طريقة البرغل ببندوره مع صينية الدجاج ملكة تحضيرات رمضان

30 418
 

طريقة البرغل ببندوره مع صينية الدجاج ملكة تحضيرات رمضان

طريقةالبرغل ببندوره مع صينية الدجاج الطعم رااائع ملكة تحضيرات رمضان

طريقة البرغل ببندوره مع صينية الدجاج ملكة تحضيرات رمضان

طريقةالبرغل ببندوره مع صينية الدجاج الطعم رااائع ملكة تحضيرات رمضان , معكم صديقة زاكي الشيف الموهوبة ,

المقادير

  • لصينية الدجاج بنحتاح :
  • دجاج مقطع
  • للتتبيله بنحتاج :
  • م.ك.ملح
  • م.ص فلفل اسود
  • م.ص.كاري
  • م.ص.بابريكا
  • م.ص.اريجانو
  • عصير نص ليمونه
  • ربع كوب خل
  • 2 م.ك.زيت زيتون او ذره
  • 2 م.ك. كاتشب
  • نص كوب ماء للصينيه
  • زيت ذره ورشة ملح وفلفل اسود
  • خضار مقطعه :
  • بطاطا مقطعه لدوائر
  • بصل وبندوره مقطعه لقطع كبيره
  • حبة بصل مقطعه لدوائر
  • لطريقة البرغل بنحتاج :
  • 2 كوب برغل خشن
  • حبة بصل كبيره مفرومه
  • عصير بندوره او 3 حبه بندوره مفرومه
  • 2 م.ك.معجون بندوره
  • ملح
  • فلفل اسود
  • كاري
  • بابريكا
  • مكعب ماجي
  • ماء ساخن
  • زيت ذره

الخطوات

السلام عليكم ويسعد أوقاتكم بالخير

اليوم بقدملكم وصفة برغل ببندوره وصينية الدجاج،، البرغل بهذه الطريقه جدااا زاكي وطعمه بشهههي وتغير عن الارز وطريقه سهله وبسيطه ان شاء الله بعجبكم وبتجربوه عالمائدة أفطار رمضان نوع من التغير

يلاااا نشوووف الطريقه ……

& بنبلش بتجهيز صينية الدجاج لانها بتاخذ وقت بالفرن وااكيد كلكم بتعرفو طريقتها بس راح اقدملكم طريقتي المبسطه ونزلتها قبل هالمره وموجوده بملفي بس عشان الوصفه تكون متكامله راح ارجع انزلها لكم

& بنتبل الدجاج بنضع عليه مكونات التتبيله يلي ذكرتها فوق بالمقادير وبحركهم مزبوط وبتركه عالجنب لحتى اجهز الخضار ..بقطع راس بصل لدوائر وبضعه بالصينيه وثم بقطع البطاطا دوائر غليظه شوي وبغسلها وبتبلها بالملح والفلفل وبضعها فوق البصل ومن ثم بضع قطع الدجاج وثم وشرائح البندوره وقطع البصل الكبيره واخر شي برشلها ملح وفلفل اسود عالوجه الصينيه وشوية خل وزيت ذره او زيت زيتون ونص كوب ماء وبقصدرها وبدخلها الفرن الحامي عالاعلى درجة حراره الرف الاول وبعد نص ساعه بوطي النار للوسط وبتركها ساعه تقريبا وبعد هيك بفتح عليها وبشوف استوائها وبعد ما تستوي تماما وتتنشف ميتها بدهن وجه الدجاج بكاتشب وزيت ذره بخلطهم سوا وبدهن الدجاج فيهم وبحمر الصينيه وهيك بتكون جاهزه معنا ..( ممكن وضع الثوم والفلفل الاخضر مع الخضار حسب الرغبه)

& طريقة البرغل : بنفرم بصله كبيره وبقليها بزيت ذره وبعد ما تتقلى بضع عليها الملح والفلفل الاسود وبابريكا والكاري ومكعب ماجي ومعجون البندوره وبقلبهم سوا ثم بضيف عصير البندوره او بندوره مفرومه حسب الرغبه وبقلبهم سوا وبضيفلهم البرغل المغسول فقط وبقلبهم سوا لمدة دقيقه لحتى البرغل يتشرب المكونات مزبوط ثم بضيف الماء الساخن لحتى يغمر البرغل مثل الارز تماما وبزبط الملح وبغطيه لحتى تتنشف المي وبعدين بوطي النار لاخر شي وبتركه لحتى يستوي وهيك بكون جاهز معنا ، ( ممكن اضافة الفلفل الاخضر المفروم والحمص المسلوق مع البرغل )

& فكره لتقديم البرغل كثير حلوه عالسفره وتغير عن المعتاد وبالأخص للعزايم نوع من التنويع وشكل جديد ومميز بضع البرغل بقالب كيك وكل ما يتم وضع طبقه بضغط عليها بالملعقه مزبوط عشان تاخذ شكل القالب وهيك لحتى اخلص كل الكميه واخر شي بضغط عليه مزبوط بالملعقه وبقلبه بطبق التقديم وبتركه مقلوب ما بشيل عنه القالب تقريبا من خمس دقائق لعشرة دقائق حسب وقتك ثم بشيل القالب وبطلع معي البرغل عالشكل قالب الكيك وزينته بشرائح الليمون والبقدونس والتزين حسب الرغبه واكيد ممكن تقديمه بطبق عادي كالمعتاد بس انا حبيت اعطيكم طريقة هالتقديم الحلوه ان شاء الله تكون عجبتكم،،، والطعم راااائع جدااا

وصحه وعافيه مقدما

دمتم بكل الخير

( اللهم أدمها من نعمه واحفضها من زوال )

30 تعليقات
  1. 🌺 القدس عربية 🌺 :

    أم نبيل
    يسلمو هالايدين ويعطيكي ألف عافية وصحتين وهنا ع قلوبكم يارب ما شاء الله عنك شغلك روعه وكتير مرتب

    1. 🍒أم محمّد🍒 :

      الله يسلم قلبك ويسعدك بكل خير يا رب

  2. تبارك الله عليك 😍😍 المنظر و اللون كيشهيو بالصحة و الراحة

    1. 🍒أم محمّد🍒 :

      الله يسعدك ويسلم قلبك يا رب

  3. الاء محمد :

    مشهي ما شاء الله تبارك الله تسلم دياتك

    1. 🍒أم محمّد🍒 :

      الله يسلم قلبك ويسعدك يا رب

  4. ام همام :

    ما شاء الله منظر البرغل تحفة 😍😍😍

    1. 🍒أم محمّد🍒 :

      الله يسعدك بكل الخير يا رب

  5. هيام :

    ماشالله منظر بشهي الله يعطيك العافيه

    1. 🍒أم محمّد🍒 :

      الله يعافي قلبك ويسعدك يا رب

  6. أم صبحي :

    ماشاء الله عليك يا أم محمد.. وصفاتك دايماً فيها تجديد رغم بساطتها.. الذوق والترتيب شعارك.. يسلموا إيديك حبيبتي وصفتك روووووووعة
    صحة وهنا 💞💞

    1. 🍒أم محمّد🍒 :

      الله يسعد قلبك ويجبر بخاطرك يا كل الذوق تسلمي عالتعليقك يا رب

  7. ريحانة🌿 :

    وعليكم السلام ورحمة الله وبركاته
    تسلم ايدك حبيبتي
    وصحتين وعافية 🌹

    1. 🍒أم محمّد🍒 :

      الله يعافيكي ويسعدك بالخير يا رب

  8. تسلم ايدك يا غلااااااا
    منظر ولا اروع بيشهي لا غنى عن وصفاتك الدهبية
    ام محمد مشكورة حياتي

    1. 🍒أم محمّد🍒 :

      الله يسعد قلبك ويسلمك من كل شر ام ابراهيم

  9. ام علاء ابو يحيى :

    ما شاء على ام محمد وابداعاتها المنظر رووووعه والتقديم اررروع واكيد الطعمه لا توصف الله يعطيك الف عافيه حبيبتي ابدعتي ربي يكرمك

    1. 🍒أم محمّد🍒 :

      الله يعافي قلبك ويسعدك بالخير يا رب

  10. رذاذ المطر 💦💦 :

    يمممم ام محمد شو الابداع ما شاء الله والله يحفظك من كل مكروه وتظلي تتحفينا بكل جديدك يا متألقه

    1. 🍒أم محمّد🍒 :

      آمين ويحفظك ويحفظلك احبابك يا رب
      الله يسعدك بكل الخير يا رب

  11. nawal :

    ماشالله يسلمو ايدك 🍒ام محمد🍒ابداع ورتابة وصور بتفتح النفس أن شالله صحة وهنا يامبدعة

    1. 🍒أم محمّد🍒 :

      الله يسعدك بكل الخير ويسلمك يا رب.

  12. فوفه🥀🥀 :

    وعليكم السلام ورحمة الله وبركاته..

    الله يسلم هالايادي ان شاء الله مأكول الهنا الك ولاولادك 🌹

    1. 🍒أم محمّد🍒 :

      يسعد قلبك ويسلمك من كل شر يا رب

  13. ناي :

    ما شاءالله،، مأكول الهنا يارب،، ورح جربها بأقرب وقت،،،

    1. 🍒أم محمّد🍒 :

      الله يسعدك ويسلمك من كل شر يا رب
      ان شاء الله بتجربيها وبتعحبك

  14. 🦋ام سليم 🦋 :

    وعليكم السلام ورحمة الله وبركاته

    ما شاء الله منظر بيفتح النفس

    تسلم الأيادي يا مبدعه 😍 😍

    وصحه وعافيه عليكم 💕

    1. 🍒أم محمّد🍒 :

      الله يسعدك ويعافي قلبك ياا رب

  15. حبيبتي ام محمد شو انك معدله يا قلبي
    ترتيب الله يحميك يا رب
    عنجد انك فنانه ،👌😋😋

    1. 🍒أم محمّد🍒 :

      الله يسعد قلبك ويسلمك يا رب

اترك رد

لن يتم نشر عنوان بريدك الإلكتروني.