الدحدح بحلته الجديده

23 3٬362

الدحدح بحلته الجديده

الدحدح بحلته الجديده

الدحدح بحلته الجديده

الدحدح بحلته الجديده, معكم صديقة زاكي الشيف الموهوبة , السلام عليكم ورحمة الله وبركاته كيف حالكم يا احبابي الغالين عدت لكم بعد غياب طويل بس ما حبيت ارجع الكم وايدي فاضيه قلت لازم اجبلكم معي اشي جميل ومحبوب لقلوب كل الناس وهو الدحدح انا بعمله بمقدار كتير صغير لإنه بحطه بقوالب كتير صغيره مابحب اعمله بصينيه كبيره وانا اصلا اللي بعرفني بعرف اني بعمل كل شي صغير… بسم الله نبدأ المقادير…

المقادير

  • كوب سميد وسط
  • نص كوب طحين
  • ربع كوب سمن او زيت نباتي
  • ملعقه صغيره حليب ناشف
  • شوية كركم او ملون طعام اصفر
  • ربع ملعقه خميره مع ربع كوب ماء دافئ وشوي سكر مع بعض
  • الحشوة نص كوب سميد ناعم
  • نص كوب سكر باودر
  • ربع كوب جوز هند خشن
  • ملعقتين كبار قرفه
  • ملعقه كبيره زيت
  • ربع كوب او اكتر شوي قطر

الخطوات

بحط السميد على الطحين والسمن او الزيت وببسهم بس زي كعك العيد

بعدين بخلط باقي المواد مع بعضها بحذر لازم تكون العجينه مش قاسيه ولا طريه كتير بس نعجنها كويس نتركها ترتاح ربع ساعه

بعدين نعمل الحشوه نخلط مقادير الحشوه كلها مع بعض وتكون طريه انا هيك بحبها

بقوالب متحرك القاعده صغار كتير بحط طبقه رقيقه من العجين وبعدين الحشوه وبعدين طبقه تانيه من العجين وبنقشها بالشكل اللي انتو بتحبوه

وبس اخلص كل القوالب بحطها بالفرن على درجة حراره ١٨٠ حامي مسبقا لمدة ربع ساعه مش اكتر بتحسي اطرافه حمرت بكون خلص استوت وبتحمريها من فوق وصحتين وعافيه

ان شاءالله تكون الوصفه عجبتكم…

عرض التعليقات (23)