تحضرات شهر رمضان المبارك

34 6٬857
 

تحضرات شهر رمضان المبارك

 تحضرات شهر رمضان المبارك

تحضرات شهر رمضان المبارك

تحضرات شهر رمضان المبارك, معكم صديقة زاكي الشيف الموهوبة ,

المقادير

  • لية الخاروف
  • الجزر
  • الكوسا
  • الجبنة المشللة
  • لحمة

الخطوات

السلام عليكم ورحمة الله وبركاته كيف حالكن صبايا رمضان ع البواب وبلشنا تحضيرات كل سنة وانتو بخير جميعا اليوم بلشت بتحضرات الشهر الكريم عملت كوسا بللبن ولية خاروف مدوبة جزر مقطع كوسا مقطعة جنبة مشللة لحمة مسلوقة

اول شي بنبلش⚘ بلكوسا⚘ غسيل وحفر وحشي وقلي بنحطها بورق نشاف او مصفاية بس تبرد بنحطها وبنسكر الغطا وع الفريزر وقت بدنا نستعملها بنحطها بطنجرة وبنغمرها مي وع الغاز ربع ساعة بنكون شوينا اللبن بنحط الكوسا

لية الخاروف

بنجيب اللية المفرومة وبنحطها بطنجرة اكيد مو استانلس

يقضل تيفال وبنحط عليها نص كاسة حليب وبيبلش يدوب بنعبيها بعلب وع الفريزة بستعملها لجميع انواع الطبخ البرغل الرز الفريكة والفتات

بيطلع متل السمن العربي طعم ولا الذ

الجزر المقطع

بقشرها وبقطعها مربعات او برش او أصابع رفيعة حسب استخدامك للجزر بفور عليها المي مع الملح وبس يبرد بعبيها بكياس مونة او علب وع الفريزة

الكوسا المقطعة

بعملها مقبلات بجانب جميع انواع الطبخ صحية وخفيفة للمعدة

بغسل الكوسا وبقطعها مربعات وبحمسها بشوي زيت ما بكتر ورشة ملح

بس تبرد ع الفريزةوقت والاستخدام بطلعها من الفريزة بحط ع مقلاية شوية زيت وسن توم وبحمسها مع رشة كاري وملح حسب الرغبة

بعملها بللبن مع الطحينة ورشة بقدونس ع الوجه اومع برش البندورة او مع البيض او مع الجبنة المشللة وع الفرن مقبلات لذيذة

الجبنة المشللة

بجيبها من السوق وبحطها بعلبة وع الفريزر وقت بدنا نستعملها بطالع كمية مناسبة لطبختي وبنقعها بلمي الباردة حصرا لانها بتكون مالحة ربع ساعة بس وبصفيها وبستعملها للبيتزا والمعكرونة بانواعها والمقبلات والمعجنات

لحمة مسلوقة

بجيب اللحمة شقف وسط

بحطها ع طنجرة وبفور المي عليهابشيل الزفرة بحط المطيبات بعد الاستواء بردها تماما وع الفريزة

وبستعملها لليخنات والشاكرية والفاصوليا

☺طولت كتير اعزروني☺

بتمنى منكن خالص الدعاء بها الايام الفضيلة

عرض التعليقات (34)