي منضيف باقي المكونات كلها ومنخلطهم مع الخضار وبتصير جاهزة
فيكم تفردوها على عجينة فطاير متل المحمرة الجاهزة أو تعملو فيها سندويشات عالفطور أو عسحور رمضان مع قشقوان ومتأكدة رح تدمنوها
والحلو انو فينا نحتفظ بالخلطة بالفريزر لفترات طويلة وبتلاقوها جاهزة ايمت ماحبيتو وطعمتها متل ماهية تماماً
* لاتنسوني من دعواتكن الحلوة ومن كم سندويشة هههههه
يا عيني على هيك منظر ولا مطة الجبنه اشي فاخر يسلم هاليدين وصحتين وهنا ❤❤❤🌷🌷
الله يسلمك ياعسولة ويخليلي ياكي
منورتيني والله 😍
ياسلام بتشهي الله يعطيكي العافية 😋😋😋
الله يعافيكي مبدعتنا اللطيفة😃😘
ياسلام على المفلفل اطيب فطور وخاصة بل التنور يسلم دياتك وصحى وهنا اما الجبنة بتخلي الألب يدوب
ههههههه والله معك حق التنور حكاية تانية😍
الله يسعد قلبك حبيبتي
تبارك الله عليك نور الغزالة كتشهي 😍 عجبتني و غنجربها❤
هاد شرف الي انك تجربيها ماما عايدة رأيك بيعنيلي كتير😍
ان شاء الله هنا وعوافي سلفاً ♥️
ماشاء الله عليك يا نوارة.. إبداعك وإتقانك بأناملك الذهبية.. شو متطبخي بيظهر فنك
يسلموا إيديك حبيبتي على هالوصفة اللي بتشهي
صحة وهنا 💖💖
الله يسلمك ومايحرمني منك ام صبحي الغالية
على طول غامرتيني بلطفك ورقي كلامك وأخلاقك والله😘♥️
يا سلااام وصفه طيبه كثير يسلم ديااتك يا رب
الله يسلمك حبيبتي ام محمد
من بعدك انا😍
واو اشي بشهي حبيبتي المنظر دمار شامل
فن وابداع وتألق ما شاء الله عنك يا قلبي
دمتي بكل خير غاليتي
صحتين وهنا يا رب
على قلبك ياعسل😍
الله يكرمك ويسعدك عكلامك الحلو
كلك لطف والله 😍♥️
ما شاء الله عليكي يا غاليه ربي يسلم ديادك يا رب ويبارك فيهم وإن شاء الله كل أيامك خير وسعاده ياااارب❤😙😍
حبيييييي ام مصطفى اشتقتلك كتير😢😢
ربي يسعد هالطلة
كيفك ياقلبي طمنيني عنك شو اخبارك
ربي يسلمك ومايحرمني منك
اصلا انا من بعدك😍
كأنو وانا عم قلب بالوصفات ماشفت شي الك😟
والله يا نور بدون ما اقرأ الوصفة بس شفت اسمك على المفضلة على طول بدون اي نقاش يسلم دياتك الصور بتحكي ❤️❤️يا ريتك قريبة علي كان جننتك عشقي المحمرة😘😘😘 سلفتي سورية وبتعملها طيبة كتير كل ما تيجي على بالي بخليها تعملي اياها😍😍
حبيبتي ام يزيد كلك زوء ولطف والله😍
ممنونة كتير لكلامك وثقتك
ان شاء الله هنا وعوافي على قلبك سلفاً
وربي يديم المحبة والمحمرة بينكم انتي وسلفتك ههههههه😘
لو قريبة منك لخليكي تملي منها
ما انا كمان بعشقا وبضل اعملا ههههه
ماشاء الله نور يسلمو ايديكي حبيبتي فعلا اكلة لذيذة كتير وطيبة
الله يسلمك ياقلبي نورتيني😍
أم نبيل
يممممممميي يعيشوا هالايدين يا نور ويعطيكي ألف عافية على الاكله اللي بتفتح النفس وبتجننن
بحبها كتير وبعملها لاولادي مع المعجنات وما بملوا منها
يسعدها أم نبيل هية وحكياتا الحلوين😍
ان شاء الله هنا وعوافي الك ولولادك ياعمري
فعلا طيبة كتير😘
نورتيني ياعسل
تسلم الايادي المعدله المنظر جميل والمطه زادت جماله اكثر واكثرالله يعطيك العافيه حبيبتي وما يحرمنا من وصفاتك الرائعه🌹🌹
الله يسلمك ويعافيكي ويخليلي ياكي ياغالية
زاد جمال الوصفة بوجودك😘
صحتين وعافيه بشهي
عقلبك غزولة😍
اووووويييييل قلبي انا على الي بمط وبشط والقلب معو بتعذب والله ومية هلا وغلا بنورات القلب والله اشتقتلك يا قلبي كيفك طمنيني عنك يا عسل وين ايامك ان شاء الله تكوني باحسن حال يا قلبي 🥰🥰🥰🥰🥰🥰🥰
ههههههههه يسلملي القلب المرهف تجاه المطمطة انا🤣
الحمد لله غلاتي انا منيحة بفضل رب العالمين ومشتاقتلك أكتر وأكتر بس الكتكوت مدوخني من النعس 😆
كيفك انتي حبي طمنيني عنك ان شاء الله تمام😍
شو عاملة هالأيام
حبوبتي نوارة العسل انا بخير الحمد لله بس والله مشغولة مع الصغير كان عندو العصب السابع وغلبني وهسة الحمد لله احسن الله يعينا عليهم جيل اليوم كل شي الهم غير شكل 😔😔
نور مين الكتكوت الي مدوخك من النعس 🤔
الحمد لله على سلامتك نور وسلامت صديقتك ربي يشفيها شفاء تام يارب
ويسلمو كتير ع الوصفة بتشهي وباينة مضمونة لان من تحت دياتك من زمان حابة جرب لمحمرة بس كنت خايفة أما هلق من دون تردد أن شاء ح جربها😌
الله يهون عليكي حملك يارب وتقومي بسلامة 😘😘
عمريييييي أم تيم شو اشتقت لهالطلة الحلوة😍
ربي يسلمك ويسمع منك ويخليلي ياكي ياغالية😘
والله فقدتلك كتييير
طمنيني عنك وعن كتاكيتك ان شاء الله كلكم تمام😍
جربيها وانا متأكدة ان شاء الله انها رح تعجبك كتير😍
يا عيني ام انس لما تفوت المطبخ
دمااااار شامل
اي شو هاد منظر لااااا يقاوم 😍 😍
تسلم الأيادي يا مبدعه
هههههه يسعد قلبك ام سليم شو بتطلع معك أم أنس حلوة 😍
الله يسلمك ياعسل بعض ماعندكم😘
يسلمو ايديكي نوارة زاكي
يلي عطول منورتينا بواصفاتك اللذيذة
الله يسعدك يارب ويهون عليك حملك
وتقومي بخير وسلامة
وتجيبيلنا شيف صغير وشاطر متلك