تفريز الفول ملكة تحضيرات رمضان

17 497
 

تفريز الفول ملكة تحضيرات رمضان

تفريز الفول ملكة تحضيرات رمضان

تفريز الفول ملكة تحضيرات رمضان

تفريز الفول ملكة تحضيرات رمضان , معكم صديقة زاكي الشيف الموهوبة ,

المقادير

  • فول الكمية الي حابة تفرزيها
  • معلقة ملح صغيرة
  • معلقة سكر كبيرة
  • ماء

الخطوات

السلام عليكم صبايا زاكي الحلوين

بسم الله نبدأ

اليوم انا حابة اشارك معاكم باول وصفة الي ع زاكي هية مو وصفة بس من تحضيراتنا لرمضان ولغيرو وبصراحة هاض موسم تفريز الفول

اول شئ نزلت ع الارض ولقطت الفول لاني زارعته جنب البيت عندي ☺️

منبلش بتنظيف الفول ومنشيل الوسخ عنه بالسكين الاطراف يعني ومنجهزة للتفريز حسب الحجم الي بدك اياه طبعا وحسب ما بتحبي تستخدمية ☺️

هلا منجيب طنجرة ومنحط فيها مي ومنحط عليها معلقة ملح صغيرة ومعلقة سكر كبيرة هون السكر مشان يضل لون الفول اخضر وحلو وبس يغلو ببلش انزل الفول عليها وبخليه يغلي غلوتين مع المي مو اكثر من هيك لانه ما بدنا نطبخة نحنا وبعدين بطلعه من المي السخنه ع المي الباردة فورا حتى يوقف طبخ الفول وبصفيه منيح وبحطة ع جنب يبرد

وبس برد بنبلش نحطة باكياس التفريز حسب استخدامك كل طبخة ومنسكر الكيس اما بلزق او مثل ما انا بعمل بحط قطعة قصدير ع باب الكيس بعد ما افضيه من الهواء طبعا وبمشي عليها المكوى وهوه حامي او ستريت الشعر الي بريحك

وهيك بسكر معنا وع لفريزر

وهيك خلصت الوصفة بتمنى اكون خفيفة الضل وما حكيت اكثير

بس حبيت اشرح بالتفصيل مشان تستفيدو ان شاء الله تعجبكو الوصفة

وهلا بترككو برعاية الرحمن

السلام عليكم

17 تعليقات
  1. ام زكريا :

    بارك الله بك وجزاك خيرا شكرا عالطريقة والمعلومات

  2. ام محمود الرفاعي :

    الله يعطيكي العافية وجزاكي الله خيرا

  3. ام همام :

    يسلم ايديكي حبيبتي
    حبيت فكرة المكواة
    🌹🌹💕💕💕😘😘

  4. nawal :

    ماشالله عليكي يسلمو ايدك حبيبتي

  5. رذاذ المطر 💦💦 :

    أصبحت بالمفضله ام قيصر مبروووووك تنزيل اول وصفه الك بانتظار المزيد من إبداعاتك

  6. 💙أّمَ حٌمَزِّةّ💙 :

    الله يسلم ايديكي يا قلبي
    شكرأ ع المعلومات 👌👍

  7. 🌷❤ غزل ❤🌷 :

    يسلمو ايديكي شغل مرتب 👍👍

  8. om hasn :

    روعاااتك يا عسل يسلم ايديكي يا قلبي 😍😍😍

  9. ريحانة🌿 :

    وعليكم السلام ورحمة الله وبركاته
    جزاك الله خيرا عزيزتي
    وصحتين وهنا يا رب🌹

  10. هيام :

    يسلمو دياتك وألف صحه وعافيه انشالله

  11. إم مصطفي 😉 :

    وعليكم السلام ورحمة وبركاته 🌹

    هلا والله وغلا نور زاكي يسلمووو ديادك يا رب 😘😍💞

  12. 💖ام ابراهيم... سورية💖 :

    يسلمو ايديكي ام قيصر ان شاء الله موفقة ع طول يارب حبيبتي

  13. 🦋ام سليم 🦋 :

    وعليكم السلام ورحمة الله وبركاته
    ما شاء الله عليكي يا عسل
    تسلم ايديكي حبيبتي ❤️ ❤️

  14. هناء مؤمن محمد عطية :

    تسلم ايدك

  15. أم صبحي :

    ماشاء الله عليك يا أم قيصر فولاتك مرتبات وبشهوا وطريقتك بالتفريز واضحة
    يسلموا إيديك يا معدلة
    صحة وهنا 💞

  16. 🍒أم محمّد🍒 :

    اهلا وسهلا فيكي ام قيصر ويسلم ديااتك يا رب

  17. ❤ام محمد❤ :

    يسلمو ايديكي ياعسل

اترك رد

لن يتم نشر عنوان بريدك الإلكتروني.