فروج مسحب عالطريقة السورية ولا ألذ ملكة تحضيرات رمضان

42 630
 

فروج مسحب عالطريقة السورية ولا ألذ ملكة تحضيرات رمضان

فروج مسحب عالطريقة السورية ولا ألذ _ ملكة تحضيرات رمضان

فروج مسحب عالطريقة السورية ولا ألذ ملكة تحضيرات رمضان

فروج مسحب عالطريقة السورية ولا ألذ _ ملكة تحضيرات رمضان, معكم صديقة زاكي الشيف الموهوبة ,

المقادير

  • فروج كامل
  • ثلث كوب عصير ليمون
  • 5 سنون ثوم
  • ثلثي كوب زيت
  • ملعقتان كبار ونصف دبس بندورة
  • ملعقة كبيرة دبس فليفلة
  • ملعقتان كبار سماق
  • نصف ملعقة كركم
  • ملعقة كزبرة يابسة ناعمة
  • نصف ملعقة فلفل أسود
  • نصف ملعقة هيل ناعم
  • نصف ملعقة قرنفل ناعم
  • ملح حسب الرغبة
  • ملعقة خل
  • 8 أكواب ماء (لترين)
  • بطاطا
  • جزر
  • بصلة واحدة متوسطة
  • 3 حبات فليفلة خضرا
  • فطر حبات كاملة

الخطوات

“بسم الله الرحمن الرحيم”
السلاااام عليكم ورحمة الله وبركاته ان شاء الله تكونو انتو وكروشاتكن بأحسن حال وصفة اليوم ولا أروع ومافي حدا بياكلها إلا وبحبا
هاد الفروج المسحب المسقسق عالطريقة السورية اللي لازم يكون دايب دوبان وطعمتو وطعمة الخضرة اللي معو مابتنتسى والحلو انو طريقتو سهلة كتييير ومكوناتو متوفرة بس الطعم ياهومالالييي تعالو معي نشوف المقادير :
بالبداية قبل كل شي رح ننضف الجاجة وننقعها بمي وملح وخل شوي ومنغرزها بعود خشب أو برأس السكينة مشان تتشرب النكهات وبعدا رح نجهز خلطتنا اللذيذة

* أول خطوة منحط عصير الليمون والخل مع سنون الثوم والزيت ودبس البندورة ودبس الفليفلة مع بعض ومنطحنهم بالخلاط منيح ليصيرو ناعمين وممزوجين سوا

* تاني شي منضيف كل البهارات الناعمة ومنخلطن معن وبعدا منضيف المي وكمان منخلط كل شي سوا وهاد هو الخليط اللي رح نغمر فيه الجاجة وننقعها لمدة كم ساعة ويفضل ليلة كاملة طبعاً بيطلع غير شكل

* بعد ماتنتقع الجاجة بهالجاكوزي منحطها بصينية كبيرة وتحتا كم ورقة غار ومنقطع البصل والبطاطا والجزر لقطع كبيرة مشان يتحملو وقت الطبخ ومنوزعهم حوالين الجاجة

* منضيف الخليط اللي كنا ناقعين فيه الجاج عالصينية ومنغلفها منيح بالقصدير ومندخلها الفرن حوالي ساعة ونص بعدين منطالعها ومنحط حبات الفليفلة والفطر بشكل موزع كمان ومنسقي الجاجة بالصوص ومنرجع منغطيها ومندخلها الفرن لمدة نص ساعة رح يستوي كل شي ويتنهنه من الطراوة واللذاذة

* آخر خطوة رح نعملها انو نكشف الصينية ونترك الجاجة تتحمر شوي من فوق وبعدا رح تكون أكلتنا الرهيبة جاهزة للهجوم

* بتمنى تجربو الوصفة بحذافيرها ومتأكدة رح تنال إعجابكم ان شاء الله إنتو وعائلاتكم ..

42 تعليقات
  1. غير معروف :

    اهلا وسهلا فيكي يا احلى نور وين هالغيبة زمان القمر ما بان كيف حالك وكيف البيبي الله يتمملك على خير ويرزقك بتؤام اولاد يارب ويكونوا من البارين يارب وصالحين…
    ماشاء الله وصفة رائعة تألق وإبداع يسلموا ايديكي يعطيكي العافية…
    ام عمر …

    1. 💖نور💖أحمد💖 :

      هلا فيكييييي حبيبتي أم عمر والله الك وحشة كتير😍
      كيفك ياقلبي طمنيني عنك
      انا موجودة وكل يومين تلاتة بجي بس انتي ماعم شفلك تعليقات😟
      اشتقتلك كتير والله
      طمنيني عنك وعن أمورك ان شاء الله منيحة؟
      انا بخير الحمد لله وبفضل من رب العالمين 😘

  2. دانية :

    يميي ماشاء الله يسلم ايديكي ياقلبي بتشهي😍

    1. 💖نور💖أحمد💖 :

      الله يسلمك ياعسل😍

  3. أية 🌹 :

    ما شاء الله تبارك الرحمان عنك نور منظر بشهي وجنبا رز بشعيرية غير شكل يسلم دياتك وصحى وهنا

    1. 💖نور💖أحمد💖 :

      عقلبك يا وردة ربي يسلمك ويسعدك😍
      فيكي مع الرز وفيكي مع الخبز لذيذة كتير كمان😋

  4. رذاذ المطر 💦💦 :

    يا سلام على المنظر يشهي يسلم هاليدين وصحتين وهنا

    1. 💖نور💖أحمد💖 :

      على قلبك ياغالية😍
      الله يسلمك ويسعدك وتضلي منورة زاكي على طول بوجودك الحلو

  5. 🌺 القدس عربية 🌺 :

    أم نبيل
    ما شاء الله رووووعه يسلمو هالايدين ويعطيكي ألف عافية وصحتين وهنا ع قلوبكم يارب
    جاري تطبيق الوصفه 👍👍😋😋
    قايمه اتبل الجاج 🏃‍♀️🏃‍♀️🏃‍♀️🏃‍♀️

    1. أم صبحي :

      طولي بالك شوي أم نبيل
      هاي الوصفة لرمضان 😅😁

    2. 🌺 القدس عربية 🌺 :

      أم نبيل
      😂😂😂😂😂
      انا بحب اجرب الطبخه قبل رمضان لأنه بصراحه ما بتقدري تغامري بالأكل خاصه ازا اكله اول مره بتعمليها
      بس طلعت بتشششههيي وانبسطوا عليها جوزي وأولادي
      إن شاء الله في ميزان حسناتك يا نور والله يسعدك يارب ويرزقك اللي بتتمنيه 😍😍😍😍

    3. 💖نور💖أحمد💖 :

      الله يسلمك ويعافيكي ياعمري
      شو هالسرعة هي🤣🤣
      ماشاء الله عنك ربي يباركلك ويقويكي ويسلم أناملك
      كل شي من ايدك خير وبركة واكيد طيب😋
      كتير فرحت انك جربتيها وعجبتكم
      ان شاء الله هنا وعوافي الك ولعيلتك😍
      وممنونتك كتييير على دعواتك الحلوة
      ربي يسمع منك ويجزيكي أضعافها😘

    4. 💖نور💖أحمد💖 :

      ههههههههههه شايفة أم صبحي والله ضحكتني وفرحتني على حماسها
      ماشاء الله عالنشاط😍

    5. أم صبحي :

      والله يا نور وصفاتك ما بتخلي الواحد عنده صبر من لذاذتها ومن إبداعك في طبخها 😍😍
      وأم نبيل ماشاء الله عليها متابعة دقيقة للطبخ ومن حماسها مبين نفسها طيب عالأكل
      صحة وهنا للجميع 💞🌹💞

    6. 💖نور💖أحمد💖 :

      على قلبك ام صبحي الغالية
      هاد من لطفك وزوءك وكرم أخلاقك والله
      انتو كلكم فيكم الخير والبركة ياعمري وبتعلم منكم😘

  6. 🦋ام سليم 🦋 :

    وعليكم السلام ورحمة الله وبركاته

    ما شاء الله تبارك الله 😍 😍
    ألوان مغرية
    تسلم ايديكي حبيبتي ❤️

    1. 💖نور💖أحمد💖 :

      الله يسلمك ياقلبي منورتيني😘

  7. أم صبحي :

    ماشاء الله عليك يا نور.. مالنا ومال الحكي فروجتك شكلها مطيعة كيف متبلتيها بتطلع طيبة ومع باقي المقادير والخضروات أممم إكتملت الطعمة
    يسلموا إيديك حبيبتي وصحة وهنا 💞

    1. 💖نور💖أحمد💖 :

      على قلبك أم صبحي الغالية😍
      يخليلنا ياكي ومايحرمنا منك ولا من لطفك😘
      اي يرضى عليها هالجاجة على طول بتكون متل مابدي الحمد لله 😆

  8. هيام :

    ألف صحه وعافيه انشالله

    1. 💖نور💖أحمد💖 :

      على قلبك يا وردة😍

  9. الله يعطيك الصحة 😍

    1. 💖نور💖أحمد💖 :

      واياكي ماما عايدة الغالية
      ربي يخليلي ياكي 😘

  10. 🍒أم محمّد🍒 :

    شكلهاااا بشهههههي يسلم ديااتك يا رب وصحه وعافيه يا مبدعه

    1. 💖نور💖أحمد💖 :

      على قلبك حبيبتي أم محمد
      نحنا من بعدك 😍

  11. فوفه🥀🥀 :

    ان شاء الله الف صحه وعافيه 🌹 🌹

    1. 💖نور💖أحمد💖 :

      على قلبك ياشوكولاتاية زاكي😍

  12. nawal :

    ماشالله ابدعتي شكلها روعة أن شالله صحة وهنا🌹🥰😍😋

    1. 💖نور💖أحمد💖 :

      تسلميلي حبيبتي نوال
      كيك لطف وإبداع😍

  13. ام حمزه :

    ماشاء الله الف صحه وعافيه يارب

    1. 💖نور💖أحمد💖 :

      على قلبك ياعسل😍

  14. الاء محمد :

    يسلم هالانامل إلهي ريتنا ما ننحرم منك و من وصفاتك سبحان الله الك مكاني و معزة في قلبي بحس اني بعرفك و انك حدا بقربلي

    1. 💖نور💖أحمد💖 :

      الله يسلمك ويسعد قلبك بالدنيا والآخرة 😍
      الله بيعلم إنو القلوب عند بعضا واني دايما بدور على تعليقاتك لأنو كلامك و لطفك مميزين كتير وبخلو الواحد يحبك من دون مايشوفك والله😘
      ممنونتك من قلبي على كلماتك ودعمك الدائم يا أحلى لولية😍

    2. الاء محمد :

      حبيبتي نور ربي يسعد قلبك

    3. 💖نور💖أحمد💖 :

      😘😍

  15. جوان :

    ما ازكاها.اكيد رح جربها

    1. 💖نور💖أحمد💖 :

      ان شاء الله هنا وعوافي سلفاً 😍
      ابقي خبريني رأيك بعد أول لقمة هههههه

  16. ريحانة🌿 :

    وعليكم السلام ورحمة الله وبركاته
    تسلم ايدك حبيبتي
    صينية دجاج بالخضار شهية ولذيذة

    احنا بنحكي دجاج مسحب يعني مخلي من العظم .. وممكن يكون كامل أو مقطع

    1. 💖نور💖أحمد💖 :

      الله يسلمك ويكرمك🌺
      صح كلامك بأغلب الدول متعارف عالمسحب انو هو المخلي من العضم بس عنا الفروج المسحب اسمو هيك لأنو بعد الطهي المفروض انو تسحبي العضم بكل سهولة من كتر مابكون الدجاج مستوي وطري😆
      وبينعمل جاجة كاملة بس طبعا بيقدر الواحد يعمل قطع اذا حب كمان
      بس كونو متعارف عالأكلة هيك ومرتبطة بالذاكرة هيك فصعب نغير😅

  17. ام علاء ابو يحيى :

    تسلم ايدك حبابه منظرها بشهي وطالعه من تحت دياتك تحفه ربي يتحف حياتك بالمسرات ويرزقك سعادة الدارين يا نواره..طمنينا عنك

    1. 💖نور💖أحمد💖 :

      الله يسلمك ومايحرمني طلتك ياحنونة وتضلي منورتيني ومنورة زاكي دايما بوجودك😘
      انا الحمد لله تمام بفضل من رب العالمين وبدعي بسلامتك
      كيفك انتي وكيف الأهل ♥️

  18. ام تيم :

    بتشي والله يسلم دياتك
    ان شاء الله برمضان ح جربها

اترك رد

لن يتم نشر عنوان بريدك الإلكتروني.