كنافة بالقشطة ملكة تحضيرات رمضان

26 543
 

كنافة بالقشطة ملكة تحضيرات رمضان

كنافة بالقشطة ملكة تحضيرات رمضان

كنافة بالقشطة ملكة تحضيرات رمضان

كنافة بالقشطة ملكة تحضيرات رمضان, معكم صديقة زاكي الشيف الموهوبة ,

المقادير

  • نص كيلة كنافة خشنة
  • كاسة سمنة
  • للقشطة :
  • اربعة كوب حليب سائل
  • ست معالق كبار سميد وسط
  • ست معالق كبار طحين
  • اربع معالق كبار نشا
  • ماء ورد معلقة صغيرة
  • ماء زهر معلقة صغيرة
  • للتزين:
  • فستق حلبي
  • قطر ثقيل للقطر:
  • كوبين ماء
  • اربعة كوب سكر
  • عصرة نص ليمونة
  • معلقة كبيرة ماء ورد
  • معلقة كبيرة ماء زهر

الخطوات

السلام عليكم صديقاتي كيفكم شو اخباراتكم ان شاء الله الجميع بالف خير يا رب

اليوم وصفتي خفيفة لطيفة وكتيييييير طيبة

بكل بساطة بفرك الكنافة حتى تتفكك كاملة وبحطلها نص كوب سمنة وبفركها منيح حتى تتشرب كاملة من السمنة وبعدين باقي كوب السمنة بحطو بالصينية مقاس ٢٤ وبخلي جزء من السمنة لوجة الكنافة وبعد ما دهنة الصينية باخذ نص كمية الكنافة وبوزعو بالصينية وبرصو وبضغطو منيح منيح بس ارصومنيح بحط على وجه الكنافة كيس نايلون وبحط فوقها ثقل حتى تنكبس منيح وهاد سر من ارسرار القرشة وطبعآ كمية السمنة كمان هو الي بعطيكي القرشة والقطر السميك كمان بحافظ على القرشة وكمان لازم يكون بارد

وبعد ما ضغطة الكنافة بتركها وبجهز القشطة بحط كل المكونات مع بعض ما عدا ماء الورد وماء الزهر بتركهم للأخر وبخلطهم عالبارد وبعدين برفعو على الغاز مع الاستمرار بالتحريك حتى الغليان وبعدين بحط الماء الورد والزهر وبطفي تحتو وبرجع للكنافة بشيل عنها الثقل وبوزع عليها القشطة وببعد عن الاطرف حتى ما تطلع لبرا وتنحرق معنا وبعدين بوزع باقي الكنافة على الوجة وبضغط بشكل خفيف حتى ما تطلع القشطة على وجة العجينة وبعدين بوزع ع الوجة باقي كمية السمنة وبعدين بدخلها بفرن حامي مسبقآ وبضل اتابعها لحتى تتحمر من الأطراف مزبوط تحسيها فكت من الصينية وصارت تتحرك معك ارفعي طرف الكنافة وشوفيها اذا اخذت اللون المطلوب بحمر وجها بس يصير ذهبي بتطلعيها وبتشربيها بالقطر البارد وبتقلبيها بجاط التقديم واذا حسيتي بدها كمان قطر زيديلها وزينيها بالفستق الحلبي وتقدم باردة وصحتين وهنا على قلبكم

وبالنسبة للقطر

بحط السكر والماء على الغاز بس يبدأ بالغليان بحطلو عصير الليمون وبتركو لمدة عشر دقايقعلى نار هادية وبعدين بطفي علي وبحطلو ماء الورد وماء الزهر وبحركو وبتركو يبرد تمامآ قبل الاستخدام وبالهنا والعافية عليكم ولا تنسونا بهالأيام المباركة من صالح دعواتكم يا غاليات

26 تعليقات
  1. إم مصطفي 😉 :

    وعليكم السلام ورحمة وبركاته🌹

    رووووووعه ما شاء الله ربي يسلم ديادك حبيبتي صحه وعافيه يارب 😘😍

    1. om hasn :

      ع قلبك يا غالية ربي يسعدك ويهدي بالك يا عسل 😍😍😍

  2. رذاذ المطر 💦💦 :

    ما شاء الله عليك وعلى إبداعاتك المتألقه ام حسن الوصفه تشهي ممممممممممم

    1. om hasn :

      حبيبتي رذاذ من بعدك يا عسل تسلميلي يا رب 😍😍😍😍

  3. 💖ام ابراهيم... سورية💖 :

    ماشاء الله يسلمو ايديكي شكلها روعة
    فنانة ام حسن الغالية🥰🥰🥰🥰🥰😍🤩🤩💗❤💗💞💋💖💝💋💋💋💋💗💗💗

    1. om hasn :

      حبيبتي ام ابراهيم من بعدك يا عسل تسلميلي يا رب كلك زوووء حبي 😍😍😍😍

  4. هيام :

    ماشاءالله روعه تسلم دياتك الله يعطيك العافيه

    1. om hasn :

      الله يعافيكي يا عسل تسلميلي يا رب 😍😍😍

  5. 🍒أم محمّد🍒 :

    رووووعه يسلم دياتك يا رب

    1. om hasn :

      حبي ام محمد تسلميلي يا عسل😍😍😍

  6. 🌺 القدس عربية 🌺 :

    أم نبيل
    ما شاء الله رووووعه وبتشششهي شكلها
    يعطيكي الف عافية ويسلم هالايدين يا أم حسن

    1. om hasn :

      حبيبتي ام نبيل وايديكي يا عسل تسلميلي يا رب 😍😍😍😍

  7. joudi :

    شكلها تحفه تسلم ايدك صحة وعافية

    1. om hasn :

      ع قلبك يا عسل تسلميلي يا رب 😍😍😍

  8. nawal :

    شكلها بتشهي أن شالله صحة وهنا من اطيب الحلويات😋😋👍

    1. om hasn :

      حبيبتي تسلميلي كلك زووء يا عسل 😍😍😍😍

  9. ام همام :

    يسلم ايديكي حبيبتي
    المنظر حكاية 💞💞💞

    1. om hasn :

      حبيبتي كلك زوووء تسلميلي يا عسل 😍😍😍

  10. 🦋ام سليم 🦋 :

    وعليكم السلام ورحمة الله وبركاته

    تسلم الأيادي المعدلة يا عسل 😘
    صحتين وعافية يارب

    1. om hasn :

      ع قلبك يا رب تسلميلي يا عسل كلك زووووء 😍😍😍😍

  11. أم صبحي :

    ماشاء الله عليك يا أم حسن وصفاتك دايماً مميزة بلمساتك وبدقة ملاحظاتك.. يسلموا إيديك حبيبتي على هالوصفة اللي منظرها بشهي وزينتها روووعة
    صحة وهنا 💞

    1. om hasn :

      حبيبتي ام صبحي ربي يسعدك ويهدي بالك كلامك بفرح القلب وبجبر الخاطر ربي يفرح قلبك ويجبر خاطرك يا عمري اسعدتني يا زوووء 😍😍😍😍😍

  12. ام علاء ابو يحيى :

    تبارك الله على ام حسن وتكاتها وحركاتها ربي يسلم دياتك المعدلين وما يحرمنا من وصفاتك الطيبه وتقديمك الرائع منظرها بشهي وبكفي انها من تحت دياتك الحلوين

    1. om hasn :

      ياااا عمري يا ام علاء يا ست الكل انتي ربي يسعدك ويجبر خاطرك على الكلام المعسول يا عسولة تسلميلي يا رب 😍😍😍😍😍

  13. فوفه🥀🥀 :

    صحتين وهنا

  14. ❤ام محمد❤ :

    تبارك الرحمن شكل الكنافة مغري ولذيذ 😍😍
    صحتين وعافية ع قلوبكم
    واكيد ع المفضلة….

اترك رد

لن يتم نشر عنوان بريدك الإلكتروني.