البسبوسة ملكة تحضيرات رمضان

15 565
 

البسبوسة ملكة تحضيرات رمضان

البسبوسة

البسبوسة ملكة تحضيرات رمضان

البسبوسة ملكة تحضيرات رمضان , معكم صديقة زاكي الشيف الموهوبة ,

المقادير

  • 2 كوب سميد ناعم
  • 1 كوب جوز الهند
  • 1 كوب سكر
  • نصف كوب زيت
  • 1 كوب لبن رايب
  • 3بيض او حسب حجم الصينية الي رح نستخدمها
  • معلقة كبيرة ڨانيلا
  • معلقة كبيرة بيكنغ باودر
  • رشة ملح
  • مقادير القطر:
  • 2 كوب سكر
  • كوب وربع ماء
  • عصرة نص ليمونه

الخطوات

رح نجهز القطر بالاول مشان يكون بارد بس نحضر البسبوسة

مقادير القطر

2كوب سكر

1 1/4كوب وربع ماء

عصرة نص ليمونه

ورح نرفعة على النار حتى الغليان وبعدين رح نهدي النار لمدة عشر دقائق ورح نطفي

هلا رح نبلش بخليط البسبوسة

طبعا هون نفس الكوب منعاير فيه كل المكونات مو شرط كوب معياري

هلا رح ننزل البيض بجاط مع معلقة الڨانيلا ونخفقهم لحتى يصبح القوام رغوي وننزل كوب الكر على مراحل مع الخفق وهلا نص كوب الزيت مع الخفق وهون رح يصير لون المزيج ابيض وهلا كوب من اللبن ونحرك مع بعض وهلا كوبين السميد مع معلقو كبيرة من البيكنغ باودر ونخفق المزيج ورح ننزل كوب جوز الهند ونحرك المزيج حتى يصبح متجانس وهلارح نجيب الصينية وندهن ارضيتها مع الجوانب بشوية طحينية وننزل الخليط ورح ندخلها ع فرن محما مسبقا ع درجة 180درجة ورح تاخذ معنا نص ساعة تقريبا بس تاخذ لون من تحت منطفي الفرن من تحت ومنشغلو من فوق بس تاخذ لون ومنزينها مثل ما بدنا حسب الذوق ورح ننزل القطر عليها مباشرة بس تطلع من الفرن ورح يكون بارد وصحتين والف عافية

هاي البسبوسة طلبها ♥️ابو قيصر♥️ بنص السهرة كان جاي عبالو وطلعت بتجنن ما شاء الله

15 تعليقات
  1. 💖ام ابراهيم... سورية💖 :

    يسلمو ها الايدين ام قيصر ماشاء الله بتشهي
    My love
    الله يسعدك مع ماي لوفي تبعك 🥰🥰🥰🥰🥰

  2. هيام :

    ألف صحه وهنا على قلبكم انشالله

  3. joudi :

    تسلم ايدك صحة وعافية

  4. ام حمزه :

    يسلمو ايديكي صحتين وعافيه

  5. nawal :

    ماشالله يسلمو دياتك بالهنا

  6. ام همام :

    صحتين وهنا ام قيصر
    يسلم ايديكي 💞💞💞

  7. 🦋ام سليم 🦋 :

    ما شاء الله تبارك الله 😍 😍
    صحه وعافيه يارب عليكم

  8. إم مصطفي 😉 :

    صحه وعافيه يارب 😘😍

  9. ام علاء ابو يحيى :

    طيبه هالبسبوسه كثير تبارك الله معه حق ابو قيصر يطلبها بعز الليل انا بعملها بخليط طحين وسميد
    الف صحه وهنا

  10. om hasn :

    ما شاء الله شكلها بشهي صحتين وهنا يا رب 😍😍😍

  11. فوفه🥀🥀 :

    مبارك ام قيصر الوصفه… خليكِ متواجده دايما بوصفاتك صحتين

  12. 🍒أم محمّد🍒 :

    يسلم ديااتك يا رب بتشههههي

  13. ❤ام محمد❤ :

    يسلمو ايديكي ياقلبي وصحتين وهنا ع قلوبكم

  14. رذاذ المطر 💦💦 :

    يسلم هاليدين وصحتين وهنا

  15. هياء :

    إلى المفضلة بإذن الله

اترك رد

لن يتم نشر عنوان بريدك الإلكتروني.