طريقة الكشري المصري

14 557
 

طريقة الكشري المصري

طريقة الكشري المصري

طريقة الكشري المصري

كطريقة الكشري المصري, معكم صديقة زاكي الشيف الموهوبة ,

المقادير

  • مقادير الكشري:
  • كاستين رز
  • كاسةحمص
  • ١٠٠ غرام معكرونة عيدان
  • كاسة عدس
  • ١٠٠ غرام معكرونة حلزونية
  • ١٠٠ غرام شعيرية
  • مقادير الصلصة:
  • ثلاث حبات بندورة
  • ثلاث معالق معجون الطماطم
  • ملعقة ثوم مهروس
  • ملعقة ملح
  • نص ملعقة فلفل اسود مطحون
  • نص ملعقة كمون
  • مقادير الدقة:
  • ثلاث حبات فليفلة
  • ملعقة ثوم مهروس
  • ملعقة ملح
  • نص ملعقة كزبرة مطحونة
  • ربع ملعقة كمون مطحون
  • نص كأس خل ابيض
  • نص كأس ماء
  • التقلاية:
  • زيت ذرة
  • حبتين بصل

الخطوات

بسم الله الرحمن الرحيم

السلام عليكم ورحمة الله وبركاته

إزيكم شيفات زاكي إن شالله يسلمولي المصريين ربي يسعدهم اليوم طبختنا الكشري المصري أن شالله يارب يعجبكم

بنبلش اول شي بيكون الحمص منقوع من قبل اول شي بنسلق الحمص وبنسلق العدس كمان وبننقع كاستين رز بمي سخنة بنقطع البصل شرائح رفيعة وبنحط بمقلاية زيت ذرة وفير يعني هذا الزيت يلي بدنا نقلي بيه البصل بدنا نأخذ منو للكشري وللصلصة وللدقة بتقلي البصل لحتا يتحمر وبنحطو بصحن بيه محارم وبنفرفدو بأيدينا

بعد نخلص من سلق الحمص والعدس بنحط بطنجرة من زيت يلي قلينا بيه البصل وبنضيف الشعيرية وبس تتحمر بنضيف عليها الرز وبنحرك وبعدين بنضيف الحمص والعدس وبنكون مجهزين مي مغليه وبنضيفها عالرز لحتا يتغمر لانو العدس والحمص مسلوقين المي بس منشان تسوي الرز والشعيرية وبنضيف ملح ورشة بهار وبنغطيهن وبنتركهن لحتا يستوو

وبعدين بنحضر الصلصة بناخذ كمية من زيت يلي قلينا بيه البصل وبنضيف ملعقة ثوم مهروس وبنحرك وعالسريع بنضيف البندورة بعد مانكون قشرناها وخلطناها بالخلاط وبنضيفها عليهن وبنحرك وبنضيف ملح ورشة فلفل اسود مطحون ونص ملعقة كمون وبنتركهن عالنار ربع ساعةوبنسلق المعكرونة بطنجرة يعني ٨دقائق وبنصفيها

وبنحضر آخر شي للدقة بمحضرة الطعام بنطحن الفليفلة بعدتنظيفا من البذوروتقطيعا قطع صغيرة وبنطحنا دقيقة مانكثر شي انها تنعم شوي بنضيف ملعقة ثوم مهروس وبنحرك عالسريع وبنضيف الفليفلة وبنضيف عليها ملعقة ملح ونص ملعقة كزبرة مطحونة وربع ملعقة كمون ورشة فلفل اسود وبنضيف نص كأس خل ابيض ونص كاس مي وبنتركن يغلو مع بعض وهيك بنكون خلصنا من الطبخ

هيك بنبلش مرحلة التقديم بصينية بنصب الكشري وبنضيف عليه المعكرونة وبنخلطهن مع بعض وبنزينو بالبصل المقرمش وبنضيف صلصة وفوقها بنضيف الدقة طبعا مرحلة التقديم زوق شخصي البعض بترك الحمص والمعكرونة للتزين وهيك خلصنا

وبعدين شمري عن ايدك وبلشي بجلي المكوم وان شالله صحة وهنا وإذا بي معنا اخوات من مصر الشقيقة يعطوني رئين بصراحة

14 تعليقات
  1. ام علاء ابو يحيى :

    تسلم ايدك حبيبتي طالعين بشهو من تحت دياتك الف صحه وهنا

  2. om hasn :

    يا سلام ع الكشري والله شهيتيني ياها زمااان ما عملتها ان شاء الله رح اعملها قريب صحتين وهنا يا عسل 😍😍😍😍

  3. إم مصطفي 😉 :

    وعليكم السلام ورحمة وبركاته 🌹

    صحه وعافيه يارب 😘😍

  4. 🦋ام سليم 🦋 :

    وعليكم السلام ورحمة الله وبركاته

    روووووووعه تسلم ايديكي حبيبتي منظر مغري 😍 😍 😍 😍

  5. هيام :

    ماشاءالله ألف صحه وعافيه انشالله

  6. رذاذ المطر 💦💦 :

    الف صحه وعافيه ع قلبك

  7. 🌺 القدس عربية 🌺 :

    أم نبيل
    يسلمو هالايدين ما شاء الله عنك يعطيكي الف عافيه

  8. 💖ام ابراهيم... سورية💖 :

    ماشاء الله يسلمو ايديكي وصحتين وعافية على قلبكن

  9. فوفه🥀🥀 :

    تسلم الايادي

  10. 🍒أم محمّد🍒 :

    يسلم ديااتك ززاكيه هالاكله بس بدها بلشه صحه وعافيه يا رب

  11. ❤ام محمد❤ :

    يسلم ايديكي ياقلبي
    ماشاءالله منظرها غير شكل 😍👏

  12. أم صبحي :

    شكلها هالأكلة طيبة.. ما شاء الله عليك يا نوال عند ثقافة منوعة بالمطبخ
    صحة وهنا 💗

  13. الله يعطيك الصحة 😍 الأكلة المصرية المحبوبة في عائلتنا لأنه أغلب بناتنا و ولادنا متزوجين و مستقرين في القاهرة هههه يعني نصف نسايبنا من مصر الشقيقة ❤❤ و الله فكرتيني في لمة الاحباب بسبب كورونا هذه السنة ما شفناهم الله يجمعنا بأحبابنا واخواتنا و أولادنا على خير يارب

  14. الاء محمد :

    يسلم دياتك ااكيد من أطيب الأكلات

اترك رد

لن يتم نشر عنوان بريدك الإلكتروني.