تخزين عصير البرتقال بالجزر وتحلاية منو وفي وصفة ٢×١ ملكة تحضيرات رمضان

41 745
 

تخزين عصير البرتقال بالجزر وتحلاية منو وفي وصفة ٢×١ ملكة تحضيرات رمضان

تخزين عصير البرتقال بالجزر وتحلاية منو وفي وصفة ٢×١ ملكة تحضيرات رمضان

تخزين عصير البرتقال بالجزر وتحلاية منو وفي وصفة ٢×١ ملكة تحضيرات رمضان

تخزين عصير البرتقال بالجزر وتحلاية منو وفي وصفة ٢×١ ملكة تحضيرات رمضان , معكم صديقة زاكي الشيف الموهوبة ,

المقادير

  • كيلو جزر مغسل ومقشر ومبشور
  • ثنين كيلو برتقال مغسول جيدآ
  • نص كيلو سكر
  • معلقة كبيرة ممسوحة ملح ليمون
  • تحلاية تصفية البرتقال:
  • كمية التصفية الي بتطلع من العصير
  • اربع اكواب حليب
  • اربع معالق نشا
  • اربع معالق طحين
  • ثمن معالق سكر
  • باكيت قشطة
  • مغلف كريما (اختياري)

الخطوات

السلام عليكم صديقاتي اخواتي الغاليات اسف جدآ على التقصير وبشكر الادمن تمارا على سؤالها عني ربي يسعدها ويهدي بالها ويفرج همها وجميع اخواتي بزاكي واذا في ناس تذكرني كمان وسأل عني الكم مني كل الحب والاحترام يا اغلى اخوات

المهم اليوم جبتلكم طريقتي في عصير البرتقال والجزر وهاد عصيري المفضل برمضان منعش جدآ ولذيذ جدآ جدآ جربو بنفسكم وشوفو الانتعاش الرهييييييييب ودعولي من قلبكم وادعو لأبني بالشفاء العاجل

الطريقة هي ببرش الجزر المغسول والمقشر وبقشر البرتقال بقشارة البطاطة لانو بدي القسرة البرتقالية الرقيقة فقط او اذا بتحبي ابرشي برش كمان وبعدين بقشر البرتقال وبقسمو وبزيل البذور وبزيل الخيط الي بالنص الابيض عشان ما يعمل مرار وبعدين بحط علي السكر وبتركو نص ساعة ينزل ميتو وبعدين برفعو عالغاز وبس يغلي بخلي نص ساعة تقريبآ او لحتى يستوي الجزر وبعدين بضيف الملح ليمون وبخلي يغلي غلوتين وبطفي علي وبس يهدا شوي بطحنو بالهاند بلاندر او بالخلاط اذا كان خلاطك بتحمل حرارة او اتركي يبرد تمامآ واخلطي بالخلاط وهيك صار جاهز للتفريز بحطو بأكياس وبفرزو وبس بدي استخدمو بضيف على كل كوب لتر ماء بارد وبخلطو بالخلاط وبصفي بمصفى ناعمة وهيك العصير جاهز وتلذذي بالطعم

ومش بس هيك لسا في التصفية تبعت العصير الي صفيتو لسا في فايدة وطعمو بشههههههي باخدو وبعمل علي مهلبية كل كوب حليب علي معلقة كبير نشا ومعلقة كبيرة طحين ومعلقتين سكر بخلطهم كلهم ع البارد مع تصفية البرتقال الي طلعتها من العصير وبرفعهم عالغاز وبس يغلو بضيفلهم بكيت قشطة ومغلف كريما اختياري وبس يجهز بحطو بأكواب وبعمل الجلي بالطريقةالمكتوبة على الباكيت وبحطو على وجه المهلبية بعد ما تكون طبقة المهلبية تماسكت وبتركها تبرد وبقدمها باردة برمضان وهيك عملت العصير وعملت التحلية منو وفي وشو في احلى من هيك جربوها ودعولي ومشكورين يا غاليات

41 تعليقات
  1. إم مصطفي 😉 :

    وعليكم السلام ورحمة الله وبركاته 🌹

    نور زاكي فيكي حبيبتي ربي يسلم ديادك يا عسل صحه وعافيه يارب 😘😍

    1. om hasn :

      حبوبتي ام صطيف منور فيكي وبالصبايا يا قلبي والله انك عسل ربي يجبر خاطرك ويهدي بالك ويرزقك الذرية الصالحة ويملي حياتك بالسعادة والهنا يا قلبي 🥰🥰🥰🥰🥰

  2. ماما عايدة المغربية :

    الله يعطيك الصحة أم حسن توحشنا وصفاتك ❤

    1. om hasn :

      حبيت قلبي ماما عايدة وانا توحشتكم بالزاف بالزاف والله وانا بحبك بالله ودايمآ اتذكرك وادعيلك ربي يهدي بالك ويجبر خاطرك ويسعدك سعادة الدارين بالدنيا والاخرة 🥰🥰🥰🥰

  3. nawal :

    الله يعطيكي العافية أنا من عشاق العصائر وبالأخص بشهر رمضان منظر الكاسات بيشهو 😋

    1. om hasn :

      حبيبت قلبي نوال تسلميلي يا عسل كلك زووء ربي يهدي بالك ويجبر خاطرك 🥰🥰🥰🥰

  4. أية 🌹 :

    ما شاء الله عنك بتشهي يسلم دياتك رمضان بون عصائر ما بيمشي الحال

    1. om hasn :

      حبي ايوش تسلميلي يا عسل كلك زوووء ربي يجبر خاطرك ويهدي بالك ويبلغك رمضان وانتي واحبابك بأحسن حال 🥰🥰🥰🥰

  5. احلام الصالحي :

    ام حسن انت مبدعه… ماشاءالله تبارك الله

    1. om hasn :

      من بعدك انا يا قلبي يا احلام والله انك عسل وكلك زوووء ربي يهدي بالك ويجبر خاطرك يا قلبي 🥰🥰🥰🥰

  6. أم صبحي :

    ماشاء الله عليك يا أم حسن مبدعة بكل ما تحمل الكلمة من معنى.. وصفتك للعصير رهيبة من قوام ولون ويا عيني على التحلاية إشي بشهي
    صحة وهنا يا قلبي 💞

    1. om hasn :

      ياااا بعد عمري يا ام ام صبحي من بعدك انا يا عسل ربي يجبر خاطرك ويهدي بالك ويسعد قلبك ويرزقك الجنة من غير حساب يا قلبي 🥰🥰🥰🥰🥰

    2. أم صبحي :

      وإياااكم ياااااااارب 🌹🌹🌴

  7. 🌷❤ غزل ❤🌷 :

    يسلمو ايديكي

    1. om hasn :

      واديكي يا عمري نورتيني ياعسل كلك زوووء 🥰🥰🥰🥰

  8. ام همام :

    ما شاء الله
    وصفة زاكيه ومفيده
    يسلم ايديكي حبيبتي
    💞💞🌹🌹🌹

    1. om hasn :

      تسلميلي ام همام ربي يسعدك ويجبر خاطرك ويهدي بالك يا عسل كلك زوووء 🥰🥰🥰🥰

  9. هيام :

    ماشاءالله روعه تسلم اديك

    1. om hasn :

      تسلميلي حبيتي هيام كلك زوووء ربي يجبر خاطرك ويهدي بالك يا عسل 🥰🥰🥰🥰🥰

  10. 🌺 القدس عربية 🌺 :

    أم نبيل
    يسلمو هالايدين ويعطيكي ألف عافية ما شاء الله عنك روووووووعه شغلك

    1. om hasn :

      حبيبت قلبي ام نبيل من بعدك يا عسل تسلميلي يا زوووء ربي يسعدك ويجبر خاطرك ويهدي بالك يا عمري 🥰🥰🥰🥰

  11. رزان :

    ما شاء الله عنك وصفه جديده تسلم هلايدين والف صحه وهنا وع مفضله

    1. om hasn :

      حبي رزان تسلميلي يا عسل كلك زوووء يا قلبي ربي يسعدك ويجبر خاطرك يا قلبي 🥰🥰🥰

  12. 🍒أم محمّد🍒 :

    ما شاء الله عليكي وصفه راائعه وشكل العصير منعش بالفعل يسلم دياااتك يا رب
    واهلا وسهلا برجعتك والف سلامه عالأبنك الله يشفيه ويعافيه يا رب

    1. om hasn :

      حبي ام محمد اهلين فيكي يا قلبي وربي يسلم عمرك يا قلبي تسلميلي يا عسل على زوئك ربي يبارك فيكي ويجبر بخاطرك يا عمري 🥰🥰🥰

  13. 💖نور💖أحمد💖 :

    لك ام حسن شو كل هاد الجمال والانتعاش بعد هالغياب😍😍
    والله شي بفرفش القلب خصوصاً بكرا مع الشوبات وبرمضان عز الطلب😋
    ربي يسلم ايديكي يامبدعة ويعافي ابنك ويحفظلك ياه من كل مكروه♥️

    1. om hasn :

      يا قلبي يا نوارة يسعد قلبك يا رب ربي يشافي جميع مرضى المسلمين يا رب انتي كيفك يا عسل شواخبارك اشتقتلك والله يا قلب 🥰🥰🥰🥰

  14. joudi :

    ما شاء الله شي بنعنش القلب شو هل جمال ما شالله اكيد رح جربو وبلا منو العصير الصناعي
    ربي يشفيك ابنك يا رب شفاء لا يغادر سقما

    1. om hasn :

      ياااا رب يا قلبي الله يسمع منك ربي يسعدك ويجبر خاطرك يا عسل وجربي العصير ومش رح تشتري الصناعي ابدآ بعديها 😉😉🥰🥰🥰🥰

    2. joudi :

      اكيد رح جرب انا مابحب الصناعي بالمرة
      بس بحب المشروبات الغازية 😌بس ما بفوتو المشروب الغازي يمكن كل شهرين مرة عشان ولادي بس اكيد رح جرب وخبرك رأي
      برمضان بعشق التمر هندي الطبيعي

    3. om hasn :

      حبيبتي جودي ان شاء الله رح يعجبك وتعتمدي الطبيعي وتبعدي عن الصناعي كلو ان شاء الله 😉😉😉

  15. ام علاء ابو يحيى :

    ما شاء الله تبارك الله عصير طيب وانوار ام حسن هلت على زاكي الله يعطيك العافيه اشتقنالك يا ورده ان شاء الله تكوني بخير وصحه وعافيه😍😍😍

    1. om hasn :

      يااا عمري يا ام علاء انوارك يا قلبي ربي يسعدك ويجبر خاطرك يا غالية والحمد لله ربنا يهدي بالنا الجميع ويخفف علينا معانات الايام ياااااا رب
      🥰🥰🥰🥰

  16. 💙أّمَ حٌمَزِّةّ💙 :

    حبيبتي ام حسن دائمأ متألقه
    الله يسلم ايديك وعينيك يا ورده
    والله يشفيلك ابنك وجميع اطفال المسلمين
    والله يشفي اسامه ابن بنتي يا رب فرحنا فشفائهم يا رب العالمين

    1. om hasn :

      يااااا رب يا ام حمزة ربي يسمع منك يا قلبي ربي يهدي بالك ويطمن قلبك ويسعد قلبك بكل غالي وعزيز على قلبك يا عمري 🥰🥰🥰🥰

    2. 🦋ام سليم 🦋 :

      الله يشافي حفيدك ويفرحكم في قادر ياكريم ❤️ ❤️

    3. om hasn :

      اللهم امين يا رب العالمين

  17. 🦋ام سليم 🦋 :

    وعليكم السلام ورحمة الله وبركاته

    ما شاء الله تبارك الرحمن 😍 😍

    انتعاش برد الروح تسلم ايديكي حبيبتي ❤️ ❤️
    والله يشافي ابنك ويفرحك في قادر ياكريم

    1. om hasn :

      ياااا رب يا قلبي اللهم امين يسعد قلبك ام سليم تسلميلي يا عسل ربي يهدي بالك ويجبر خاطرك يا قلب 😍😍😍😍

  18. ❤ام محمد❤ :

    يسلمو ايديكي حبيبتي وصحتين والف هنا

    1. om hasn :

      ع قلبك يا عسل تسلميلي يا قلبي 😍😍😍😍

اترك رد

لن يتم نشر عنوان بريدك الإلكتروني.