اروع وصفة لمعروك رمضان الاصلي الخفيف ملكة تحضيرات رمضان

35 1٬051
 

اروع وصفة لمعروك رمضان الاصلي الخفيف ملكة تحضيرات رمضان

اروع وصفة لمعروك رمضان الاصلي الخفيف ملكة تحضيرات رمضان

اروع وصفة لمعروك رمضان الاصلي الخفيف ملكة تحضيرات رمضان

اروع وصفة لمعروك رمضان الاصلي الخفيف ملكة تحضيرات رمضان, معكم صديقة زاكي الشيف الموهوبة ,

المقادير

  • ثلاث كاسات طحين وملعقة كبيرة طحين
  • كوب وربع حليب حسب استيعاب العجين
  • ثلاث ارباع الكأس سكر
  • ملعقة صغيرة محلب مطحون
  • ملعقة كبيرة خميرة فورية
  • ربع كوب زيت
  • رشة ملح
  • ملعقة كبيرة زبدة
  • سمسم وحبة البركة
  • قطر لدهن وجة المعروك
  • جوز الهند حسب الرغبة

الخطوات

بسم الله الرحمن الرحيم

السلام عليكم ورحمة الله وبركاته يسعد اوقاتكم كل شيفات زاكي الرائعات من ذكرياتي برمضان زمان كنا نشتري معروك بيجي قرص كبير فعلا طعمتو مميزة كانت عجينتو ناعمة وبتذوب بثمك وفعلا مع كاسة شاي مع لمة العيلة للسهرات رمضان واليوم عملتو بنفس النكهة

اول شي بنبلش بكأس كبير بنضيف ملعقة كبيرة طحين وملعقة الخميرة وملعقة سكر وبنضيف نص كاس حليب دافئ وبنحرك وبس يذوبو المكونات بنغطيتها ونتركها تخمر على جنب وبجاط بنزل ثلاث كاسات طحين ونضيف السكر ثلث كوب طبعا اخذنا منو ملعقة للخلطة الخميرة وضفت رشة ملح وملعقة صغيرة محلب وبعدين بضيف الكأس بعد يكون اختمر وبنعجن وبنضيف كأس حليب وبنعجن وبعدين بنضيف ربع كأس الزيت وبنضل نعجن لحتا تتشرب العجينة كل الزيت وبنضيف ملعقة الزبدة وبنعجن منيح حتا تصير عنا عجينة ناعمة وطرية عجينة المعروك بتكون اطرى من عجينة الفطائر وبنغطيها بنايلون غذائي ونتركها تختمر بمكان دافئ

بس تختمر رقيت العجين بمرق العجين بدون الضغط عليها بقوة وحطيت بصينية مدهونة بزيت وجبت كأس وقلبتو وصرت اعمل دوائر ودهنت وجه العجين بحليب ورشيت سمسم وحبة البركة وجبت جاط كبير وحطيت مي سخنة وحطيت صحن صغير وحطيت صينية المعروك فوقو منشان ترتفع الصينية عن مستوى المي وغطيتها وتركتها تتبخر عالبخار

بس اختمرت بندخلها على فرن محما مسبقا على درجة حرارة ٢٠٠ أنا أخذت وقت معي ٢٥ دقيقة وطبعا كل فرن حسب حرارتو وبس نحمر الوجه بنطالعها بندهن بالقطر وبنرش رشة جوز الهند اعذروني

أنا طولت عليكو كثير بالشرح منشان بس اعطيكو كل الملاحظات منشان نجاح الوصفة وياريت تعجبكو طريقتي بس فعلا تستحق التجربة وصحة وهنا

35 تعليقات
  1. رذاذ المطر 💦💦 :

    يا سلام عليك يا مبدعه انتي صار بالمفضله عجبتني طريقتك وشرحك بالتفصيل يسلم هاليدين وصحتين وهنا

    1. nawal :

      الله يسلمك حبيبتي نورتي ربي يسعدك وان شالله صحة وهنا وأن تعجبك 😍😘

  2. إم مصطفي 😉 :

    السلام عليكم ورحمة الله وبركاته 🌹

    روووعه وكتير بشهيييييي صحه وعافيه يارب 😘😍

    1. nawal :

      عاقلبك حبيبتي ربي يسعدك اسعدني كلامك ياعسل😍🥰

  3. ميمو :

    ماشاء الله. شو.هالمنظر الي بيشهي بدي اسال ياعمري كم قياس الصينيه الي عملتي فيها

    1. nawal :

      الله يسلمك حبيبتي ربي يسعدك مقاس الصينية40

  4. 🍒أم محمّد🍒 :

    ما شاء الله عليكي بشهههي يسلم دياتك يا رب

    1. nawal :

      الله يسلمك ا🍒ام محمد🍒حبيبتي نورتي 😍🥰

  5. هيام :

    ماشاءالله منظر بشهي عل المفضله تسلم اديك وألف صحه وهنا

    1. nawal :

      عاقلبك حبيبتي يارب تعجبك واكسب دعوة حلوة منك وان شالله صحة وهنا🥰😘

  6. يا سلام عليكي ايه دا كلو نوال
    جد انتي فنانة ربي يبارك فيكي ويسعدك حبيبتي

    1. nawal :

      حبيبتي ام ابراهيم كلامك حلو بكل اللغات عسل 😍😘🥰

  7. ماما عايدة المغربية :

    تبارك الله عليك كيشهي😍 بصحتكم و راحتكم

    1. nawal :

      عاقلبك حبيبتي نورتي ربي يسعدك كلك زوء🥰😍💐🌹😘

  8. ام همام :

    ما شاء الله منظرها بشهي
    يسلم ايديكي حبيبتي 💞💞

    1. nawal :

      الله يسلمك حبيبتي شكرا كلك زوء🌹💐🥰😍

  9. رزان :

    يا عيني عليكي يا نوال…والله شي بشهى وع مفضله والف صحه وهنا

    1. nawal :

      حبيبتي ربي يسعدك وان عجبتك ادعيلي دعوة حلوة مثلك وصحة وهنا مسبقا🤩🥰

  10. 💙أّمَ حٌمَزِّةّ💙 :

    وصفاتك كلها بتشهي الله يسلم ايدك

    1. nawal :

      الله يسلمك حبيبتي كلك زوء 😍🥰🌹💐

  11. أم صبحي :

    ماشاء الله عليك يا نوال وصفتك بتشهي
    يسلموا إيديك حبيبتي على مجهودك الواضح بالوصفة
    صحة وهنا 💞

    1. nawal :

      ام صبحي كلماتك تسعدني ربي يسعدك دنيا وآخرة😘

  12. فوفه🥀🥀 :

    وصفه طيبه مشهيه تسلم ايدك 🌹

    1. nawal :

      الله يسلمك حبيبتي ربي يسعدك🥰

  13. 🦋ام سليم 🦋 :

    وعليكم السلام ورحمة الله وبركاته

    روووعاتك شيف 😍 😍
    تسلم الأيادي يا مبدعه

    1. nawal :

      حبيبتي ام سليم العسل ربي يسعدك ويجبر بخاطرك اسعدني كلامك 😍

  14. ام علاء ابو يحيى :

    تسلم الايادي والابداعات الخارقه انا برشحك شيف زاكي للمره الثالثه بتستاهلي يا ورده على هالابداعات المتواصله

    1. nawal :

      تسلمي حبيبتي ربي يسعدك شكرا على كلامك الحلو كلكم مبدعات وتستحقو اللقب ماشالله عليكو

  15. joudi :

    ما شاء الله عليكي مبدعة ودائماً متألقه صحة وعافية

    1. nawal :

      تسلمي حبيبتي شكرا عاكلامك ياعسل 😘

  16. 💖نور💖أحمد💖 :

    رووووعة ياقلبي ماشاء الله عنك
    واضح قديه طالع معك المعروك ناجح وهش وبشهي
    تسلم ايديكي ياعسل أبدعتي 😍

  17. الهام :

    ماشالله عليكي
    بتشهي والله 😋😋😋

  18. om hasn :

    ربي يسلم ايديكي يا عسل روعاتك ابدعتي موفقة يا قلبي 😍😍😍😍

  19. ريحانة🌿 :

    وعليكم السلام ورحمة الله وبركاته
    يا سلام شو هالجمال واللذاذة
    من أجمل ما رأيت
    اللهم بارك🌹

  20. هياء :

    ماشاء الله تبارك الله عليكي.
    رووووووووووووعة 👍

اترك رد

لن يتم نشر عنوان بريدك الإلكتروني.