متبل باتنجان مشوي ملكة تحضيرات رمضان

40 627
 

متبل باتنجان مشوي ملكة تحضيرات رمضان

متبل با تنجان مشوي ملكة تحضيرات رمضان

متبل باتنجان مشوي ملكة تحضيرات رمضان

متبل با تنجان مشوي ملكة تحضيرات رمضان , معكم صديقة زاكي الشيف الموهوبة ,

المقادير

  • باتنجان
  • سن توم
  • كمية لبن
  • طحينة وفيرة
  • ملح
  • التزيين:
  • بقدونس
  • بابريكا
  • زيت زيتون

الخطوات

السلام و عليكم ورحمة الله وبركاته ربي يسعد اوقاتكن صبايا كلنا بنعرف المتبل من المقبلات اللذيذة جانب كل الوجبات وخفيفة ع المعدة لانها ما بتتشرب زيت متل المقلي اليوم جبت كمية منيحة بيتنجان وشويتن وحضرتن للشهر الكريم تفضلو معي ع المطبخ

بسم الله وبنبلش

اول شي بنحضر كمية منيحة بيتنجان يفضل الحجم الكبير بيكون مهبر اكتر بنغسلها وبنعمل فيها شقوق وبنحطتها على عين البوتغاز وبنشغل عليها النار

وبنركها تنشوى بنقلبها كل فترة وفترة هيك بنشوى كل الكمية بنقشرها وبندقها او بمحضرة الطعام او بالهاند بلاندر لحتى تنعم معنا

انا دقيتها بمدقة التوم لانو ما في كهربا الحمد الله

وعبيتها بعلب محكم الاغلاق كل وجبة لوحدها

وفرزتها

لحين الاستخدام بطالع علبة قبل ربع ساعة

بدق سن توم مع كمية لبن وطحينة وفيرة وملح وبضيف البيتنجان المشوي الجاهز لصلصة اللبن وبحركها

وبحطها بصحون التقديم وبزينها بقدونس وبابريكا وزيت زيتون ويقدم وصحتين وهنا ما بياخد معك وقت التحضير ٥ دقايق لانو البيتنجان مشوي ومقشر وجاهز والف صحة وهنا عقلبكن

40 تعليقات
  1. nawal :

    ماشالله روعاتك يسلمو ايدك ام ابراهيم ابدعتي ان شالله صحة وهنا 🥰😍

    1. دخيل البك نوال تسلميلي يا غالية شكرا ع كلامك الجميل

  2. نور💕💕 :

    روعه ما شاء الله نفس تريقطي و انا بملحه كمان ♥️♥️♥️♥️♥️♥️🌸💐🥀🥀🥀🌸🌸♥️

    1. تسلميلي نور كلك زوء حبيبتي

  3. 💙أّمَ حٌمَزِّةّ💙 :

    أّلَلَهِ يَِّّسلَمَ أّيِّدِګ يِّأّ ربِ
    أّلَيِّوِمَ أّعٌمَلَتّوِ عٌ لَفِّطوِر
    😋😋😋 بِشٍهِيِّ

    1. ربي يسلمك ويسعدك ام حمزة
      والف صحة وهنا عليكن

  4. ماما عايدة المغربية :

    تبارك الله عليك كيشهي 😍 تاكلوهم بالصحة و السلامة إن شاء الله

    1. الله يبارك فيكي حبيبتي ماما عايدة الغالية

  5. إم مصطفي 😉 :

    وعليكم السلام ورحمة وبركاته 🌹

    صحه وعافيه يارب بشهيييييي😍😘

    1. ربي يسعدك حبيبتي ام مصطفى الغالية شكرا كتير الك

  6. 🍒أم محمّد🍒 :

    فكره حلووه كثير تفريزه وهو مشوي يسلم ديااتك يا رب والمتبل من ازكى المقبلات

    1. حبيبتي ام محمد شكرا ع تعليقك الرائع

  7. ميمو :

    من اطيب المقبلات عندي.يسلم ايديكي. بس بدي افهم كيف فرزتيهم ومافي كهربا😅

    1. حبيبتي ربي يسعدك
      الكهربا بتجي وبتروح مو عطول مطفي
      بس وقت كنت بدي اطحن البيتنجان كانت مقطوعة
      😘😘😘😘😘

  8. أية 🌹 :

    يسلم دياتك وصحى وهنا يا رب المتبل غير شكل

    1. ودياتك ايوشي حبيبة قلبي
      كلك زوء يا مزوءة

  9. ام حمزه :

    ماشاء الله عليكي يسلم دياتك صحتين وعافيه يارب

    1. الله يسلمك ام حمزة تسلميلي حبيبتي شكرا كتير ع تعليقك😘😘😘😘

  10. فوفه🥀🥀 :

    ياعيني ع السوريه المعدله.. بتفرز المتبل😍. ممم نفس طريقتي بس مابحط لبن

    و بحبه للمتبل 😋

    1. يا عيني عليكي يا ام علي شو بحب حكياتك الحلوين
      تسلميلي يا غلاتي 🤩🤩🤩🤩

  11. ام علوش وانا بعملها بلا لبن بابا غنوج
    فليفلة مشوية وتوم وبصل مشوي بعد الشوي بفرمها ناعم وبضيف الجوز ودبس الرمان وبيتنجان مشوي وبقدونس ع الوجه وصحتين وهنا

    1. فوفه🥀🥀 :

      ع قلبك الهنا ان شاء الله

      يسعد صباحك

  12. 🌺 القدس عربية 🌺 :

    أم نبيل
    يسلمو هالايدين ما شاء الله عنك روووووووعه شغلك

    1. ربي يسعد صباحك ام نبيل
      تسلميلي يا غالية والله ها الحكي من ذوقك الجميل
      شكرا ع كلامك العسل 😘😘😘😘😘

  13. رزان :

    الف صحه وهنا ام ابراهيم يعيشو هاديات….انا من سوريا وانتي من وين من سوريا ووين ساكنه هلق…اذا ما فيا سقلي…انا من إدلب وعايشي هلق بلاردن

    1. يا ميت مرحبا ببنت بلادي نورتي حبيبتي
      انا من النبك اذا سمعانة فيها ريف الشام
      ولو حبيبتي ما فيها اي سئلة بلعكس تشرفت فيكي
      وبكل اهل الادلب
      انا جارتي ادلبية شرواكي بلخير ناس كتير محترمين واكابر
      رزان اول مرة بشوف اسمك بزاكي انتي جديدة هون ما 🌹⚘🌹🌷⚘🌹⚘🌻🌼🌷⚘🌹⚘🌷🌼🌻🌼⚘🌷🌹⚘🌹⚘🌷🌼🌻

    2. رزان :

      يا هلا فيكي ..وانا تشرفت فيكي لا ماني جديده زمان عندي زاكي نزلت ٣او٤ وصفات بعدين ما بقا يزبط معي ما عرفت شو المشكله…انا هلق بالاردن انتي وين هلق لساتك بلشام

    3. 💖ام ابراهيم... سورية💖 :

      هلا وغلااااا ميشان المشكلة يلي بتواجهك عند ارسال الوصفات ابعتي للادمن بتساعدك
      اي حبيبتي انا بعدني هون مو بلشام ريف الشام
      ساكنة انا
      ربي يسعدك يارررررب

  14. رذاذ المطر 💦💦 :

    يسلم هاليدين وصحتين وهنا ام ابراهيم

    1. ودياتك حبيبتي الله يسعدك يسعد.مساكي يا عمري

  15. ام علاء ابو يحيى :

    يسلموووو والف صحه وهنا على قلبكم

    1. 💖ام ابراهيم... سورية💖 :

      ع قلبك حبيبتي ام علاء الله يسعدك منورة

  16. هيام :

    ألف صحه وهنا انشالله

    1. 💖ام ابراهيم... سورية💖 :

      ع قلبك هيام يسعدلي مساكي يا عسل

  17. 🦋ام سليم 🦋 :

    وعليكم السلام ورحمة الله وبركاته

    ما شاء الله عليكي مبدعه 😍 😍
    تسلم الأيادي يا عسل 😘

    1. 💖ام ابراهيم... سورية💖 :

      يسعد صباحك ام سليم .
      تسلميلي حبيبتي من زوءك ها الحكي مشكورة🥰🥰🥰

  18. om hasn :

    يسلم ايديكي يا عسل بشههههي وازكى مقبلات بجنب المشاوي والاسماك ابدعتي حبي 😍😍😍😍😍

    1. 💖ام ابراهيم... سورية💖 :

      ربي يسعدك حبيبتي كلك ذوء
      سدقتي لذيذة مع كل الاكلات
      وانتي ماشاء الله عنك وعن وصفاتك يا غالية🥰🥰🥰

  19. ريحانة🌿 :

    وعليكم السلام ورحمة الله وبركاته
    ما شاء الله .. تسلم ايدك🌹

    1. 💖ام ابراهيم... سورية💖 :

      الله يسلمك يارب ويسعد قلبك يا غالية شكرا ع تعليقك 😘😘😘😘

اترك رد

لن يتم نشر عنوان بريدك الإلكتروني.