تفريز اليبرق (الدوالي) ملكة تحضيرات رمضان

46 918

تفريز اليبرق (الدوالي) ملكة تحضيرات رمضان

تفريز اليبرق (الدوالي) ملكة تحضيرات رمضان

تفريز اليبرق (الدوالي) ملكة تحضيرات رمضان

تفريز اليبرق (الدوالي) ملكة تحضيرات رمضان, معكم صديقة زاكي الشيف الموهوبة ,

المقادير

  • كيلو ورق دوالي
  • كيلو رز مصري
  • بهار مشكل وملح وفلفل
  • نعنع وثوم
  • حبة فلفل وحبة بندورة وجرزة بقدونس
  • ملح ليمون

الخطوات

السلام عليكم ورحمه الله وبركاته لأحلى صبايا

اليوم فرزت ورق دوالي لشهر رمضان المبارك

كلنا بنعرف انو بنقضي وقت برمضان بالمطبخ لتحضير الاكلات يلي بتحتاج وقت مثل اليبرق والسمبوسة والكبة وال وال ……

فاليوم عملت يبرق وفرزت نصهم بالفريزر حتى اختصر وقت اكتر بالطبخ ونتفرغ لعبادة ربنا بالشهر الفضيل

بالنسبة لشغل ليبرق زي ما بتشتغلي بالعادة بلفو وبجهزو

بالنسبة إلي بسلق الورق والحشوة بغسل الرز وبنقعو وبعدها بتبلو بالبهارات والماجي والملح والثوم والنعناع والخضرة بفرمها ناعمة وبخلطهم مع بعض وبلف الورق مثل العادة برتبهم بأكياس التفريز وبفرغو من الهوى وفرزهم بالفريزر وقت بدي اطبخو بطلعو قبل بوقت حتى يذوب واقدر رتبو بالطنجرة وبتقدري تطبخي وتنشفي ميتو وتتركي يبرد وبعدها تفرزي وطلعي كمان قبل بوقت واضيفي المي الو حتى يغلي عليه وصحة وعافية

لا تنسوني من الدعاء

46 تعليقات
  1. أم صبحي :

    يا عيني عليك يا جودي وعلى أفكارك النيّرة.. لكن يفضل تفريزه قبل الطبخ لإنه متى منطبخ كفك عليه 😋😁
    صحة وهنا 💞💞

    1. فوفه🥀🥀 :

      ام صبحي كيف حالك

      شو يعني كفك عليه🤦‍♀️
      مافهمتها ياطيبه

    2. أم صبحي :

      أهلاً أم علي يسعد صباحك 🌹🌹
      كفك عليه مصطلح نحوي 😅 يعني بيتاكل بوقته مافي صبر عليه لنفرزه 😘😘

    3. فوفه🥀🥀 :

      صباحك فل الفل
      اااه فهمت😆

      هو فعلا انا بعرف مابتفرز بس مع الشيفات عملوا كل شي

    4. فوفه🥀🥀 :

      فعلا بنوكله بوقته مااصعب لفه ومااسرع سفه 😆
      لا وبعتبروه مقبلات 😂

    5. أم صبحي :

      كلامك صحيح أم علي.. لف الدوالي بده برمجة وقت ههههههه

    6. joudi :

      يسعد قلبك حبيبتي ما أنا لأنو كان عندي وقت لفيت كمية كبيرة فرزت نصها لرمضان ونصها طبختها بس انو لف للتفريز بدون ما اطبخ بنفس اليوم مستحيل

    7. أم صبحي :

      ماشاء الله عليك شو إنك ست بيت معدلة
      صحة وهنا يا قلبي 💗💗

    8. joudi :

      حبيبتي ام صبحي تسلميلي يا رب

  2. تسلم ايدك يا جودي فكرة كمان حلوة لتوفير الوقت برمضان
    وتوفير الجهد موفقة حبيبتي

    1. joudi :

      حبيبتي تسلميلي يا رب 😘

  3. صحتين وهنا يا رب
    بشهي حبيبتي

    1. joudi :

      حبيبة قلبي هذا من زوقك

  4. فوفه🥀🥀 :

    لك حتى اليبرق فرزتيه.. لك تسلملي ست البيت ام جودي

    صحتين وهنا

    1. joudi :

      حبيبتي ام علي تسلميلي من بعدك فرزت وطبخت بنفس الوقت ما بتحمل فرز واتعب باللف وما اكل ههههه

  5. إم مصطفي 😉 :

    وعليكم السلام ورحمة وبركاته 🌹

    رووووعه ما شاء الله تكلوه بألف هنا وعافيه يارب 😘😍

    1. joudi :

      حبيبة قلبي ام مصطفى ربي يهنيك يا عسل

  6. رذاذ المطر 💦💦 :

    يسلم هاليدين ويعطيك العافيه

    1. joudi :

      يعافي قلبك يا عسل ❤️ دياتك يا قلبي 😘

  7. 🦋ام سليم 🦋 :

    وعليكم السلام ورحمة الله وبركاته

    فكرة كتييير حلوة وجديدة
    تسلم ايديكي حبيبتي وصحة وعافية يارب 😘

    1. joudi :

      يعافي قلبك يا قلبي 😘

  8. ام علاء ابو يحيى :

    يسلموووو جودي بشهووو دوالياتك تبارك الله الله يعطيك العافيه حبيبتي

    1. joudi :

      ربي يسعدك ويبارك فيك يا قلبي 😘

  9. ام هادي :

    يعطيك العافية حبيبتي بس كنت بدي اسألك مابتكسر الرز يعني بضل زي لما نلفه ونطبخه على طول

    1. joudi :

      هلا يا قلبي لا عادي مابصيرلو شي حتى لو تكسر
      هو الرز رح يذوب فما بيأثر 😉

  10. الله يعطيك الصحة 😍 و تاكلوه بالصحة و السلامة إن شاء الله

    1. joudi :

      حبيبة قلبي ماما عايدة تسلمي يا قلبي 😘

  11. nawal :

    ماشالله فكرة حلوة بالأخص اليبرق يلزمنا وقت منشان نلفو يعطيكي العافية

    1. joudi :

      يعافي قلبك حبيبتي نوال نورتيني

  12. ام محمد :

    ماباثر عطعمو والرز بعجن؟؟؟

    1. joudi :

      لا بالمرة ما بأثر

  13. 🍒أم محمّد🍒 :

    فكره حلوووه تفريزه من بعد اللف يسلم ديااتك يا رب

    1. joudi :

      حبيبتي ام محمد العسل تسلمي رب نورتيني

  14. 💖نور💖أحمد💖 :

    تسلم ايديكي المعدلة وأفكارك الحلوة ياقلبي😍
    اطيب أكلة

    1. joudi :

      حبيبتي نور نورتيني يا عسل واشتقتلك اكتير ربي يوفقك يا رب

  15. 🌺 القدس عربية 🌺 :

    أم نبيل
    يسلمو ايديكي ويعطيكي ألف عافية
    رح اجرب فكرتك لأنها عجبتني 😋😋🌹🌹🌹

    1. joudi :

      ربي يسعدك ويبارك فيك ام نبيل ❤️ صحة وعافية سلفاً

  16. Nadia :

    التفريز بخلى الارز معجن يعنى شارب ميه كتير

    1. joudi :

      شكراً حبيبتي نادية ع مرورك حتى لو عجن الرز الارز حيكون بقلب الدوالي يعني ما بأثر لو عجن
      حتى الدوالي اذا ما كان الرز ذائب مو طيب

  17. هيام :

    تسلم اديك صحتين وهنا

    1. joudi :

      ع قلبك يا عسل ❤️ دياتك يا رب

  18. om hasn :

    يسلم ايديكي يا قلبي ريتو الف صحة وهنا عليكم يا عسل 😍😍😍😍

    1. joudi :

      يعافيلي قلبك يا عمري تسلميلي يا رب 💕❤️

  19. ريحانة🌿 :

    وعليكم السلام ورحمة الله وبركاته
    تسلم ايدك حبيبتي أم ابراهيم🌹

    1. joudi :

      حبيبة قلبي 😘 انبسطت بتعليقك اشتقتلك اكتير ربي يسعدك ويجبر خاطرك

  20. joudi :

    طبخت الدوالي بعد التفريز وطلع خراااااافي

اترك رد

لن يتم نشر عنوان بريدك الإلكتروني.